ພະແນກກະສິກຳ ແລະ ປ່າໄມ້ແຂວງ ລົງກວດກາຄວາມຄືບໜ້າໂຄງການກໍ່ສ້າງຊົນລະປະທານ ຫ້ວຍຕະລາງ, ບ້ານ ພຽງແງ, ເມືອງ ສົບເບົາ, ແຂວງ ຫົວພັນ.

ໃນ​ວັນ​ທີ່ 15 ຕຸລາ 2020 ນີ້ ພະ​ແນກ​ກະ​ສິ​ກຳ ແລະ ປ່າ​ໄມ້​ແຂ​ວງ ສົມ​ທົບ​ກັບ​ພາກ​ສ່ວນ​ທີ່​ກ່ຽວ​ຂ້ອງ ແຂວງ ແລະ ເມືອງ ລົງ​ກວດ​ກາ​ຄວາມ ຄືບ​ໜ້າ ການ​ກໍ່​ສ້າງ​ຊົນ​ລະ​ປະ​ທານ ຫ້ວຍ​ຕະ​ລາງ, ບ້ານ ພຽງ​ແງ, ເມືອງ ສົບ​ເບົາ ແຂວງ ຫົວ​ພັນ ໂດຍ​ການ​ເຂົ້າ​ຮ່ວມ​ຂອງທ່ານ ຄຳລ້ຽນ ເພັດສີທອນ ຮອງເລຂາພັກເມືອງ, ເມືອງສົບເບົາ, ທ່ານ ວິໄລຈິດ ສຸກຈະເລີນ ຫົວໜ້າຂະແໜງຊົນລະປະທານ, ພະແນກກະສິກຳ ແລະ ປ່າໄມ້ແຂວງ, ພາກສ່ວນ​ທີ່​ກ່ຽວ​ຂ້ອງ​ຂັ້ນແຂວງ ແລະ ເມືອງ ພ້ອມ​ດ້ວຍ​ບໍ​ລິ​ສັດ​ຜູ້​ຮັບ​ເໝົາ​ກໍ່​ສ້າງ, ອຳນາດການປົກຄອງບ້ານ​ເຂົ້າ​ຮ່ວມ​ນຳ.

ໂຄງ​ການ​ກໍ່​ສ້າ​ງ​ຊົນ​ລະ​ປະ​ທານ ຫ້ວຍ​ຕະ​ລາງ, ບ້ານ ພຽງ​ແງ, ເມືອງສົບ​ເບົາ, ແມ່ນ​ໂຄງ​ການ​ໜື່ງ​ທີ່​ໄດ້​ຮັບ​ທືນ​ອະ​ນຸ​ມັດ​ຈາກ​ລັດ​ຖະ​ບານ ເພື່ອ​ພັດ​ທະ​ນາ​ດ້ານ​ພື້ນ​ຖານ​ໂຄງ​ລ່າງ​ໃນ​ການ​ຜະ​ລິດກ​ະ​ສິ​ກຳ, ລວມ​ມີ​ມູນ​ຄ່າ​ກໍ​ສ້າງ​ທັງ​ໝົດ 8 ຕື້ 133 ລ້ານ​ກ່​ວາ​ກີບ, ໂດຍ​ແມ່ນ​ບໍ​ລິ​ສັດ ບຸນ​ທະ​ວີ​ຊັບ ພັດ​ທະ​ນາ​ກໍ່​ສ້າງ ຄົບ​ວົງ​ຈອນ​ຈຳ​ກັດ​ຜູ້​ດຽວ ເປັນ​ຜູ້​ຮັບ​ເໝົາ​ກໍ່​ສ້າງ,  ​ເຊີ່ງ​ມີ​ລະ​ບົບ​ການ​ກໍ່​ສ້າງ ​ທີ່​ມີລະ​ບົບ​ຫົວ​ງານ​ເປັນ​ຝາຍ​ນ້ຳ​ລົ້ນ, ລະ​ບົບ​ຄອງ​ເໝືອງ ເປັນ​ຄອງ​ເບ​ຕົງ​ເສີມ​ເຫຼັກ, ມີ​ອາ​ຄານ​ຕາມ​ຄອງ​ເໝືອງ, ສາ​ມາດ​ຫົດ​ເນື້ອ​ທີ່​ນາ​ໄດ້ ເກຶອບ13 ເຮັກ​ຕາ, ບຸກ​ເບີກ​ເນື້ອ​ທີ່​ນາ​ໃຫ່​ມ​ໄດ້ 13 ເຮັກ​ຕາ, ຄວາມຍາວຄອງເໝືອງທັງໝົດ 3 ພັນ 2 ຮ້ອຍແມັດ,ເຊີ່ງ​ໄດ້​ເລີ່ມ ລົງ​ມືກໍ່ສ້າງ ໃນ​ເດືອນ 3 ປີ 2020 ມາ​ຮອດ​ປະຈຸ​ບັນ​ແມ່ນ​ສຳ​ເລັດ​ແລ້ວ 100 % ຂອງ​ບັນ​ດາ​ໜ້າ​ວຽກ ເປັນ​ຕົ້ນ​ແມ່ນ ກໍ່​ສ້າງ ​ລະ​ບົບຫົວ​ງານ​ສຳ​ເລັດ 100 % ກໍ່​ສ້າງ​ທໍ່​ເອົາ​ນ້ຳ ແລະ ອ່າງ​ລະ​ບາຍ​ຊາຍ​ສຳ​ລັດ 100 % , ​ສຳ​ເລັດກໍ່​ສ້າງ​ລະ​ບົບ​ຄອງ​ເໝືອງ​ສອງ​ເບື້ອງ ແລະ ທະ​ລຸ​ເປີດ​ກ້​ວາງ​ຄອງ​ເໝືອງ ແລະ ອື່ນໆ ຄາດວ່າຈະໄດ້ມອບ-ຮັບ ແລະ ນຳໃຊ້ຊົນລະປະທານໃຫ້ທ່ວງທັນລະດູນາແຊງໃນໄວໆນີ້.

ພາບ-ຂ່າວ; ຄຳພະແກ້ວ ອິນທະວົງ