ພະແນກກະສິກຳ ແລະ ປ່າໄມ້ແຂວງ ຫົວພັນ ສຳເລັດຊຸດອົບຮົມການຫັນປ່ຽນການຜະລິດກະສິກຳແບບດັ່ງເດີມ ໃຫ້ເປັນສິນຄ້າ ແລະ ທັນ​ສະ​ໄຫມ​ຢູ່ 2 ເມືອງ

ໃນ​ວັນ​ທີ່ 6 ຕຸ​ລາ 2020 ນີ້ ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ ຫົວ​ພັນ ສຳ​ເລັດ​ຊຸດ​ອົບ​ຮົມ​ການ​ຫັນ​ປ່ຽນ​ການ​ຜະ​ລິດ​ກະ​ສິ​ກຳ​ແບບ​ດັ່ງ​ເດີມ ໃຫ້​ເປັນ​ສິນ​ຄ້າ ແລະ ທັນ​ສະ​ໄໝ ຢູ່ 2 ເມືອງ  ໂດຍ​ການ​ເຂົ້າ​ຮ່ວມ​ຂອງ​ທ່ານ ກອນ​ໄທ​ແກ້ວ​ນະ​ຄອນ ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່​ໄມ້​ແຂວງ  ມີ​ທ່ານ ທິດ​ສະ​ດີ ຫົວ​ໜ້າ​ຜູ້​ປະ​ສານ​ງານ​ໂຄງ​ການ​ປັບ​ປຸງ​ລະ​ບົບ​ການ​ປູກ​ສາ​ລີ ຢູ່​ເຂດ​ເນີນ​ສູງ​ຂອງ ສ​ປ​ປ​ລາວ ກົມ​​ຄຸ້ມ​ຄອງ ແລະ ພັດ​ທະ​ນາ​ທີ່​ດິນກະ​ສິ​ກຳ ກະ​ຊວງ​ກະ​ສິ​ກຳ ແລະ ປ່າ​ໄມ້ ພ້ອມ​ດ້ວຍ​ທີມ​ງານ, ມີ​ຫ້ອງ​ການ​ກະ​ສິ​ກຳ ແລະ ປ່າ​ໄມ້​ເມືອງ ພ້ອມ​ດ້ວຍ​ວິ​ຊາ​ການ​ຂະ​ແໜງ​ລ້ຽງ​ສັດ, ປູກ​ຝັງ ແລະ ອຳ​ນາດ​ການ​ປົກ​ຄອງ​ບ້ານ​ເຂົ້​າ​ຮ່ວມ​ນຳ.

        ໃນ​ພິ​ທີ​ທ່ານ ກອນ​ໄທ​ ແກ້ວ​ນະ​ຄອນ ໄດ້​ມີ​ຄຳ​ເຫັນ​ ສະ​ເໜີ​ຈຸດ​ປະ​ສົງ ແລະ ກ່າວ​ຊຸດ​ອົບ​ຮົມ​ຢ່າງ​ເປັນ​ທາງ​ການ  ຊຸດ​ອົບ​ຮົມ​ຄັ້ງ​ນີ້​ແມ່ນ​ໄດ້ ​ຈັດ​ຢູ່ 2 ເມືອງ​ຄື: ເມືອງ ຊຽງ​ຄໍ້ ແລະ ເມືອງ ສົບ​ເບົາແລະ ຈັດ​ຕັ້ງ​ປະ​ຕິ​ບັດ​ຕົວ​ຈິງ​ຢູ່ 2 ບ້ານ ຄື: ບ້ານ​ປ່າ​ຂົມ​ນ້ອຍ ເມືອງ ສົບ​ເບົາ ແລະ ບ້ານ ນາ​ຄ້າງ ເມືອງ ຊຽງຄໍ້ ເຊີງ​ເປັນ​ເມືອງ ເປົ້າ​ໝາຍ​ຂອງ​ໂຄງ​ການ ປັບ​ປຸງ​ລະ​ບົບ​ການ​ປູກ​ສາ​ລີ ຢູ່​ເຂດ​ເນີນ​ສູງ​ຂອງ ສ​ປ​ປ​ລາວ ໂດຍ​ມີ​ຈຸດ​ປະ​ສົ່ງ​ເພື່ອ ໃຫ້​ຊາວ​ກະ​ສິ​ກອນ​ໄດ້​ຮຽນ​ຮູ້​ເຕັກ​ການ​ຜ​ະ​ລິດ​ກະ​ສິ​ກຳ​ທີ່​ທັນ​ສະ​ໄຫມ, ການ​ຫັນ​ປ່​ຽນ​ຮູບ​ແບບ​ການ​ຜະ​ລິດ​ແບບ​ດັ່ງ​ເດີມແບບ​ອາ​ໄສ​ທຳ​ມະ​ຊາດ ມາ​ນຳ​ໃຊ້​ເຕັກ​ນິກ​ເຂົ້າ​ໃນ​ການ​ຜະ​ລິດ​ເພື່​ອຍົກ​ສູງ​ສະ​ມັດຕະ​ພາບ​ການ​ຜະ​ລີດ​ໃຫ້​ຫຼາຍ​ກາຍ​ເປັນ​ສິນ​ຄ້າ, ເຊີງ​ໄດ້​ຝືກ​ອົບ​ຮົມ​ພາຍ​ໃຕ້​ຫົວ​ຂໍ້ ຄວາມ​ຮ​ູ້​ພື້ນ​ຖານ​ກ່​ຽວ​ກັບ​ການ​ສ້າງ​ຕັ້ງ​ກຸ້ມ, ເຕັກ​ນິກ​ໃນ​ການ​ນຳ​ໃຊ້​ຝຸ່ນ​ເຂົ້າ​ໃນ​ການ​ຜະ​ລິດ, ການ​ສົມ​ທຽບ​ການ​​ປູກ​ພືດ​ແບບ​ດັ່ງ​ເດີມ ​ແລະ ການ​ປູກ​ພືດ​ອິນ​ຊີ​ແບບ​ນຳ​ໃຊ້​ເຕັກ​ນິກ, ຄວາມ​ຮູ້​ພື່ນ​ຖານ​ກ່ຽວ​ກັບ​ການ​ສັກ​ຢາ​ຕ້ານ​ພະ​ຍາດ​ສັດ ແລະ ບົດ​ບາດ​ຍີງ​ – ຊາຍເຂົ້​າ​ໃນ​ວຽກ​ງານ​ກະ​ສິ​ກຳ ແລະ ປ່າ​ໄມ້, ນອກ​ຈາກ​ ຍັງ​ໄດ້​ນຳ​ສະ​ເໜີ​ຜົນ​ຮ້າຍ​ຂ​ອງ​ຢາ​ຂ້​ຫ້​ຍາ​ທີ່​ມີ​ອັນ​ຕະ​ລາຍ​ຕໍ່​ຄົນ ແລະ ສີງ​ແວດ​ລ້ອມ, ຈາກ​ການຮຽນ​ພາກ​ທິດ​ສະ​ດີ​ແລ້ວ​ຜູ້​ເຂົ້າ​ຮ່ວມ​ຝືກ​ອົບ​ຮົມ​ຍັງ​ໄດ້​ລົງ​ປະ​ຕິ​ບັດ​ຕົວ​ຈີງ​ໃນ​ການ​ແນະ​ນຳ​ວິ​ທີ​ການ​ສັກ​ຢາ​ກັນ​ພະ​ຍາດ​ສັດ ​ເປັນ​ຕົ້ນ​ແມ່ນ ສັກ​ຢາ ງົວ, ຄວາຍ, ໝາ ແລະ ສັດ​ປີກ, ເຫັນ​ວ່າ​ນັກ​ສຳ​ມະ​ນາ​ກອນ​ໄດ້​ຮັບ​ຮູ້ ແລະ ​ມີ​ຄວາມ​​ສົນ​ໃຈ​ໃນ​ດ້ານ​ເຕັກ​ນິກ​ການ​ປູກ​ການ​ລ້ຽ​ງ​ສັດ ທີ່​ທັນ​ສະ​ໄຫມ ເພື່ອ​ຫັນ​ປ່ຽນ​ການ​ຜະ​ລິດ​ແບບ​ອາ​ໄສ​ທຳ​ມະ​ຊາດ​ເຮັດ​ໃຫ້​ຜົນ​ຜະ​ລິດ​ຕ່ຳ ແລະ ນຳ​ເອົາ​ບົດ​ຮຽນ​ດັ່ງ​ກ່າວ​ມາ​ປະ​ຕິ​ບັດ​ຕົວ​ຈິງ​ເພື່ອ​ເຮັດ​ໃຫ້​ການ​ຜະ​ລິດ​ກະ​ສິ​ກຳ​ພາຍ​ໃນ​ບ້ານ​ໄດ້​ມີ​ການ​ພັດ​ທະ​ນາ ເປັນ​ສິ​ນ​ຄ້າ​ສ້າງ​ລາຍ​ຮັບ​ເຂົ້າ​ສູ່​ຄອບ​ຄົວ​ຫຼາຍ​ຂື້ນ​ກ່​ວາ​ເກົ່າ.