ວັນທີ 1 ກຸມພາ 2022 ນີ້ຢູ່ທີ່ຫ້ອງປະຊຸມຫໍວັດທະນະທຳແຂວງ, ພະແນກກະສິກຳ ແລະ ປ່າໄມ້ແຂວງຫົວພັນ, ໄດ້ສະຫຼຸບການຈັດຕັ້ງປະຕິບັດວຽກງານຂອງຕົນປະຈຳປີ 2021 ແລະ ວາງແຜນການປີ 2022 ຂື້ນ, ໂດຍການເປັນປະທານຂອງ ທ່ານ ໄຈເພັດ ເຮືອງຖາວອນ ຮັກສາການຫົວໜ້າພະແນກກະສິກໍາ ແລະ ປ່າໄມ້ ແຂວງ, ເປັນກຽດເຂົ້າຮ່ວມ ທ່ານ ພອນສຸກ ອິນທະວົງ ຄະນະປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳຂົງເຂດວຽກງານເສດຖະກິດຂັ້ນແຂວງ, ພາກສ່ວນທີ່ກ່ຽວຂ້ອງມາຈາກພະແນກການຂັ້ນແຂວງ, ຫ້ອງການກະສິກຳຂັ້ນເມືອງ, ຄອບຄົວຕົວແບບ 10 ເມືອງທົ່ວແຂວງເຂົ້າຮ່ວມ.

ໃນກອງປະຊຸມ ທ່ານ ​ໄຈ​ເພັດ ​ເຮືອງ​ຖາວອນ ໄດ້ສະຫຼຸບລາຍ​ງານການຈັດຕັ້ງປະຕິບັດແຜນພັດທະນາກະສິກຳ ແລະ ປ່າໄມ້ ປະຈຳປີ 2021 ໂດຍໄດ້ຍົກໃຫ້ເຫັນດ້ານດີຜົນງານທີ່ຈັດຕັ້ງປະຕິບັດໄດ້ ແລະ ດ້ານອ່ອນຄົງຄ້າງທີ່ຈະໄດ້ປັບປຸງແກ້ໄຂໃນຕໍ່ໜ້າເປັນຕົ້ນແມ່ນສະພາບລວມຂອງຜົນການຈັດຕັ້ງປະຕິບັດແຜນພັດທະນາກະສິກຳ ແລະ ປ່າໄມ້ ຄື: ດ້ານການປູກຝັງໄດ້ມີການຊຸກຍູ້ຂະບວນການປູກຢ່າງເປັນຂະບວນກ້ວາງຂວາງ ແລະ ຂະຫຍາຍຕົວຕໍ່ເນື່ອງ ເພື່ອຮັບປະກັນດ້ານສະບຽງອາຫານ, ຜະລິດເປັນສີນຄ້າ, ປະຈຸບັນທົ່ວແຂວງມີເນື້ອທີ່ປູກທັງໝົດ 55.300 ​ກວ່າເຮັກຕາ, ເທົ່າກັບ​ 96,8%,​ ຜົນຜະລິດໄດ້ທັງໝົດ 246.000 ກວ່າໂຕນ, ທຽບໃສ່ແຜນການ 5 ປີ  1ລ້ານ 3 ແສນ ກວ່າໂຕນ, ສາມາດປະຕິບັດ 19%, ໃນນີ້ ມີຂະບວນການປູກເຂົ້າ, ປູກພືດສະບຽງອາຫານ​ ​ແລະ ການ​ປູກ​ພືດ​ເປັນ​ສິນຄ້າ. ດ້ານ​ການລ້ຽງສັດ​ເປັນ​ສິນຄ້າ​ເພື່ອ​ບໍລິ​ໂພ​ກພາຍ​ໃນ ​ແລະ ສົ່ງ​ອອກ, ງົວ, ປະຕິບັດ​ໄດ້ 11,400 ກວ່າ​ໂຕ​ເທົ່າ​ກັບ 50,1%, ຄວາຍ 5 ພັນ 4 ຮ້ອຍກວ່າ​ໂຕ ລື່ນ​ຄາດໝາຍ 3%, ໝູ 33 ພັນ 2 ຮ້ອຍກວ່​າ​ໂຕ​ເທົ່າ​ກັບ 50,6%. ດ້ານວຽກງານປ່າໄມ້ ໄດ້ເອົາໃນໃສ່ປະຕິບັດການຂຶ້ນທະບຽນສວນປູກໄມ້ຂອງຊາວກະສິກອນໃນ 10 ເມືອງທົ່ວແຂວງ ເພື່ອເປັນພື້ນຖານໃນການຫັນເອົາການປູກໄມ້ອຸດສະຫະກຳ ເຂົ້າສູ່ລະບຽບການ ຕິດພັນກັບການປຸງແຕ່ງ ແລະ ສົ່ງອອກ ສາມາດປະຕິບັດໄດ້ 73,1 ຮຕ ເທົ່າກັບ 243% ທຽບໃສ່ແຜນ 5 ປີ (150 ຮຕ) ປະຕິບັດໄດ້ແລ້ວ 48,7%. ການປະຈັດຕັ້ງປະຕິບັດຄາດໝາຍດ້ານພັດທະນາຊົນນະບົດ ແລະ ແກ້ໄຂຄວາມທຸກຍາກ ປະຈຸບັນ ຂວງຫົວພັນ ມີເມືອງທຸກຍາກຢູ່ 10 ເມືອງກວມ 100%, ມີບ້ານທຸກຍາກ 473 ບ້ານ ກວມເອົາເກືອບ 65%, ມີຄອບຄົວທຸກຍາກ 16.860 ຄອບຄົວ ກວມເອົາ 33%. ວຽກງານຊົນລະປະທານ ຟື້ນຟູສ້ອມແປງ ລະບົບຊົນລະປະທານທີ່ມີແລ້ວໃຫ້ສາມາດນຳໃຊ້ ແລະ ສາມາດສະໜອງນໍ້າໃຫ້ແກ່ເນື້ອທີ່ທຳການຜະລິດ ຊຶ່ງປະຈຸບັນ ໃນທົ່ວແຂວງ ມີໂຄງການລະລະປະທານ ທັງໝົດ 2.160 ແຫ່ງ, ສາມາດສະໜອງນໍ້າລະດູຝົນໄດ້ 13 ພັນ 8 ຮ້ອຍກ່ວາເຮັກຕາ, ລະດູແລ້ງສາມາດສະໜອງນໍ້າໄດ້ 2 ພັນ 2 ຮ້ອຍກ່ວາເຮັກຕາ. ວຽກງານຄຸ້ມຄອງ ແລະ ພັດທະນາກະສິກຳ ທົ່ວແຂວງມີດິນກະສິກຳທັງໝົດ 1ແສນ 34 ພັນ 1ຮ້ອຍກ່ວາເຮັກຕາ, ໃນນັ້ນ ເນື້ອທີ່ສາມາດຂະຫຍາຍນາໄດ້ 2,438 ເຮັກຕາ, ປະຈຸບັນມີດິນນາເກືອບ 14 ພັນເຮັກຕາ. ວຽກງານສູນຮ່ວມມືລາວ-ຫວຽດ ມີຫລາຍກິດຈະກຳທີ່ເກີດຂຶ້ນໃໝ່ ໂດຍສະເພາະກິດຈະກຳ ລ້ຽງໝູລາດ, ໝູປ່າ ແລະ ໝູພັນ, ສັດປີກ, ລ້ຽງປາ, ໄມ້ໃຫ້ໝາກ, ຝຶກອົບຮົມໃຫ້ຊາວບ້ານ. ເດັ່ນກວ່າໝູ່ແມ່ນການທົດລອງປະສົມພັນໝູ ມີຈຳນວນ ທັງໝົດ 68ໂຕ, ລ້ຽງພໍ່-ແມ່ພັນ 28 ໂຕ, ລື່ນແຜນການປີ 40%, ຜະລິດໝູນ້ອຍໄດ້ 67ໂຕ, ຂາຍອອກ 48 ໂຕ, ເທົ່າກັບ 96%, ຂອງແຜນການ, ຂາຍໝູຊີ້ນໄດ້ 182 ກິໂລເທົ່າກັບ 60.66%, ສໍາລັບທິດທາງແຜນການໃນຕໍ່ໜ້າ ພະແນກກະສິກຳ ແລະ ປ່າໄມ້ແຂວງສູ້ຊົນຈັດຕັ້ງປະຕິບັດວາລະແຫ່ງຊາດໃຫ້ສຳເລັດຕາມຄາດໝາຍ ໂດຍສະເພາະແມ່ນການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດການເງິນທີ່ຕິດພັນກັບຂະແໜງກະສິກຳ ແລະ ປ່າໄມ້ ໃນທ້າຍປີ 2023, ພ້ອມທັງຈະສຸມໃສ່ບັນດາບາງໜ້າວຽກຕົ້ນຕໍຄື: ການປູກຝັງຈະໃຫ້ໄດ້ໃນເນື້ອທີ່ 57.800 ກວ່າເຮັກຕາ, ຜົນຜະລິດຈະໃຫ້ໄດ້ 256.000 ກວ່າໂຕນ, ລ້ຽງສັດປະເພດງົວຈະ ໃຫ້ໄດ້ 156.000 ກ່ວາໂຕ, 61.500 ກ່ວາໂຕ, ແບ້ 32.900 ກວ່າໂຕ, ໝູ 127.000 ກ່ວາໂຕ, ສັດປີກ 2.700.000 ກ່ວາໂຕ, ວຽກງານພັດທະນາຊົນະບົດ ແລະ ແກ້ໄຂຄວາມທຸກຍາກສ້າງບ້ານພັດທະນາຈະໃຫ້ໄດ້ 20 ບ້ານ, ຄອບຄົວພັດທະນາໃຫ້ໄດ້ 264 ຄອບຄົວ, ບ້ານ ພັນທຸກໃຫ້ໄດ້ 7 ບ້ານ, ອັດຕາບ້ານທຸກຍາກໃຫ້ຍັງເຫຼືອ 64,01%, ຂອງບ້ານທັງໝົດ, ວຽກງານຊົນລະປະທານ ຈະໃຫ້ໄດ້ 2.162 ແຫ່ງ, ສາມາດສະໜອງນ້ຳໃຫ້ແກ່ເນື້ອທີ່ການຜະລິດລະດູແລ້ງໃຫ້ໄດ້ 2.249 ເຮັກຕາ/ປີ, ລະດູຝົນໃຫ້ໄດ້ 13.924 ເຮັກຕາ/ປີ, ວຽກງານຄຸ້ມຄອງ ແລະ ພັດທະນາ ທີ່ດິນກະສິກຳ ຈະໃຫ້ໄດ້ 30 ບ້ານ, ອອກໃບຢັ້ງຢືນການນໍາໃຊ້ທີ່ດິນກະສິກຳຈະໃຫ້ໄດ້ 30 ຕອນ, ວຽກງານຄົ້ນຄ້ວາ ແລະ ຂະຫຍາຍແນວພັນພືດ, ສັດ, ປາ, ໄມ້ ແລະ ໄມ້ໃຫ້ໝາກ ຈະໃຫ້ໄດ້ 11. 100 ເບ້ຍ, ແລະ ກິດຈະກຳອື່ນໆ ອີກຈຳນວນໜື່ງ.

ບັນນາທິການກວດແກ້: ນ ພວງວັນມີວົງສາ ຮອງຫົວໜ້າຫ້ອງການບໍລິຫານ

ຂ່າວ-ພາບ: ຄຳພະແກ້ວ ອິນທະວົງ ນັກຂ່າວພະແນກກະສິກຳ ແລະ ປ່າໄມ້ແຂວງ

ໃນວັນທີ  25 ມັງກອນ 2022ນີ້  ຢູ່ທີ່ພະແນກກະສິກຳ ແລະ ປ່າໄມ້ ແຂວງຫົວພັນ ໄດ້ຈັດພິທີມອບ – ຮັບ ລົດຈັກ ໃຫ້ກັບພະນັກງານຂອງ ໂຄງການຊົນລະກະເສດ ແລະ ການຜະລິດເປັນສີ້ນຄ້າຂະໜາດນ້ອຍ ປະຈຳແຂວງຫົວພັນ ເປັນກຽດເຂົ້າຮ່ວມຂອງ  ທ່ານ ໄຈເພັດ ເຮືອງຖາວອນ ຮອງຫົວໜ້າພະແນກກະສິກຳ ແລະ ປ່າໄມ້ຄະນະຊີ້ນຳໂຄງການຂັ້ນແຂວງ , ພ້ອມດ້ວຍ ບັນດາທ່ານຜູ້ປະສານງານໂຄງການຂັ້ນເມືອງ 6 ເມືອງ ເປົ້າໝາຍຂອງ ໂຄງການຄື: ເມືອງແອດ, ຊຽງຄໍ້,  ສົບເບົາ, ເມືອງຊຳເໜືອ, ວຽງໄຊ  ແລະ  ຊຳໃຕ້, ສຳລັບໂຄງການ ໂຄງການຊົນລະກະເສດ ແລະ ການຜະລິດເປັນສິນຄ້າຂະໜາດນ້ອຍ ທີ່ຈັດຕັ້ງປະຕິບັດຢູ່ໃນປັດຈຸບັນ ຖືໄດ້ວ່າເປັນໂຄງການໜຶ່ງທີ່ສຳຄັນຕໍ່ການ ປະກອບສ່ວນພັດທະນາເສດຖະກິດສັງຄົມຟື້ນຟູຕໍ່ການຜະລິດກະສິກຳ ຢູ່ ບັນດາເມືອງເປົ້າໝາຍຂອງໂຄງການ ໂດຍສະເພາະແມ່ນການສົ່ງເສີມການຜະລິດກະສິກຳເປັນສິນຄ້າໃຫ້ເພີ່ມຂື້ນ, ການປົກປ້ອງລະບົບນິເວດວິທະຍາ ໃນເຂດອ່າງໂຕ່ງ, ປັບປຸງພຶ້ນທີ່ຊົນລະປະທານໃຫ້ດີຂຶ້ນ ແລະ ສ້າງຈິດສຳນຶກດ້ານໂພສະນາການ ແລະ ປັບປຸງລະບົບສຸຂະພິບານ ແລະ ຟື້ນຟູພຶ້ນຖານໂຄງລ່າງຊົນລະປະທານ, ໂຄງການດັ່ງກ່າວໄດ້ເລີ່ມຈັດຕັ້ງປະຕິບັດມາແຕ່ທ້າຍປີ  2020  ເປັນຕົ້ນມາຄະນະຊີ້ນຳຂອງແຕ່ລະຂັ້ນ ແລະ ຄະນະຊີ້ນຳຂອງໂຄງການໄດ້ເປັນເຈົ້າການເຄື່ອນໄຫວວຽກງານ ຢ່າງມີຄວາມຮັບຜິດຊອບສູງ ມີການຈັດກອງປະຊຸມຄົ້ນຄວ້າວາງແຜນ  ຈັດຝຶກອົບຮົມທາງດ້ານວິຊາການ  ກຳນົດຂັ້ນຕອນ ວິທີດຳເນີນໂຄງການ ຢ່າງເປັນລະບົບ  ແລະ ການຈັດພິທີມອບຮັບ ລົດໃນຄັ້ງນີ້ ສອດຄ່ອງກັບທິດທາງວຽກງານຈຸດສຸມ ແລະ ແຜນພັດທະນາເສດຖະກິດສັງຄົມຂອງເມືອງ ວາງອອກ ສ້າງໃຫ້ກຸ່ມຜະລິດ ແລະ ສ້າງໃຫ້ ກຸ່ມຊາວກະສິກອນ ໄດ້ມີປະສົບການກາຍເປັນວິຊາຫາລ້ຽງຊີບໄດ້ເປັນໄປຍາວນານ.

  ໂຄງການຂັ້ນສູນກາງມອບລົດໃຫ້ໃນຄັ້ງນີ້   ເປັນຢີ່ຫໍ້ລົດຈັກ ຮອນດ້າ ສີແດງ ຈຳນວນທັງໝົດ 36 ຄັນ ເຊີ່ງມອບໃຫ້ເມືອງເປົ້າໝາຍຂອງໂຄງການ ຄື: ເມືອງຊຳເໜືອ ຈຳນວນ 5ຄັນ, ເມືອງວຽງໄຊ 7ຄັນ, ສົບເບົາ  8 ຄັນ, ເມືອງຊຽງຄໍ້ 5 ຄັນ, ເມືອງແອດ 6 ຄັນ, ເມືອງຊຳໃຕ້ 5 ຄັນ  ເພື່ອເປັນການນຳໃຊ້ລົດໃຫ້ຍາວນານ ສຳລັບພະນັກງານໂຄງການທີຖືກຮັບຜິດຊອບຄຸ້ມຄອງນຳໃຊ້ລົດ ທີ່ຖືກແຕ່ງຕັ້ງຂຶ້ນແລ້ວ ກໍ່ ຕ້ອງເປັນເຈົ້າການ ຄຸ້ມຄອງຮັກສາລົດບໍ່ໃຫ້ຕົກເຮ່ຍເສຍຫາຍ ແລະ ກໍ່ຕ້ອງໝັ່ນກວດກາສ້ອມແປງ ເພື່ອເປົ້າໝາຍການນຳໃຊ້ລົດໃຫ້ເກີດຜົນປະໂຫຍດສູງສຸດ ແລະ ໄປຕາມກອບທີ່ໂຄງການວາງໄວ້.

ພາບ-ຂ່າວ: ນັກຂ່າວພະແນກກະສິກຳ ແລະ ປ່າໄມ້ແຂວງຫົວພັນ.

  ວັນ​ທີ 19 ມັງ​ກອນ 2022 ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ ຂະ​ແໜງ​ລ້ຽງ​ສັດ ແລະ ການ​ປະ​ມົງ, ໄດ້​ເຂົ້າ​ຮ່ວມກອງ​ປະ​ຊຸມ (ທາງ​ໄກ) ຂື້ນ​ທີ່​ຫ້ອງ​ປະ​ຊຸມນ້ຳ​ຮັງ, ໂດຍ​ມີ​ຜູ້​ເຂົ້າ​ຮ່ວມ 18 ແຂວງ​ທົ່ວ​ປະ​ເທດ, ​ທ່ານ ດ​ຣ ສີ​ແສງ ຂຸນ​ສີ ຮອງ​ຫົວ​ໜ້າ​ກົມ​ລ້ຽງ​ສັດ ແລະ ການ​ປະ​ມົງ ກະ​ຊວງ​ກະ​ສິ​ກຳ ແລະ ປ່າ​ໄມ້, ຜ່າຍ​ແຂວງ​ຫົວ​ພັນ​ມີ​ທ່ານ ຮອງ​ຫົວ​ໜ້າ​ຂະ​ແໜງ​ລ້ຽງ​ສັດ ແລະ ການ​ປະ​ມົງ, ມີ​ຫົວ​ໜ້າ​ໜ່ວຍ​ງານ​ລ້ຽງ​ສັດ 10 ເມືອງ​ທົ່ວ​ແຂວງ, ຜູ້​ຮັບ​ຜິດ​ຊອບ​ຂາຍ​ຢາ​ສັດ, ຜູ້​ປະ​ກອບ​ການ​ລ້ຽງ​ສັດ, ຮ້ານ​ຂາຍ​ຢາ ແລະ ອຸ​ປະ​ກອນສັດ​ຕະ​ວະ​ແພດ​ເຂົ້າ​ຮ່ວມ​ລວມ​ທັງ​ໝົດ 51 ທ່ານ, ຍິງ 19 ​ທ່ານ.

ກອງ​ປະ​ຊຸມ​ທາງ​ໄກ​ຜູ້​ເຂົ້າ​ຮ່ວມ​ຍັງ​ໄດ້​ຮັບ​ຟັງ​ການ​ສະ​ເໜີ​ບົດ​ທີ 1 ເຊື້ອ​ຈຸ​ລະ​ຊີບ​ຕ້ານ​ຕໍ່​ຢາ​ແມ່ນ​ຫັຍ​ງ, ບົດ​ທີ 2 ການ​ຈັດ​ຕັ້ງ​ປະ​ຕິ​ບັດ​ວຽກ​ງານ ເຊື້ອ​ຈຸ​ລະ​ຊີບ​ຕ້ານ​ຕໍ່​ຢາ ໃນ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ, ຈາກ​ສູນ​ວິ​ໄຈ​ພະ​ຍາດ​ສັດ, ຕອນ​ທ້າຍກອງ​ປະ​ຊຸມ​ນັກ​ສຳ​ມະ​ນາ​ກອນ​ຍັງ​ໄດ້​ສົນ​ທະ​ນາ​​ໂດຍ​ມີ​ຄຳຖາມ, ​ຄຳຕອບ ແລະ ໃຫ້​ຜູ້​ປະ​ກອບ​ການ​ຂາຍ​ຢາ​ຕ້ອງ​ມີ​ໃບ​ອະ​ນຸ​ຍາດ​ເປັນ​ຂອງ​ຕົນ​ຈິ່ງ​ສາ​ມາດ​ປະ​ກອບ​ການ​ ແລະ ຂາຍ​ຮັບ​ໃຊ້​ສັງ​ຄົມ​ໄດ້.

ບັນນາທິການກວດແກ້: ນາງ ພວງວັນ ມີວົງສາ

ພາບ-ຂ່າວ: ຄຳພະແກ້ວ ອິນທະວົງ ນັກຂ່າວ ປກ ແຂວງຫົວພັນ

ໃນຕອນເຊົ້າວັນທີ 22 ກໍລະກົດ 2020 ນີ້, ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ຈັດກອງປະຊຸມສ້າງແຜນພັດທະນາເມືອງຊ່ອນ ເປັນເມືອງຕົວແບບພົ້ນທຸກ ໃນປີ 2020 ເປັນເວລາ 1 ຕອນ, ທີ່ຫ້ອງປະຊຸມ(ນ້ຳຮັງ), ໂດຍ​ການ​ເປັນ​ປະ​ທານຂອງທ່ານ ພັນທອງ ເພັດໄຊສົມພັນ ຮອງເຈົ້າແຂວງ, ຜູ້ຊີ້ນຳວຽກງານຂົງເຂດເສດຖະກິດຂັ້ນແຂວງ, ມີທ່ານ ພູ​ວົງ ສີ​ສົມ​ຮັກ ຫົວໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ມີເຈົ້າເມືອງໆ ຊ່ອນ, ມີບັນດາພະແນກການທີ່ກ່ຽວຂ້ອງຂັ້ນແຂວງ, ຂັ້ນເມືອງ ແລະ ຂະແໜງການກ່ຽວຂ້ອງຂອງພະແນກ, ​ເຂົ້າ​ຮ່ວມ 40 ກ່​ວາ​ທ່ານ.

ເພື່ອວາງແຜນພັດທະນາເມືອງຊ່ອນ ເປັນເມືອງຕົວແບບພົ້ນທຸກ ໃນປີ 2020 ໃນວາລະກອງປະຊຸມ ທ່ານ ໄມພຽງ ມາດາຈິດ ຫົວໜ້າຂະແໜງພັດທະນາຊົນນະບົດ ແລະ ສະຫະກອນ, ໄດ້ຂື້ນຜ່ານບົດລາຍງານ ການສ້າງ ເມືອງຊ່ອນ ເປັນເມືອງພົ້ນທຸກ ຕາມດຳລັດເລກທີ 348/ລບ, ລົງວັນທີ 16 ພະຈິກ 2017, ຜ່ານຂໍ້ຕົກລົງຂອງທ່ານເຈົ້າແຂວງໆ ຫົວພັນ, ສະບັບເລກທີ 61/ຈຂ.ຫພ ລົງວັນທີ 16 ມັງກອນ 2020, ຜ່ານເອກະສານບັນດາໂຄງການທີ່ນອນຢູ່ໃນແຜນພັດທະນາເມືອງຊ່ອນໃນໄລຍະທີ່ຜ່ານມາ ເພື່ອເຮັດໃຫ້ບັນລຸຕາມມາດຖານເມືອງພົ້ນທຸກ ຈະຕ້ອງໄດ້ສຸມໃສ່ແຕ່ລະຂະແໜງການຄື: ວຽກ​ງານສາທາລະນະ​ສຸກ, ໂຍທາ​ທິການ-ຂົນ​ສົ່ງ ແລະ ວຽກ​ງານກະ​ສິ​ກຳ ແລະ ປ່າ​ໄມ້, ທີ່ປະຊຸມໄດ້ປະກອບຄຳຄິດ-ຄຳເຫັນຢ່າງກົງໄປ,ກົງມາ ເພື່ອປັບປຸງແກ້ໄຂບົດໃຫ້ສົມບູນ ໃສ່ແຜນພັດທະນາເມືອງຊ່ອນໃຫ້ເປັນເມືອງຕົວແບບພົ້ນທຸກ ໃນປີ 2020.

ຕອນທ້າຍກອງປະຊຸມ ທ່ານ ພັນທອງ ເພັດໄຊສົມພັນ ປະທານກອງປະຊຸມ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ຂອງຂະແໜງພັດທະນາຊົນນະບົດ ແລະ ສະຫະກອນ ໄດ້ເອົາໃຈໃສ່ເກັບກຳຂໍ້ມູນ ຕາມດຳລັດ 348/ລບ ໃນໄລຍະຜ່ານມາ ແລະ ສະຫຼຸບຕີລາຄາຢ່າງຄົບຖ້ວນສັດເຈນ ແລະ ກຳນົດທິດທາງລວມຈຸດສຸມ ບັນດາກິດຈະກຳແຕ່ລະດ້ານ ເພື່ອໃຫ້ບັນລຸຕາມ 9 ມາດຖານ ແລະ ສັງລວມບັນຫາຕ່າງໆ ມອບໃຫ້ຂະແໜງພັດທະນາຊົນນະບົດ ແລະ ສະຫະກອນ ປະສານສົມທົບກັບກອງເລຂາບັນດາຂະແໜງການກ່ຽວຂ້ອງ ແລະ ເມືອງຊ່ອນ ສືບຕໍ່ປັບປຸງບົດສະຫຼຸບ ແລະ ແຜນການ ເອົາການປະກອບຄຳເຫັນເປັນບັນຫາສຳຄັນ, ນຳເອົາເນື້ອໃນກອງປະຊຸມໄປຈັດຕັ້ງປະຕິບັດຕາມພາລະບົດບາດສິດໜ້າທີ່, ມີການປະສານງານທີ່ດີແບ່ງຂັ້ນຄຸ້ມຄອງຈະແຈ້ງ, ເພື່ອນຳເອົາແຜນພັດທະນາເມືອງຊ່ອນ, ເຂົ້າກັບແຜນພັດທະນາເສດຖະກິດສັງຄົມ, ຂອງເມືອງ, ແຂວງ ແລະ ລັດຖະບານ, ສອດຄ່ອງກັບສະພາບຕົວຈິງແຕ່ລະບ້ານ ແຕ່ລະຂະແໜງການ, ແຕ່ລະຄາດໝາຍ, ສະເໜີທ່ານເຈົ້າແຂວງແຕ່ງຕັ້ງຄະນະຮັບຜິດຊອບ ແລະ ກອງເລຂາຊ່ວຍວຽກ ສ້າງເມືອງຊ່ອນເປັນເມືອງພົ້ນທຸກ ແຕ່ປີ 2020-2024.

ພາບ-ຂ່າວ, ຄຳພະແກ້ວ ອິນທະວົງ  ພະແນກກະສິກຳ ແລະ ປ່າໄມ້ແຂວງ ຫົວພັນ

ວັນທີ່ 18 ກໍ​ລະ​ກົດ 2020  ນີ້ ພະແນກກະສິກຳ ແລະ ປ່າໄມ້ແຂວງ ສົມ​ທົບ​ກັບ​ພາກ​ສ່ວນ​ທີ່​ກ່ຽວ​ຂ້ອງ​ ຂອງ​ແຂວງ ແລະ ເມືອງ ໄດ້ລົງ​ກວດ​ກາ ແລະ ຈັດພິທີມອບຮັບໂຄງການ ຊົນລະປະທານ ນ້ຳ​ພູນ ບ້ານ ຊຽງ ເມືອງ ວຽງ​ໄຊ ແຂວງ ຫົວພັນ,  ພິ​ທິ​ໄດ້​ຈັດ​ຂື້ນ​ທີ່ໂຮງ​ຮຽນ ບ້ານ ຊຽງ ໂດຍການເຂົ້າ​ຮ່ວມ​ຂອງ​ທ່ານ ວັນ​ໄຊ ແພງຊຸມ​ມາ ເຈົ້າແຂວງ ແຂວງ ຫົວພັນ, ມີທ່ານ ພູວົງສີ ສົມຮັກ ຫົວໜ້າພະແນກກະສິກຳ ແລະ ປ່າໄມ້ແຂວງ ,  ​ມີ​ທ່ານ ພອນ​ສຸກ ອິນ​ທະ​ວົງ ເຈົ້າເມືອງ ເມືອງ ວຽງ​ໄຊ, ​ມີຫົວ​ໜ້າ, ຮອງ​ຫົວ​ໜ້າ​ພະ​ແນກກ​ການ ພ້ອມ​ດ້ວຍ​ພາກ​ສ່ວນ​ທີ່​ກ່ຽວ​ຂ້ອງ​ຂັ້ນ​ແຂວງ, ຂັ້ນ​ເມືອງ ແລະ ອຳ​ນາດ​ການ​ປົກ​ຄອງ​ບ້ານ​ເຂົ້າ​ຮ່ວມ​ນຳ.

ໂຄງການ ​ກໍ່​ສ້າງຊົນລະປະທານ ນ້ຳ​ພູນ ​ບ້ານ ຊຽງ ເມືອງ ວຽງ​ໄຊ ແຂວງ ຫົວພັນ ເປັນ​ໂຄງ​ການ​ໜື່ງ​ທີ່​ຕິດ​ກັບ​ສາຍ​ແດນ ຫວຽດ​ນາມ  ເປັນ​ເຂດ​ທີ່​ໝັ້ນ​ຂອງ​ການ​ປະ​ຕິ​ບັດ,   ມີ​ເນື້ອ​ທີ່​ເລາະ​ຕາມ​ສອງ​ຝັ້ງ​ແມ່​ນ້ຳ​ພູນ,   ​ ຕັ້ງ​ຢູ່​ ຫ່າງ​ຈາກ ​ເທດ​ສະ​ບານເມືອງ ວຽງ​ໄຊ ໄປ​ທາງ​ທິດ​ຕາ​ເວນ​ອອກ​ສຽງ​ເໜືອ ປະ​ມານ    47  ກິ​ໂລ​ແມັດ, ​ໂດຍແມ່ນ​ ທືນ​ຂອງ​ລັດ​ຖະ​ບານ​ແຫ່ງ ສ ປ​ປ​ ລາວ

ເພື່ອພັດທະນາພື້ນຖານໂຄງລ່າງ ດ້ານ​ການ​ຜະ​ລິດກະສິກຳ ​ມີ​ມູນ​ຄ່າ​ທັງ​ໝົດ 17 ຕື້ 646 ລ້ານ 4 ແສນ ກ່​ວາ​ກີບ, ໂດຍ​ແມ່ນ​ບໍ​ລິ​ສັດ ສຸກ​ຈະ​ເລີນ​ກໍ່​ສ້າງ​ສ້ອມ​ແປງ​ຊົນ​ລະ​ປະ​ທານ ເປັນ​ຜູ້​ຮັບ​ເໝົາ​ກໍ່​ສ້າງ,  ເຊີ່ງ​ໄດ້​ເລີ່ມ​ລົງ​ມື​ກໍ່​ສ້າງ​ແຕ່​ປີ 2018 ເປັນ​ຕົ້ນ​ມາ,  ເຖີງ​ປະ​ຈຸ​ບັນ​ແມ່ນ​ໄດ້​ສຳ​ເລັດການ​ກໍ່​ສ້າງ 100% ​ເຊີ່ງ​ໃຊ້​ເວ​ລາ​ໃນ​ການ​ກ​ໍ່​ສ້າງ 24 ເດືອນ,   ​ ໂຄງການດັ່ງກ່າວນີ້ ໄດ້ມີແບບແຜນກໍ່ສ້າງ ເປັນລະບົບຖາວອນ, ທັງລະບົບຫົວງານ ແລະ ລະບົບຄອງເໝືອງ ມີຄວາມຍາວທັງໝົດ  2 ພັນ 625 ແມັດ ,ລະ​ບົບ​ຫົວ​ງານຝາຍ​ນ້ຳ​ລົ້ນ 2 ຫົວ​ງານ, ​ຝາຍ​ນ້ຳ 1 ແຫ່ງ ເຊີ່ງ​ກໍ່​ສ້າງ​ເປັນ​ຝາຍ​ຖາ​ວອນ ກໍ່​ດ້ວຍ​ຫີນ​ພູນ​ໂອບ​ດ້ວຍ​ເບ​ຕົງ​ເສີມ​ເຫຼັກ ມີ​ຂະ​ໜາດ​ກ້​ວາງ 57 ແມັດ, ສູງ 2.5 ແມັດ, ຍາວ 26 ແມັດ ມີ​ປະ​ຕູ​ລະ​ບາຍ​ນ້ຳ​ 2 ເບື່ອງ ແລະ ປະ​ຕູ​ເອົາ​ນ້ຳ​ເຂົ້າ​ນາ 2 ເບື້ອງ, ສາ​ມາດ​ຫົດ​ນ້ຳ​ເຂົ້າ​ໃສ່​ເນື້ອ​ທີ່​ທຳ​ການ​ຜະ​ລິດ​ໄດ້ທັງ​ໝົດ 55.25 ເຮັກ​ຕາ, ບຸກ​ເບີກ​ຂະ​ຫຍາຍ​ເນື້ອ​ທີ່​ນາ​ໄດ້ 5 ເຮັກ​ຕາ ມີ 3 ບ້ານ​ທີ່​ໄດ້​ຮັບ​ຜົນ​ປະ​ໂຫຍດຄື: ບ້ານ ຊຽງ, ບ້ານ ສົ້ມ ແລະ ບ້ານ​ ພູນ​ໃຫ່​ມ,​ໃນ​ນີ້ ບ້ານ ຊຽງ​ມີ 49 ຄອບ​ຄົວ, ມີ​ພົ້ນ​ລະ​ເມືອງ ທັງ​ໝົດ 239 ຄົນ, ຍີງ 117 ຄົນ, ບ້ານ ສົ້ມ ມີ 45 ຄອບ​ຄົວ, ມີ​ພົນ​ລະ​ເມືອງ ທັງ​ໝົດ 315 ຄົ​ນ, ຍີງ  128 ຄົນ,  ແລະ  ບ້ານ ພູນ​ໃໝ່ ມີ 13  ຄ​ອບ​ຄົວ,  ມີ​ພົນ​ລະ​ເມືອງ​ທັງ​ໝົດ 72 ຄົນ, ຍີງ 37.   

ໃນໂອກາດດັ່ງກ່າວແມ່ນໄດ້ຮ່ວມເຊັນ ບົດບັນທືກມອບຮັບໂຄງການກໍ່ສ້າງ ຊົນລະປະ​ທານ ບ້ານ ຊຽງ ເມືອງ ວຽງ​ໄຊ, ລະຫ່ວາງບໍລິສັດຜູ້ຮັບເມົາກໍ່ສ້າງ  ກັບ ເຈົ້າຂອງໂຄງການ ກ່າວມອບໂດຍແມ່ນ ທ່ານ ຄຳ​ສຸກ ວິ​ໄຊ  ຫົວໜ້າບໍລິສັດ ສຸກ​ຈະ​ເລີນກໍ່ສ້າງ ຜູ້ຮັບເມົາ ກ່າວຮັບໂດຍແມ່ນທ່ານ ພູວົງ ສີສົມຮັກ ຫົວໜ້າພະແນກກະສິກຳ ແລະ ປ່າໄມ້ແຂວງ ຕ່າງໝ້າເຈົ້າຂອງ

ໂຄງການ ມີບັນດາພະແນກການທີ່ກ່ຽວຂ້ອງ ພ້ອມດ້ວຍອຳນາດການປົກຄອງບ້ານຮ່ວມເປັນສະຖິພິຍານ,

ກອງປະຊຸມຍັງໄດ້ຮັບຟັງຄຳໂອ້ລົມຂອງທ່ານ ວັນ​ໄຊ​ ແພງ​ຊຸມ​ມາ  ເຊີ່ງເນື້ອໃນເພີ່ນເໜັ້ນໜັກໃຫ້ພາກສ່ວນທີ່ກ່ຽວຂ້ອງ ໃຫ້ຊີ້ນຳນຳພາປະຊາຊົນ ໃນມີການປົກປັກຮັກສາ ນຳໃຊ້ໂຄງການໃຫ້ເກີດປະໂຫຍດສູງສຸດ , ເຕົ້າ​ໂຮມ​ຄວາມ​ສາ​ມັກ​ຄື​ລະ​ຫ່​ວາງ​ບ້ານ​ຕໍ່​ບ້ານ ພ້ອມ​ກັນ​ນຳ​ໃຊ້​ນ້ຳ​ຊົນ​ລະ​ປະ​ທານ​ເຂົ້າ​ໃນ​ການ​ຜະ​ລິດ ແລະ ມອບຄວາມຮັບຜິດຊອບໃຫ້ທຸກພາກສ່ວນໂດຍສະເພາະ

ແມ່ນຈຳນວນບ້ານທີ່ໄດ້ຮັບຜົນປະໂຫຍດ ແຕ່ງຕັ້ງໃຫ້ມີຄະນະຮັບຜິດຊອບການຄຸ້ມຄອງການນຳໃຊ້ນໍ້າ ໃຫ້ເປັນລະບົບ , ມີລະບຽບໃນການຄຸ້ມຄອງນຳ

ໃຊ້ໃຫ້ຍາວນານ ແລະ ບຸກເບີກເນື້ອທີ່ທຳການຜະລິດໃຫ້ຫລາຍຂື້ນ ສົ່ງເສີມການຜະລິດເປັນສີນຄ້າສົ່ງອອກ ເອົາໃຈໃສ່ສ້າງລາຍຮັບໃນການຜະລິດກະສິກຳເພື່ອ

ການພັດທະນາເສດຖະກິດ ສັງຄົມຂອງບ້ານ ໃຫ້ດີຂື້ນ. 

ຂຽນໂດຍ: ນາງ ພອນທິບ ພັນທະວົງ

ກອງປະຊຸມໄດ້ຈັດຂື້ນໃນວັນທີ່ 7 ກໍລະກົດ 2020 ຢູ່ທີ່ຫ້ອງປະຊຸມຖໍ້າງູເຫຼືອມ ເມືອງ ວຽງໄຊ ແຂວງ ຫົວພັນໂດຍການເປັນປະທານຂອງທ່ານ ຄີ່ນ ທຸມມາລາ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ , ມີທ່ານ ນາງ ສີພາວັນ ອິນທະປະຖາ ຮອງຫົວໜ້າພະແນກປ່າສະຫງວນ ກະຊວງກະສິກຳ ແລະ ປ່າໄມ້, ມີຫົວໜ້າຜູ້ປະສານງານໂຄງການຄຸ້ມຄອງປ່າສະຫງວນ ຂັ້ນແຂວງ ແລະ ເມືອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 48 ທ່ານ.

ກອງປະຊຸມໄດ້ພ້ອມກັນປືກສາຫາລືວາງແຜນການຈັດຕັ້ງປະຕິບັດໂຄງການ, ໂຄງການຄຸ້ມຄອງປ່າສະຫງວນແຫ່ງຊາດນໍ້າຊຳແມ່ນໄດ້ຮັບທືນສະໜັບສະໜູນຈາກກອງທືນປົກປັກຮັກສາສີ່ງແວດລ້ອມ ທະນາຄານໂລກ ໂດຍມີຈຸດປະສົ່ງເພື່ອການອະນຸລັກສັດນໍ້າສັດປ່າໃນຂອບເຂດປ່າສະຫງວນ, ເພື່ອເສີມສ້າງຄວາມອາດສາມາດໃນການຄຸ້ມຄອງປ່າສະຫງວນ ໂດຍເພີ່ມການຄຸ້ມຄອງ ແລະ ພື້ນພູຖີ່ນທີ່ຢູ່ອາໃສ, ປັບປຸງຊີວິດການເປັນຢູ່ຂອງປະຊາຊົນໃນເຂດປ່າສະຫງວນ ແລະ ພັດທະນາການທ້ອງທ່ຽວທຳມະຊາດໃນເຂດປ່າສະຫງວນນໍ້າຊຳ, ປ່າສະຫງວນນໍ້າຊຳມີເນື້ອທີທັງໝົດ 70 ພັນກ່ວາເຮັກຕາກວມເອົາ 3 ເມືອງ ຄື: ເມືອງ ຊຳເໜືອ 7,4 ເປີ, ເມືອງ ວຽງໄຊ 10 ເປີເຊັນ ແລະ ເມືອງ ຊຳໃຕ້ກວມເອົາ 82 ເປີເຊັນຂອງເນື້ອທີ່ , ບ້ານທີ່ນອນຢູ່ໃນປ່າສະຫງວນປະກອບມີ 32 ບ້ານ , 9 ກຸ່ມບ້ານ, ມີ 2 ພັນ 444 ຄົວເຮືອນ, ໂດຍແຜນການດຳເນີນງານຕ່າງໆ ແມ່ນໄດ້ເລັ່ງໃສ່ການປົກປັກຮັກສາປ່າໄມ້ແບບມີສ່ວນຮ່ວມຂອງປະຊາຊົນ ເປັນຕົ້ນແມ່ນວຽກງານການວາງແຜນນຳໃຊ້ທີ່ ຈັດສັນແບ່ງຂອບທຳການຜະລິດໃຫ້ປະຊາຊົນ , ການປູກຈິດສຳນືກໃນການອະນຸລັກທຳມະຊາດ, ສ້າງກົນໄກໃນການຈັດຕັ້ງປະຕິບັດກົດໝາຍ ໂດຍການໂຄສະນາເຜີຍແຜ່ກົດໝາຍລົງແຕ່ລະເຂດໃຫ້ຮັບຮູ້ຢ່າງທົ່ວເຖີງ.

ໃນຕອນເຊົ້າຂອງວັນ​ທີ 15 ກໍລະກົດ 2020 ນີ້ ຫ້ອງການກະສິກຳ ແລະ ປ່າໄມ້ ເມືອງຊ່ອນ ສົມທົບກັບການນຳເມືອງຊ່ອນ ໄດ້ຈັດພິທີປ່ອຍປາ ແລະ ອະນຸລັກສັດນ້ຳ-ສັດປ່າແຫ່ງຊາດຂື້ນຢູ່ທີ່ເຄື່ອນຫ້ວຍລາດ ບ້ານຫ້ວຍເໝືອຍ ເມືອງຊ່ອນ ແຂວງຫົວພັນ ໂດຍເປັນກຽດເຂົ້າຮ່ວມເປີດພິທີຂອງທ່ານ ວາສະນູນ ສໍອິນໄຊ ຄະນະປະຈຳພັກເມືອງ ຮອງເຈົ້າເມືອງໆ ມີຫົວໜ້າຮອງຫົວໜ້າຫ້ອງການອ້ອມຂ້າງເມືອງ ພະນັກງານລັດຖະກອນ ຄະນະພັກ ອຳນາດການປົກຄອງບ້ານ ແລະ ພໍ່ແມ່ປະຊາຊົນບ້ານອ້ອມຂ້າງເທດສະບານເມືອງເຂົ້າຮ່ວມຢ່າງຫຼວງຫຼາຍ.

ເພື່ອປະຕິບັດຕາມກົດໝາຍວ່າດ້ວຍສັດນ້ຳ-ສັດປ່າສະບັບເລກທີ 07/ສພຊ ລົງວັນທີ 27 ທັນວາ 2007 ແລະ ລັດຖະບານລາວໄດ້ກຳນົດເອົາ ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາແຫ່ງຊາດ ສະນັ້ນຫ້ອງການກະສິກຳ ແລະ ປ່າໄມ້ເມືອງຊ່ອນ ຈຶ່ງໄດ້ຈັດພິທີດັ່ງກ່າວຂື້ນ ປາທີ່ນຳມາປ່ອຍໃນຄັ້ງນີ້ມີປານິນ, ປາໄນ ລວມທັງໝົດ 17 ພັນກ່ວາໂຕ ໂດຍແມ່ນການປະກອບສ່ວນຂອງບັນດາກົມກອງຫ້ອງການພາຍໃນເມືອງຊ່ອນ

​ໃນພິທີ ທ່ານ ວາສະນູນ ສໍອິນໄຊ ຮອງເຈົ້າເມືອງໆຊ່ອນໄດ້ມີຄຳເຫັນວ່າ: ການປ່ອຍປາໃນຄັ້ງນີ້ກໍເພື່ອເປັນ

ການບູລະນະຊັບພະຍາກອນທຳມະຊາດ ແລະ ອະນຸລັກສັດນ້ຳສັດປ່າທີ່ໃກ້ຈະສູນພັນໄປແລ້ວນັ້ນໃຫ້ກັບຄືນສູ່ສະພາບປົກ

ກະຕິພ້ອມທັງປົກປັກຮັກສາຊີວະນາໆ ພັນ ແລະ ຄວາມອຸດົມສົມບູນຊັບໃນດິນສີນໃນນ້ຳໄວ້ໃຫ້ຍາວນານແມ່ນໜ້າທີ່

ຂອງປວງຊົນລາວໝົດທຸກຄົນຕ້ອງເປັນເຈົ້າການປົກປັກຮັກສາສັດນ້ຳ-ສັດປ່າ ເພື່ອໃຫ້ເປັນບ່ອນເພາະພັນ ແລະ ແພ່

ພັນປາໃນທຳມະຊາດໃຫ້ນັບມື້ຫຼາຍຂື້ນເລື່ອຍໆ.

ຂ່າວ-ພາບ ນາງ ພາໄລ ວອນປະເສີດ ຫ້ອງການກະສິກຳ ແລະ ປ່າໄມ້ ເມືອງຊ່ອນ

ໃນ​ວັນ​ທີ 15 ກໍ​ລະ​ກົດ 2020 ນີ້ ພະ​ແນກ​ກະ​ສິ​ກຳ ແລະ ປ່າ​ໄມ້​ແຂ​ວງ ໄດ້​ຈັດ​ກອງ​ປະ​ຊຸມ ສະ​ຫຼຸບ​ການ​ຈັດ​ຕັ້ງ​ປະ​ຕິ​ບັດ​ແຜນ​ງົບ​ປະ​ມານ​ຂອງ​ໂຄງ​ການ ຫຼຸດ​ຜ່ອນ​ຄວາມ​ທຸກ​ຍາກ ແລະ ຂາດ​ໂພ​ສະ​ນາ​ການ​ໃນ​ເຂດ​ຊົນ​ນະ​ບົດ 6 ເດືອນ ຕົ້ນ​ປີ ແລະ ວາງ​ແຜນ​ 6 ເດືອນ ທ້າຍ​ປີ 2020 ໂດຍ​ການ​ເປັນ​ປະ​ທານ​ຂອງ​ທ່ານ ພັນ​ທອງ ເພັດ​ໄຊ​ສົມ​ພັນ ຄະ​ນະ​ປະ​ຈ​ຳ​ພັກ​ແຂວງ ຮອງ​ເຈົ້າ​ແຂວງ ແຂວງ ຫົວ​ພັນ, ມີ​ທ່ານ ສໍ​ສະ​ຫັວນ ບານ​ຄຳ​ມີ ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ​ມີ​ຜູ້​ຕ່າງ​ໜ້າ​ພະ​ແນກ​ສາ​ທາ​ລະ​ນະ​ສຸກ​ແຂວງ, ພະ​ແນກ​ແຜນ​ການ ແລະ ການ​ລົງ​ທືນ, ຜູ້​ປະ​ສານ​ງານ​ຂັ້ນ​ແຂວງ, ພ້ອມ​ດ້ວຍ​ທ່ານ​ຮອງ​ເຈົ້າ​ເມືອງ 4 ເມືອງ​ເປົ້າ​ໝາຍ​ໂຄງ​ການ​ເຂົ້າ​ຮ່ວມ​ທັງ​ໝົດ 30 ທ່ານ.

ໃນ​ກອງ​ປະ​ຊຸມ ທ່ານ ໄມ​ພຽງ​ ມາ​ດາ​ຈິດ ຫົວ​ໜ້າ​ຂະ​ແໜງ​ພັດ​ທະ​ນາ​ຊົນ​ນະ​ບົດ ແລະ ສະ​ຫະ​ກອນ ທັງ​ເປັນ​ຫົວ​ໜ້າ​ຜູ້​ປະ​ສານ​ງານ​ໂຄງ​ການຂັ້ນ​ແຂວງ ໄດ້​ຜ່ານ​ບົດ​ລາຍ​ງານ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ແຜນ​ງົບ​ປະ​ມານ​ໂຄງ​ການ, ໂດຍ​ໄດ້​ດຳ​ເນີ​ການ​ຈັດ​ຕັ້ງ​ປະ​ຕິ​ບັດ​ໃນ​ເດືອນ ສີງ​ຫາ 2017, ເປັນ​ຕົ້ນ​ມາ​ປະ​ຈຸ​ບັນ​ແມ່ນ​ໄດ້​ສຳ​ເລັດ​ການ​ເຈ​ລະ​ຈາ​ໂຄງ​ການ​ເປັນ​ທີ່​ຮຽບ​ຮ້ອຍ ໃນ​ວັນ​ທີ່ 14 ທັນ​ວາ ປີ 2018 ແລະ ໄດ້​ມີ​ພິ​ທີ​ລົງ​ນາມ​ສັນ​ຍາ​ສະ​ໜອງ​ທືນ ລະ​ຫ່​ວາງ​ລັດ​ຖະ​ບານ​ລາວ ແລະ ທະ​ນາ​ຄານ​ໂລກ​, ໄລ​ຍະ​ການ​ຈັດ​ຕັ້ງ​ປະ​ຕິ​ບັດ​ໂຄງ​ການ​ແມ່ນ ປີ 2019 ຫາ 2024 ໂດຍ​ມີ​ຈຸດ​ປະ​ສົ່ງ​ເພື່ອ​ພັດ​ທະ​ນາ​ລະ​ບົບ​ໃນ​ການ​ກຳ​ນົດ​ເປົ້າ​ໝາຍ, ການ​ຕິດ​ຕາມ​ປະ​ເມີນ​ຜົນ ແລະ ເກັບ​ກຳ​ຂໍ້​ມູນ​ການ​ປົກ​ປ້ອງ​ທາງ​ສັງ​ຄົມ​ໃນ ສ ປ ປ ລາວ, ປັບ​ປຸງ​ພຶດ​ຕິ​ກຳ​ການ​ຂາດ​ໂພ​ສະ​ນາ​ການ​ຂອງ​ແມ່​ຍີງ​ຖື​ພາ ແລະ ເດັກ​ນ້ອຍ​ໃນ​ເມືອງ ແລະ ບ້ານ​ເປົ້າ​ໝາຍ​ໂຄງ​ການ  ແລະ ເພື່ອ​ເສີມ​ຂະ​ຫຍາຍ​ກົນ​ໄກ​ການ​ປະ​ສານ​ງານ​ໜື່ງ​ດຽວ​ຫຼາຍ​ຂະ​ແໜງ, ກິດ​ຈະ​ກຳ​ຕົ້ນ​ຕໍ​ຂອງ​ໂຄງ​ການ ແມ່ນ​ສົ່ງ​ເສີມ​ການ​ລົງ​ທືນໃສ່ ວຽກ​ງານ​ດ້ານ​ໂພ​ສະ​ນາ​ການ​ເຮັດ​ໃຫ້​ອັດ​ຕາ​ການ​ຂາດ​ໂພ​ສະ​ນາ​ການ​ຂອງ​ແມ່​ຍີງ ແລະ ເດັກ​ນ້ອຍ​ໃນ​ເຂດ​ຊົນ​ນະ​ບົດ​ຫຼຸດ​ລົງ​ເທື່ອ​ລະ​ກ້າວ , ໂດຍ​ມີ 3 ອົງ​ປະ​ກອບ​ຄື: ພັດ​ທະ​ນາ​ອົງ​ປະ​ກອບ​ພື້ນ​ຖານ​ຂອງ​ລະ​ບົບ​ປົກ​ປ້ອງ​ທາງ​ສັງ​ຄົມ, ອົງ​ປະ​ກອບ​ແຜນ​ງານ​ການ​ໂອນ​ເງີນ​ໃຫ້​ແມ່​ມານ ແລະ ແມ່​ລູກ​ອ່ອນ​ອາ​ຍຸ 2 ປີ​ລົງ​ມາ, ອົງ​ປະ​ກອບ​ການ​ຄອງ​ຄອງ​ໂຄງ​ການ, ປະ​ສານ​ງານ ແລະ ຕິດ​ຕາມ​ປະ​ເມີນ​ຜົນ, ໄດ້​ຈັດ​ຕັ້ງ​ປະ​ຕິ​ບັດ​ຢູ່ 4 ເມືອງ ຄື: ເມືອງ ຫົວ​ເມືອງ, ເມືອງ ຊ່ອນ, ເມືອງ ຮ້ຽມ ແລະ ເມືອງ ກັວນ ກວມ​ເອົາ 276 ບ້ານ, ການ​ຈັດ​ຕັ້ງ​ປະ​ຕິ​ບັດ​ໃນ​ໄລ​ຍະ​ຜ່ານ​ມາ​ແມ່ນ​ໄດ້​ສຳ​ເລັດ​ໃນ​ຫຍາຍ​ໜ້າ​ວຽກ​ເປັນ​ຕົ້ນ​ແມ່ນ ການ​ຈັດ​ຝຶກ​ອົບ​ຮົມ​ໂຄ​ສະ​ນາ​ເຜີຍ​ແຜ່​ໂຄງ​ການ ຂະ​ຫຍາຍ​ນ້ຳ​ປະ​ປາ​ສຸ​ຂະ​ພິ​ບານ ແລະ ອະ​ນາ​ໄມ​ໃນ​ແຜນ​ງານ​ໜື່ງ​ດຽວ​ຫລາຍ​ຂະ​ແໜງ​ການ​ທີ​ມີ​ສ່ວນ​ຮ່ວມ​ປັບ​ປຸງ​ໂພ​ສະ​ນາ​ການ, ຝືກ​ອົບ​ຮົມ​ວຽກ​ງານ​ການ​ບັນ​ຊີ, ການ​ຈັດ​ຊື້​ໃຫ້​ຜູ້​ປະ​ສານ​ງານ​ຂັ້ນ​ແຂວງ ແລະ ເມືອງ, ຄິດ​ໄລ​ອອກ​ແບບ ແລະ ປະ​ມູນ​ການ​ກໍ​ສ້າງ ຫ້ອງ​ການ​ປະ​ສ້າງ​ງານ​ຂັ້ນ​ແຂວງ ໄດ້ 1 ຫຼັງ, ຂັ້ນ​ເມືອງ ໄດ້ 4 ຫຼັງ​ແລະ ສຳ​ເລັດ​ການ​ວາງ​ແຜນ​ດຳ​ເນີນ​ກິດ​ຈະ​ກຳ ແລະ ງົບ​ປະ​ມານ​ປະ​ຈຳ​ປີ 2020.

ແຜນ​ການ​ໃນ​ຕໍ່​ໜ້າ​ແມ່ນ​ຈະ​ໄດ້​ສືບ​ຕໍ່​ບັນ​ດາ​ອົງ​ປະ​ກອບ ການ​ຈັດ​ຕັ້ງ​ກິດ​ຈະ​ກຳ​ຂອງ​ໂຄງ​ການ ໂດຍ​ການ​ລົງ​ຊຸກ​ຍູ້​ການ​ໂຄ​ສະ​ນາ​ເຜີຍ​ແຜ່​ສຸ​ຂະ​ອະ​ນາ​ໄມ້ ການ​ຮັກ​ສາ​ສຸ​ຂະ​ພາບເພື່ອ​ໂພ​ສະ​ນາ​ການ ໂດຍ​ເລັ່ງ​ໃສ່​ແມ່​ຍີງ​ຖື​ພາ ແລະ ເດັກ​ນ້ອຍ 2 ປີ​ລົງ​ມາ​ໂດຍ​ການ​ຂື້ນ​ທະ​ບຽນ​ໂອ​ເງີນ​ສົດ​ໃຫ້​ແມ່​ຍີງ​ຖື​ພາ, ແມ່​ລູກ​ອ່ອນ ແລະ ເດັກ​ນ້ອຍ​ຕ່ຳ​ກ່​ວາ 2 ປີ ໂດຍ​ມີ​ເງືອນ​ໄຂ​ເພື​່ອ​ບຳ​ລຸງ​ໃຫ້​ອາ​ຫານ​ແມ່​ລູກ​ອ່ອນ ແລະ ນ້ອຍ​ເພື່ອ​ເລືອກ​ອາ​ຫານ​ທີ່​ມີ​ໂພ​ສະ​ນາ​ການ​ທີ່​ດີ.

ວັນທີ 10 ກໍລະກົດ 2020 ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ໂຄງ​ການ​ປ້ອງ​ກັນ​ດິນ​ຟ້າ​ອາ​ກາດ ສົມ​ທົບ​ກັບ ຫ້ອງການກະສິກຳ ແລະ ປ່າໄມ້ ເມືອງຊຳເໜືອ ຈັດພິທີປ່ອຍປາຄືນສູ່ທຳມະຊາດ, ໃນວັນອະນຸລັກສັດນ້ຳ – ສັດປ່າແຫ່ງ​ຊາດ, ທີ່ສວນແກ້ວຫຼັກ​ເມືອງ, ເປັນກຽດເຂົ້າຮ່ວມທ່ານ ວັນໄຊ ແພງຊຸມມາ ເລຂາພັກແຂວງ, ເຈົ້າແຂວງໆ ຫົວພັນ, ມີຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ຫົວໜ້າ, ຮອງຫົວໜ້າພະແນກການ, ອົງການທຽບເທົ່າ, ທະນາຄານ, ໂຮງຮຽນ, ໂຮງໝໍໍ, ການນຳເມືອງ​ຊຳເໜືອ ແລະ ອຳນາດການປົກຄອງບ້ານ 11 ໝູ່ບ້ານອ້ອມຂ້າງເທດສະບານຕົວເມືອງຊຳເໜືອເຂົ້າຮ່ວມ.

ເພື່ອປະຕິບັດຕາມກົດໝາຍວ່າດ້ວຍສັດນໍ້າ – ສັດປ່າສະບັບເລກທີ 07/​ສ​ພ​ຊ ລົງ​ວັນ​ທີ 27 ທັນ​ວາ 2007 ແລະ ລັດ​ທະ​ບານ​ລາວ​ໄດ້​ກຳ​ນົດ​ເອົາ ວັນ​ທີ 13 ກໍ​ລະ​ກົດ ຂອງ​ທຸກໆ​ປີ ເປັນ​ວັນ​ປ່ອຍ​ປາ​ແຫ່ງ​ຊາດ, ສະ​ນັ້ນ​ເມືອງ​ຊຳ​ເໜືອ​ຈິ່ງ​ໄດ້​ຈັດ​ພິ​ທີ​ປ່ອຍ​ປາ​ຂື້ນ​ທີ່​ສວນແກ້ວຫຼັກ​ເມືອງ, ລວມ​ມີ 11 ບ້ານ​ຄື: ບ້ານ ພັນ​ໄຊ, ທາດ​ເມືອງ, ນາ​ໜ​ອງ​ບົວ, ນາ​ທົ່ງ​ຈອງ, ມີ​ສຸກ, ນາ​ສະ​ກາງ, ນາ​ອ່າງ, ຊຳ​ເໜືອ, ໂພ​ໄຊ, ນາ​ວຽງ ແລະ ບ້ານ​ນາ​ລິວ. ຈຳ​ນວນ​ປາ​ທີ່​ປ່ອຍ​ຄັ້ງ​ນີ້​ມີ​ປາ​ທຳ​ມະ​ຊາດ​ຈຳ​ນວນ 10 ພັນ 200 ໂຕ ມີ​ປາ​ນິນ ແລະ ປາ​ໄນ. ໂດຍ​ໄດ້​ຮັບ​ທຶນ​ສະ​ໜັບ​ສະ​ໜູນ​ຈາກ: ໂຄງ​ການ​ປ້ອງ​ກັນ​ດິນ​ຟ້າ​ອາ​ກາດ, ທັງ​ນີ້ກໍ່​ເພື່ອ​ເປັນ​ການ​ອະ​ນຸ​ລັກ​ສັດ​ນ້ຳ​ໃຫ້​ແພ່​ພັນ​ນັບ​ມື້​ນັບຫຼາຍ​ຂື້ນ​ເລື້ອຍໆ. ການ​ປ່ອຍ​ປາ​ໃນ​ຄັ້ງ​ນີ້​ແມ່ນ​ໄດ້​ແບ່ງ​ໃຫ້ການ​ນຳ​ແຂວງ, ການ​ນຳ​ເມືອງ, ​ທຸກ​ພາກ​ສ່ວນ ແລະ 11 ໝູ່​ບ້ານ​ຈົ່ງນຳ​ເອົາ​ປາ​ໄປ​ປ່ອຍ​ຢູ່​ວັງ​ສະ​ຫງວນ ແລະ ວັງ​ຫວງ​ຫ້າມ​ຂອງ​ຕົນ.

ຕອນ​ທ້າຍ​ພິ​ທີ ທ່ານ ພຸດ​ພັນ ແກ້ວ​ວົງ​ໄຊ ເລ​ຂາ​ພັກ​ເມືອງ, ເຈົ້າ​ເມືອງໆ ຊຳ​ເໜືອ, ມີ​ຄຳ​ເຫັນ​ວ່າ, ຈິ່ງ​ຮຽກ​ຮ້ອງ​ໃຫ້​​ບັນ​ດາ​ພໍ່ – ແມ່​ປະ​ຊາ​ຊົນ ແລະ ການ​ຈັດ​ຕັ້ງທຸກ​ພາກ​ສ່ວນ​ຕ້ອງ​ເປັນ​ເຈົ້າ​ການ ໃນ​ການ​ປົກ​ປັກ​ຮັກ​ສາ​ວັງ​ສະ​ຫງວນ ແລະ ວັງ​ຫວງ​ຫ້າມ​ໃນ​ຂອບ​ເຂດ​ຄວາມ​ຮັບ​ຜິດ​ຊອບ​ຂອງ​ບ້ານ, ເພື່ອ​ໃຫ້​ເປັນ​ບ່ອນ​ເພາະ​ພັນ ແລະ ແພ່​ພັນ​ປາ​ໃນ​ທຳ​ມະ​ຊາດ​ໃຫ້​ນັບ​ມື້​ນັບຫຼາຍ​ຂື້ນ​ເລື້ອຍໆ.

ພາບ-ຂ່າວ, ຄຳພະແກ້ວ ອິນທະວົງ

ກອງປະຊຸມໄດ້ຈັດຂື້ນໃນວັນທີ 9 ກໍລະກົດ 2020 ທີ່ຫໍວັດທະນາທຳ ແຂວງ ຫົວພັນ ໂດຍການເປັນປະທານຂອງທ່ານ ພັນທອງ ເພັດໄຊສົມພັນ ເລຂາພັກແຂວງ ຮອງເຈົ້າແຂວງ ແຂວງ ຫົວພັນ, ໃຫ້ກຽດເຂົ້າຮ່ວມໂດຍມີທ່ານ ສົມໃຈ ຊານົນຕີ ຮອງຫົວໜ້າກົມປ່າໄມ້ ກະຊວງກະສິກຳ ແລະ ປ່າໄມ້, ມີທ່ານ ພູວົງ ສີສົມຮັກ ຫົວໜ້າພະແນກກະສິກຳ ແລະ ປ່າໄມ້ແຂວງ, ມີຫ້ອງການກະສິກຳ ແລະ ປ່າໄມ້ເມືອງ 7 ເມືອງ ເປົ້າໝາຍໂຄງການພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມທັງໝົດ 70 ກ່ວາຄົນ.

ໃນກອງປະຊຸມທ່ານ ພັນທອງ ເພັດໄຊສົມພັນ ໄດ້ມີຄຳເຫັນສະເໜີຈຸດປະສົງ ແລະ ກ່າວເປີດກອງປະຊຸມຢ່າງເປັນທາງການ, ໂຄງການຄຸ້ມຄອງປ່າໄມ້ແບບພູມີທັດ ແລະ ສົ່ງເສີມຊີວິດການເປັນຢູ່ ແມ່ນໄດ້ຮັບທືນຈາກກອງທືນ ດິນຟ້າອາກາດສີຂຽວ ແລະ ກະຊວງການຮ່ວມມືທາງດ້ານເສດຖະກິດ ແລະ ການພັດທະນາ ຂອງສະຫະພັນເຢຍລະມັນ ໂດຍໄດ້ຮັບທືນຈັດຕັ້ງປະຕິບັດຢູ່ 6 ແຂວງ ພາກເໜືອ ຄື: ແຂວງ ໄຊຍະບູລີ, ແຂວງ ຫຼວງພະບາງ , ແຂວງ ຫົວພັນ, ຫຼວງນໍ້າທາ, ບໍ່ແກ້ວ ແລະ ອຸດົມໄຊ,  ເຊີ່ງວ່າແຂວງ ຫົວພັນໄດ້ຮັບທືນມີ 7 ເມືອງ ຄື: ເມືອງ ຊຳເໜືອ, ເມືອງ ຮ້ຽມ, ເມືອງ ຊ່ອນ, ເມືອງ ວຽງໄຊ, ເມືອງ ຊຳໃຕ້, ເມືອງ ຫົວເມືອງ ແລະ ເມືອງ ສົບເບົາ, ໂດຍໄດ້ສະນັບສະໜູນການສ້າງ ສະພາບແວດລ້ອມທີ່ເອື້ອອຳນວຍເຊີ່ງລວມມີ ການຄຸ້ມຄອງບໍລິຫານທີ່ດິນ ແລະ ປ່າໄມ້, ການປະຕິບັດກົດໝາຍ, ການປູກຈິດສຳນືກ ແລະ ການສະໜອງທືນໃຫ້ແກ່ຂະແໜງການແບບຢືນຍົງໂດຍໄດ້ເລັ່ງໃສ່ການປົກປັກຮັກສາປ່າໄມ້, ຫຼຸດຜ່ອນການປ່ອຍທາດອາຍຜິດຂື້ນສູ່ຊັ້ນບັນຍາກາດອັນເປັນສາເຫດເຮັດໃຫ້ສະພາບອາກາດມີການປ່ຽນແປງ ກໍໃຫ້ເກີດມີໄພພິບັດທຳມະຊາດຕ່າງໆ,  ເຊີ່ງໄດ້ຮັບຜົນກະທົບມາຈາກການທໍາລາຍປ່າໄມ້ ການຈູດປ່າເພື່ອຖ່າງປ່າເຮັດໄຮ່, ການປ່ວຍທາດອາຍຜິດຈາກໂຮງງານອຸດສາຫະກຳຕ່າງໆ, ເພື່ອຫຼຸດຜ່ອນຜົນກະທົບນີ້ ໂຄງການໄດ້ສົ່ງເສີມໃຫ້ປະຊາຊົນໄດ້ມີສ່ວນຮ່ວມ, ໃນ ການປັບປຸງການຄຸ້ມຄອງອານຸລັກປ່າໄມ້ ແລະ ການປະຕິບັດກົດໝາຍ, ການວາງແຜນນຳໃຊ້ທີ່ດິນ, ການຄຸ້ມຄອງພູມີທັດປ່າໄມ້ແບບຢືນຍົງ, ສ້າງຕົວແບບທີ່ເປັນທາງເລືອກສຳລັບວຽກງານປ່າໄມ້, ນຳຜົນປະໂຫຍດໂດຍກົງເຖີງປະຊາຊົນໃນຂົງເຂດຊົນນະບົດ , ປະຊາຊົນບັນດາເຜົ່າທີ່ດຳລົງຊີວິດຢູ່ໃນຂອບເຂດປ່າສະຫງວນ, ປ່າປ້ອງກັນ, ໂດຍໄດ້ວາງແຜນການ ການຈັດຕັ້ງປະຕິບັດໂຄງການ, ໃນການຊຸກຍູ້ສົ່ງເສີມການປູກປ່າຄືນໃຫ່ມໃນ 14 ພັນ 500 ເຮັກຕາ, ຟື້ນຟູປ່າໄມ້ 57 ພັນເຮັກຕາ ຫຼີກລ້ຽງການທຳລາຍປ່າໄມ້ຫຼາຍກ່ວາ 34 ພັນ 800 ເຮັກຕາ ແລະ ຫຼຸດຜ່ອນການເຊື້ອມໂຊມຂອງປ່າໄມ້ຫຼາຍກ່ວາ 20 ພັນກ່ວາເຮັກຕາໃນທຸກໆປີ ຈະຫຼຸດຜ່ອນທາດອາຍກາກບອນ 58 ລ້ານໂຕນ ໃຫ້ບັນລຸຕາມແຜນການ ເພື່ອການປົກປັກຮັກສາຊັບພະຍາກອນປ່າໄມ້ໃຫ້ມີຄວາມຢືນຍົງ.