Khamphakeo Inthavong

ກອງປະຊຸມ ປຶກສາຫາລື ເພື່ອວາງແຜນພັດທະນາເມືອງຊ່ອນ ເປັນເມືອງ ຕົວແບບ ພົ້ນທຸກ ໃນປີ 2020

ໃນຕອນເຊົ້າວັນທີ 22 ກໍລະກົດ 2020 ນີ້, ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ຈັດກອງປະຊຸມສ້າງແຜນພັດທະນາເມືອງຊ່ອນ ເປັນເມືອງຕົວແບບພົ້ນທຸກ ໃນປີ 2020 ເປັນເວລາ 1 ຕອນ, ທີ່ຫ້ອງປະຊຸມ(ນ້ຳຮັງ), ໂດຍ​ການ​ເປັນ​ປະ​ທານຂອງທ່ານ ພັນທອງ ເພັດໄຊສົມພັນ ຮອງເຈົ້າແຂວງ, ຜູ້ຊີ້ນຳວຽກງານຂົງເຂດເສດຖະກິດຂັ້ນແຂວງ, ມີທ່ານ ພູ​ວົງ ສີ​ສົມ​ຮັກ ຫົວໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ມີເຈົ້າເມືອງໆ ຊ່ອນ, ມີບັນດາພະແນກການທີ່ກ່ຽວຂ້ອງຂັ້ນແຂວງ, ຂັ້ນເມືອງ ແລະ ຂະແໜງການກ່ຽວຂ້ອງຂອງພະແນກ, ​ເຂົ້າ​ຮ່ວມ 40 ກ່​ວາ​ທ່ານ.

ເພື່ອວາງແຜນພັດທະນາເມືອງຊ່ອນ ເປັນເມືອງຕົວແບບພົ້ນທຸກ ໃນປີ 2020 ໃນວາລະກອງປະຊຸມ ທ່ານ ໄມພຽງ ມາດາຈິດ ຫົວໜ້າຂະແໜງພັດທະນາຊົນນະບົດ ແລະ ສະຫະກອນ, ໄດ້ຂື້ນຜ່ານບົດລາຍງານ ການສ້າງ ເມືອງຊ່ອນ ເປັນເມືອງພົ້ນທຸກ ຕາມດຳລັດເລກທີ 348/ລບ, ລົງວັນທີ 16 ພະຈິກ 2017, ຜ່ານຂໍ້ຕົກລົງຂອງທ່ານເຈົ້າແຂວງໆ ຫົວພັນ, ສະບັບເລກທີ 61/ຈຂ.ຫພ ລົງວັນທີ 16 ມັງກອນ 2020, ຜ່ານເອກະສານບັນດາໂຄງການທີ່ນອນຢູ່ໃນແຜນພັດທະນາເມືອງຊ່ອນໃນໄລຍະທີ່ຜ່ານມາ ເພື່ອເຮັດໃຫ້ບັນລຸຕາມມາດຖານເມືອງພົ້ນທຸກ ຈະຕ້ອງໄດ້ສຸມໃສ່ແຕ່ລະຂະແໜງການຄື: ວຽກ​ງານສາທາລະນະ​ສຸກ, ໂຍທາ​ທິການ-ຂົນ​ສົ່ງ ແລະ ວຽກ​ງານກະ​ສິ​ກຳ ແລະ ປ່າ​ໄມ້, ທີ່ປະຊຸມໄດ້ປະກອບຄຳຄິດ-ຄຳເຫັນຢ່າງກົງໄປ,ກົງມາ ເພື່ອປັບປຸງແກ້ໄຂບົດໃຫ້ສົມບູນ ໃສ່ແຜນພັດທະນາເມືອງຊ່ອນໃຫ້ເປັນເມືອງຕົວແບບພົ້ນທຸກ ໃນປີ 2020.

ຕອນທ້າຍກອງປະຊຸມ ທ່ານ ພັນທອງ ເພັດໄຊສົມພັນ ປະທານກອງປະຊຸມ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ຂອງຂະແໜງພັດທະນາຊົນນະບົດ ແລະ ສະຫະກອນ ໄດ້ເອົາໃຈໃສ່ເກັບກຳຂໍ້ມູນ ຕາມດຳລັດ 348/ລບ ໃນໄລຍະຜ່ານມາ ແລະ ສະຫຼຸບຕີລາຄາຢ່າງຄົບຖ້ວນສັດເຈນ ແລະ ກຳນົດທິດທາງລວມຈຸດສຸມ ບັນດາກິດຈະກຳແຕ່ລະດ້ານ ເພື່ອໃຫ້ບັນລຸຕາມ 9 ມາດຖານ ແລະ ສັງລວມບັນຫາຕ່າງໆ ມອບໃຫ້ຂະແໜງພັດທະນາຊົນນະບົດ ແລະ ສະຫະກອນ ປະສານສົມທົບກັບກອງເລຂາບັນດາຂະແໜງການກ່ຽວຂ້ອງ ແລະ ເມືອງຊ່ອນ ສືບຕໍ່ປັບປຸງບົດສະຫຼຸບ ແລະ ແຜນການ ເອົາການປະກອບຄຳເຫັນເປັນບັນຫາສຳຄັນ, ນຳເອົາເນື້ອໃນກອງປະຊຸມໄປຈັດຕັ້ງປະຕິບັດຕາມພາລະບົດບາດສິດໜ້າທີ່, ມີການປະສານງານທີ່ດີແບ່ງຂັ້ນຄຸ້ມຄອງຈະແຈ້ງ, ເພື່ອນຳເອົາແຜນພັດທະນາເມືອງຊ່ອນ, ເຂົ້າກັບແຜນພັດທະນາເສດຖະກິດສັງຄົມ, ຂອງເມືອງ, ແຂວງ ແລະ ລັດຖະບານ, ສອດຄ່ອງກັບສະພາບຕົວຈິງແຕ່ລະບ້ານ ແຕ່ລະຂະແໜງການ, ແຕ່ລະຄາດໝາຍ, ສະເໜີທ່ານເຈົ້າແຂວງແຕ່ງຕັ້ງຄະນະຮັບຜິດຊອບ ແລະ ກອງເລຂາຊ່ວຍວຽກ ສ້າງເມືອງຊ່ອນເປັນເມືອງພົ້ນທຸກ ແຕ່ປີ 2020-2024.

 

ພາບ-ຂ່າວ, ຄຳພະແກ້ວ ອິນທະວົງ  ພະແນກກະສິກຳ ແລະ ປ່າໄມ້ແຂວງ ຫົວພັນ

 

ພິທີມອບຮັບໂຄງການ ຊົນລະປະທານ ນ້ຳພູນ ບ້ານ ຊຽງ ເມືອງ ວຽງໄຊ ແຂວງ ຫົວພັນ.

ວັນທີ່ 18 ກໍ​ລະ​ກົດ 2020  ນີ້ ພະແນກກະສິກຳ ແລະ ປ່າໄມ້ແຂວງ ສົມ​ທົບ​ກັບ​ພາກ​ສ່ວນ​ທີ່​ກ່ຽວ​ຂ້ອງ​ ຂອງ​ແຂວງ ແລະ ເມືອງ ໄດ້ລົງ​ກວດ​ກາ ແລະ ຈັດພິທີມອບຮັບໂຄງການ ຊົນລະປະທານ ນ້ຳ​ພູນ ບ້ານ ຊຽງ ເມືອງ ວຽງ​ໄຊ ແຂວງ ຫົວພັນ,  ພິ​ທິ​ໄດ້​ຈັດ​ຂື້ນ​ທີ່ໂຮງ​ຮຽນ ບ້ານ ຊຽງ ໂດຍການເຂົ້າ​ຮ່ວມ​ຂອງ​ທ່ານ ວັນ​ໄຊ ແພງຊຸມ​ມາ ເຈົ້າແຂວງ ແຂວງ ຫົວພັນ, ມີທ່ານ ພູວົງສີ ສົມຮັກ ຫົວໜ້າພະແນກກະສິກຳ ແລະ ປ່າໄມ້ແຂວງ ,  ​ມີ​ທ່ານ ພອນ​ສຸກ ອິນ​ທະ​ວົງ ເຈົ້າເມືອງ ເມືອງ ວຽງ​ໄຊ, ​ມີຫົວ​ໜ້າ, ຮອງ​ຫົວ​ໜ້າ​ພະ​ແນກກ​ການ ພ້ອມ​ດ້ວຍ​ພາກ​ສ່ວນ​ທີ່​ກ່ຽວ​ຂ້ອງ​ຂັ້ນ​ແຂວງ, ຂັ້ນ​ເມືອງ ແລະ ອຳ​ນາດ​ການ​ປົກ​ຄອງ​ບ້ານ​ເຂົ້າ​ຮ່ວມ​ນຳ.

ໂຄງການ ​ກໍ່​ສ້າງຊົນລະປະທານ ນ້ຳ​ພູນ ​ບ້ານ ຊຽງ ເມືອງ ວຽງ​ໄຊ ແຂວງ ຫົວພັນ ເປັນ​ໂຄງ​ການ​ໜື່ງ​ທີ່​ຕິດ​ກັບ​ສາຍ​ແດນ ຫວຽດ​ນາມ  ເປັນ​ເຂດ​ທີ່​ໝັ້ນ​ຂອງ​ການ​ປະ​ຕິ​ບັດ,   ມີ​ເນື້ອ​ທີ່​ເລາະ​ຕາມ​ສອງ​ຝັ້ງ​ແມ່​ນ້ຳ​ພູນ,   ​ ຕັ້ງ​ຢູ່​ ຫ່າງ​ຈາກ ​ເທດ​ສະ​ບານເມືອງ ວຽງ​ໄຊ ໄປ​ທາງ​ທິດ​ຕາ​ເວນ​ອອກ​ສຽງ​ເໜືອ ປະ​ມານ    47  ກິ​ໂລ​ແມັດ, ​ໂດຍແມ່ນ​ ທືນ​ຂອງ​ລັດ​ຖະ​ບານ​ແຫ່ງ ສ ປ​ປ​ ລາວ

ເພື່ອພັດທະນາພື້ນຖານໂຄງລ່າງ ດ້ານ​ການ​ຜະ​ລິດກະສິກຳ ​ມີ​ມູນ​ຄ່າ​ທັງ​ໝົດ 17 ຕື້ 646 ລ້ານ 4 ແສນ ກ່​ວາ​ກີບ, ໂດຍ​ແມ່ນ​ບໍ​ລິ​ສັດ ສຸກ​ຈະ​ເລີນ​ກໍ່​ສ້າງ​ສ້ອມ​ແປງ​ຊົນ​ລະ​ປະ​ທານ ເປັນ​ຜູ້​ຮັບ​ເໝົາ​ກໍ່​ສ້າງ,  ເຊີ່ງ​ໄດ້​ເລີ່ມ​ລົງ​ມື​ກໍ່​ສ້າງ​ແຕ່​ປີ 2018 ເປັນ​ຕົ້ນ​ມາ,  ເຖີງ​ປະ​ຈຸ​ບັນ​ແມ່ນ​ໄດ້​ສຳ​ເລັດການ​ກໍ່​ສ້າງ 100% ​ເຊີ່ງ​ໃຊ້​ເວ​ລາ​ໃນ​ການ​ກ​ໍ່​ສ້າງ 24 ເດືອນ,   ​ ໂຄງການດັ່ງກ່າວນີ້ ໄດ້ມີແບບແຜນກໍ່ສ້າງ ເປັນລະບົບຖາວອນ, ທັງລະບົບຫົວງານ ແລະ ລະບົບຄອງເໝືອງ ມີຄວາມຍາວທັງໝົດ  2 ພັນ 625 ແມັດ ,ລະ​ບົບ​ຫົວ​ງານຝາຍ​ນ້ຳ​ລົ້ນ 2 ຫົວ​ງານ, ​ຝາຍ​ນ້ຳ 1 ແຫ່ງ ເຊີ່ງ​ກໍ່​ສ້າງ​ເປັນ​ຝາຍ​ຖາ​ວອນ ກໍ່​ດ້ວຍ​ຫີນ​ພູນ​ໂອບ​ດ້ວຍ​ເບ​ຕົງ​ເສີມ​ເຫຼັກ ມີ​ຂະ​ໜາດ​ກ້​ວາງ 57 ແມັດ, ສູງ 2.5 ແມັດ, ຍາວ 26 ແມັດ ມີ​ປະ​ຕູ​ລະ​ບາຍ​ນ້ຳ​ 2 ເບື່ອງ ແລະ ປະ​ຕູ​ເອົາ​ນ້ຳ​ເຂົ້າ​ນາ 2 ເບື້ອງ, ສາ​ມາດ​ຫົດ​ນ້ຳ​ເຂົ້າ​ໃສ່​ເນື້ອ​ທີ່​ທຳ​ການ​ຜະ​ລິດ​ໄດ້ທັງ​ໝົດ 55.25 ເຮັກ​ຕາ, ບຸກ​ເບີກ​ຂະ​ຫຍາຍ​ເນື້ອ​ທີ່​ນາ​ໄດ້ 5 ເຮັກ​ຕາ ມີ 3 ບ້ານ​ທີ່​ໄດ້​ຮັບ​ຜົນ​ປະ​ໂຫຍດຄື: ບ້ານ ຊຽງ, ບ້ານ ສົ້ມ ແລະ ບ້ານ​ ພູນ​ໃຫ່​ມ,​ໃນ​ນີ້ ບ້ານ ຊຽງ​ມີ 49 ຄອບ​ຄົວ, ມີ​ພົ້ນ​ລະ​ເມືອງ ທັງ​ໝົດ 239 ຄົນ, ຍີງ 117 ຄົນ, ບ້ານ ສົ້ມ ມີ 45 ຄອບ​ຄົວ, ມີ​ພົນ​ລະ​ເມືອງ ທັງ​ໝົດ 315 ຄົ​ນ, ຍີງ  128 ຄົນ,  ແລະ  ບ້ານ ພູນ​ໃໝ່ ມີ 13  ຄ​ອບ​ຄົວ,  ມີ​ພົນ​ລະ​ເມືອງ​ທັງ​ໝົດ 72 ຄົນ, ຍີງ 37.   

ໃນໂອກາດດັ່ງກ່າວແມ່ນໄດ້ຮ່ວມເຊັນ ບົດບັນທືກມອບຮັບໂຄງການກໍ່ສ້າງ ຊົນລະປະ​ທານ ບ້ານ ຊຽງ ເມືອງ ວຽງ​ໄຊ, ລະຫ່ວາງບໍລິສັດຜູ້ຮັບເມົາກໍ່ສ້າງ  ກັບ ເຈົ້າຂອງໂຄງການ ກ່າວມອບໂດຍແມ່ນ ທ່ານ ຄຳ​ສຸກ ວິ​ໄຊ  ຫົວໜ້າບໍລິສັດ ສຸກ​ຈະ​ເລີນກໍ່ສ້າງ ຜູ້ຮັບເມົາ ກ່າວຮັບໂດຍແມ່ນທ່ານ ພູວົງ ສີສົມຮັກ ຫົວໜ້າພະແນກກະສິກຳ ແລະ ປ່າໄມ້ແຂວງ ຕ່າງໝ້າເຈົ້າຂອງ

ໂຄງການ ມີບັນດາພະແນກການທີ່ກ່ຽວຂ້ອງ ພ້ອມດ້ວຍອຳນາດການປົກຄອງບ້ານຮ່ວມເປັນສະຖິພິຍານ,

ກອງປະຊຸມຍັງໄດ້ຮັບຟັງຄຳໂອ້ລົມຂອງທ່ານ ວັນ​ໄຊ​ ແພງ​ຊຸມ​ມາ  ເຊີ່ງເນື້ອໃນເພີ່ນເໜັ້ນໜັກໃຫ້ພາກສ່ວນທີ່ກ່ຽວຂ້ອງ ໃຫ້ຊີ້ນຳນຳພາປະຊາຊົນ ໃນມີການປົກປັກຮັກສາ ນຳໃຊ້ໂຄງການໃຫ້ເກີດປະໂຫຍດສູງສຸດ , ເຕົ້າ​ໂຮມ​ຄວາມ​ສາ​ມັກ​ຄື​ລະ​ຫ່​ວາງ​ບ້ານ​ຕໍ່​ບ້ານ ພ້ອມ​ກັນ​ນຳ​ໃຊ້​ນ້ຳ​ຊົນ​ລະ​ປະ​ທານ​ເຂົ້າ​ໃນ​ການ​ຜະ​ລິດ ແລະ ມອບຄວາມຮັບຜິດຊອບໃຫ້ທຸກພາກສ່ວນໂດຍສະເພາະ

ແມ່ນຈຳນວນບ້ານທີ່ໄດ້ຮັບຜົນປະໂຫຍດ ແຕ່ງຕັ້ງໃຫ້ມີຄະນະຮັບຜິດຊອບການຄຸ້ມຄອງການນຳໃຊ້ນໍ້າ ໃຫ້ເປັນລະບົບ , ມີລະບຽບໃນການຄຸ້ມຄອງນຳ

ໃຊ້ໃຫ້ຍາວນານ ແລະ ບຸກເບີກເນື້ອທີ່ທຳການຜະລິດໃຫ້ຫລາຍຂື້ນ ສົ່ງເສີມການຜະລິດເປັນສີນຄ້າສົ່ງອອກ ເອົາໃຈໃສ່ສ້າງລາຍຮັບໃນການຜະລິດກະສິກຳເພື່ອ

ການພັດທະນາເສດຖະກິດ ສັງຄົມຂອງບ້ານ ໃຫ້ດີຂື້ນ. 

ຂຽນໂດຍ: ນາງ ພອນທິບ ພັນທະວົງ

 

ພະແນກກະສິກຳ ແລະ ປ່າໄມ້ສຳເລັດກອງປະຊຸມຜ່ານຮ່າງແຜນການຈັດຕັ້ງປະຕິບັດ ໂຄງການຄຸ້ມຄອງປ່າສະຫງວນແຫ່ງຊາດນໍ້າຊຳແບບມີສ່ວນຮ່ວມ.

ກອງປະຊຸມໄດ້ຈັດຂື້ນໃນວັນທີ່ 7 ກໍລະກົດ 2020 ຢູ່ທີ່ຫ້ອງປະຊຸມຖໍ້າງູເຫຼືອມ ເມືອງ ວຽງໄຊ ແຂວງ ຫົວພັນໂດຍການເປັນປະທານຂອງທ່ານ ຄີ່ນ ທຸມມາລາ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ , ມີທ່ານ ນາງ ສີພາວັນ ອິນທະປະຖາ ຮອງຫົວໜ້າພະແນກປ່າສະຫງວນ ກະຊວງກະສິກຳ ແລະ ປ່າໄມ້, ມີຫົວໜ້າຜູ້ປະສານງານໂຄງການຄຸ້ມຄອງປ່າສະຫງວນ ຂັ້ນແຂວງ ແລະ ເມືອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 48 ທ່ານ.

ກອງປະຊຸມໄດ້ພ້ອມກັນປືກສາຫາລືວາງແຜນການຈັດຕັ້ງປະຕິບັດໂຄງການ, ໂຄງການຄຸ້ມຄອງປ່າສະຫງວນແຫ່ງຊາດນໍ້າຊຳແມ່ນໄດ້ຮັບທືນສະໜັບສະໜູນຈາກກອງທືນປົກປັກຮັກສາສີ່ງແວດລ້ອມ ທະນາຄານໂລກ ໂດຍມີຈຸດປະສົ່ງເພື່ອການອະນຸລັກສັດນໍ້າສັດປ່າໃນຂອບເຂດປ່າສະຫງວນ, ເພື່ອເສີມສ້າງຄວາມອາດສາມາດໃນການຄຸ້ມຄອງປ່າສະຫງວນ ໂດຍເພີ່ມການຄຸ້ມຄອງ ແລະ ພື້ນພູຖີ່ນທີ່ຢູ່ອາໃສ, ປັບປຸງຊີວິດການເປັນຢູ່ຂອງປະຊາຊົນໃນເຂດປ່າສະຫງວນ ແລະ ພັດທະນາການທ້ອງທ່ຽວທຳມະຊາດໃນເຂດປ່າສະຫງວນນໍ້າຊຳ, ປ່າສະຫງວນນໍ້າຊຳມີເນື້ອທີທັງໝົດ 70 ພັນກ່ວາເຮັກຕາກວມເອົາ 3 ເມືອງ ຄື: ເມືອງ ຊຳເໜືອ 7,4 ເປີ, ເມືອງ ວຽງໄຊ 10 ເປີເຊັນ ແລະ ເມືອງ ຊຳໃຕ້ກວມເອົາ 82 ເປີເຊັນຂອງເນື້ອທີ່ , ບ້ານທີ່ນອນຢູ່ໃນປ່າສະຫງວນປະກອບມີ 32 ບ້ານ , 9 ກຸ່ມບ້ານ, ມີ 2 ພັນ 444 ຄົວເຮືອນ, ໂດຍແຜນການດຳເນີນງານຕ່າງໆ ແມ່ນໄດ້ເລັ່ງໃສ່ການປົກປັກຮັກສາປ່າໄມ້ແບບມີສ່ວນຮ່ວມຂອງປະຊາຊົນ ເປັນຕົ້ນແມ່ນວຽກງານການວາງແຜນນຳໃຊ້ທີ່ ຈັດສັນແບ່ງຂອບທຳການຜະລິດໃຫ້ປະຊາຊົນ , ການປູກຈິດສຳນືກໃນການອະນຸລັກທຳມະຊາດ, ສ້າງກົນໄກໃນການຈັດຕັ້ງປະຕິບັດກົດໝາຍ ໂດຍການໂຄສະນາເຜີຍແຜ່ກົດໝາຍລົງແຕ່ລະເຂດໃຫ້ຮັບຮູ້ຢ່າງທົ່ວເຖີງ.

 

ພິທີປ່ອຍປາ ແລະ ອະນຸລັກສັດນ້ຳ-ສັດປ່າແຫ່ງຊາດ ວັນທີ 13 ກໍລະກົດ 2020

ໃນຕອນເຊົ້າຂອງວັນ​ທີ 15 ກໍລະກົດ 2020 ນີ້ ຫ້ອງການກະສິກຳ ແລະ ປ່າໄມ້ ເມືອງຊ່ອນ ສົມທົບກັບການນຳເມືອງຊ່ອນ ໄດ້ຈັດພິທີປ່ອຍປາ ແລະ ອະນຸລັກສັດນ້ຳ-ສັດປ່າແຫ່ງຊາດຂື້ນຢູ່ທີ່ເຄື່ອນຫ້ວຍລາດ ບ້ານຫ້ວຍເໝືອຍ ເມືອງຊ່ອນ ແຂວງຫົວພັນ ໂດຍເປັນກຽດເຂົ້າຮ່ວມເປີດພິທີຂອງທ່ານ ວາສະນູນ ສໍອິນໄຊ ຄະນະປະຈຳພັກເມືອງ ຮອງເຈົ້າເມືອງໆ ມີຫົວໜ້າຮອງຫົວໜ້າຫ້ອງການອ້ອມຂ້າງເມືອງ ພະນັກງານລັດຖະກອນ ຄະນະພັກ ອຳນາດການປົກຄອງບ້ານ ແລະ ພໍ່ແມ່ປະຊາຊົນບ້ານອ້ອມຂ້າງເທດສະບານເມືອງເຂົ້າຮ່ວມຢ່າງຫຼວງຫຼາຍ.

ເພື່ອປະຕິບັດຕາມກົດໝາຍວ່າດ້ວຍສັດນ້ຳ-ສັດປ່າສະບັບເລກທີ 07/ສພຊ ລົງວັນທີ 27 ທັນວາ 2007 ແລະ ລັດຖະບານລາວໄດ້ກຳນົດເອົາ ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາແຫ່ງຊາດ ສະນັ້ນຫ້ອງການກະສິກຳ ແລະ ປ່າໄມ້ເມືອງຊ່ອນ ຈຶ່ງໄດ້ຈັດພິທີດັ່ງກ່າວຂື້ນ ປາທີ່ນຳມາປ່ອຍໃນຄັ້ງນີ້ມີປານິນ, ປາໄນ ລວມທັງໝົດ 17 ພັນກ່ວາໂຕ ໂດຍແມ່ນການປະກອບສ່ວນຂອງບັນດາກົມກອງຫ້ອງການພາຍໃນເມືອງຊ່ອນ

​ໃນພິທີ ທ່ານ ວາສະນູນ ສໍອິນໄຊ ຮອງເຈົ້າເມືອງໆຊ່ອນໄດ້ມີຄຳເຫັນວ່າ: ການປ່ອຍປາໃນຄັ້ງນີ້ກໍເພື່ອເປັນ

ການບູລະນະຊັບພະຍາກອນທຳມະຊາດ ແລະ ອະນຸລັກສັດນ້ຳສັດປ່າທີ່ໃກ້ຈະສູນພັນໄປແລ້ວນັ້ນໃຫ້ກັບຄືນສູ່ສະພາບປົກ

ກະຕິພ້ອມທັງປົກປັກຮັກສາຊີວະນາໆ ພັນ ແລະ ຄວາມອຸດົມສົມບູນຊັບໃນດິນສີນໃນນ້ຳໄວ້ໃຫ້ຍາວນານແມ່ນໜ້າທີ່

ຂອງປວງຊົນລາວໝົດທຸກຄົນຕ້ອງເປັນເຈົ້າການປົກປັກຮັກສາສັດນ້ຳ-ສັດປ່າ ເພື່ອໃຫ້ເປັນບ່ອນເພາະພັນ ແລະ ແພ່

ພັນປາໃນທຳມະຊາດໃຫ້ນັບມື້ຫຼາຍຂື້ນເລື່ອຍໆ.

ຂ່າວ-ພາບ ນາງ ພາໄລ ວອນປະເສີດ ຫ້ອງການກະສິກຳ ແລະ ປ່າໄມ້ ເມືອງຊ່ອນ

 

 

 

 

ກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານຂອງໂຄງການ ຫຼຸດຜ່ອນຄວາມທຸກຍາກ ແລະ ຂາດໂພສະນາການໃນເຂດຊົນນະບົດ 6 ເດືອນ ຕົ້ນປີ ແລະ ວາງແຜນ 6 ເດືອນ ທ້າຍປີ 2020

ໃນ​ວັນ​ທີ 15 ກໍ​ລະ​ກົດ 2020 ນີ້ ພະ​ແນກ​ກະ​ສິ​ກຳ ແລະ ປ່າ​ໄມ້​ແຂ​ວງ ໄດ້​ຈັດ​ກອງ​ປະ​ຊຸມ ສະ​ຫຼຸບ​ການ​ຈັດ​ຕັ້ງ​ປະ​ຕິ​ບັດ​ແຜນ​ງົບ​ປະ​ມານ​ຂອງ​ໂຄງ​ການ ຫຼຸດ​ຜ່ອນ​ຄວາມ​ທຸກ​ຍາກ ແລະ ຂາດ​ໂພ​ສະ​ນາ​ການ​ໃນ​ເຂດ​ຊົນ​ນະ​ບົດ 6 ເດືອນ ຕົ້ນ​ປີ ແລະ ວາງ​ແຜນ​ 6 ເດືອນ ທ້າຍ​ປີ 2020 ໂດຍ​ການ​ເປັນ​ປະ​ທານ​ຂອງ​ທ່ານ ພັນ​ທອງ ເພັດ​ໄຊ​ສົມ​ພັນ ຄະ​ນະ​ປະ​ຈ​ຳ​ພັກ​ແຂວງ ຮອງ​ເຈົ້າ​ແຂວງ ແຂວງ ຫົວ​ພັນ, ມີ​ທ່ານ ສໍ​ສະ​ຫັວນ ບານ​ຄຳ​ມີ ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ​ມີ​ຜູ້​ຕ່າງ​ໜ້າ​ພະ​ແນກ​ສາ​ທາ​ລະ​ນະ​ສຸກ​ແຂວງ, ພະ​ແນກ​ແຜນ​ການ ແລະ ການ​ລົງ​ທືນ, ຜູ້​ປະ​ສານ​ງານ​ຂັ້ນ​ແຂວງ, ພ້ອມ​ດ້ວຍ​ທ່ານ​ຮອງ​ເຈົ້າ​ເມືອງ 4 ເມືອງ​ເປົ້າ​ໝາຍ​ໂຄງ​ການ​ເຂົ້າ​ຮ່ວມ​ທັງ​ໝົດ 30 ທ່ານ.

ໃນ​ກອງ​ປະ​ຊຸມ ທ່ານ ໄມ​ພຽງ​ ມາ​ດາ​ຈິດ ຫົວ​ໜ້າ​ຂະ​ແໜງ​ພັດ​ທະ​ນາ​ຊົນ​ນະ​ບົດ ແລະ ສະ​ຫະ​ກອນ ທັງ​ເປັນ​ຫົວ​ໜ້າ​ຜູ້​ປະ​ສານ​ງານ​ໂຄງ​ການຂັ້ນ​ແຂວງ ໄດ້​ຜ່ານ​ບົດ​ລາຍ​ງານ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ແຜນ​ງົບ​ປະ​ມານ​ໂຄງ​ການ, ໂດຍ​ໄດ້​ດຳ​ເນີ​ການ​ຈັດ​ຕັ້ງ​ປະ​ຕິ​ບັດ​ໃນ​ເດືອນ ສີງ​ຫາ 2017, ເປັນ​ຕົ້ນ​ມາ​ປະ​ຈຸ​ບັນ​ແມ່ນ​ໄດ້​ສຳ​ເລັດ​ການ​ເຈ​ລະ​ຈາ​ໂຄງ​ການ​ເປັນ​ທີ່​ຮຽບ​ຮ້ອຍ ໃນ​ວັນ​ທີ່ 14 ທັນ​ວາ ປີ 2018 ແລະ ໄດ້​ມີ​ພິ​ທີ​ລົງ​ນາມ​ສັນ​ຍາ​ສະ​ໜອງ​ທືນ ລະ​ຫ່​ວາງ​ລັດ​ຖະ​ບານ​ລາວ ແລະ ທະ​ນາ​ຄານ​ໂລກ​, ໄລ​ຍະ​ການ​ຈັດ​ຕັ້ງ​ປະ​ຕິ​ບັດ​ໂຄງ​ການ​ແມ່ນ ປີ 2019 ຫາ 2024 ໂດຍ​ມີ​ຈຸດ​ປະ​ສົ່ງ​ເພື່ອ​ພັດ​ທະ​ນາ​ລະ​ບົບ​ໃນ​ການ​ກຳ​ນົດ​ເປົ້າ​ໝາຍ, ການ​ຕິດ​ຕາມ​ປະ​ເມີນ​ຜົນ ແລະ ເກັບ​ກຳ​ຂໍ້​ມູນ​ການ​ປົກ​ປ້ອງ​ທາງ​ສັງ​ຄົມ​ໃນ ສ ປ ປ ລາວ, ປັບ​ປຸງ​ພຶດ​ຕິ​ກຳ​ການ​ຂາດ​ໂພ​ສະ​ນາ​ການ​ຂອງ​ແມ່​ຍີງ​ຖື​ພາ ແລະ ເດັກ​ນ້ອຍ​ໃນ​ເມືອງ ແລະ ບ້ານ​ເປົ້າ​ໝາຍ​ໂຄງ​ການ  ແລະ ເພື່ອ​ເສີມ​ຂະ​ຫຍາຍ​ກົນ​ໄກ​ການ​ປະ​ສານ​ງານ​ໜື່ງ​ດຽວ​ຫຼາຍ​ຂະ​ແໜງ, ກິດ​ຈະ​ກຳ​ຕົ້ນ​ຕໍ​ຂອງ​ໂຄງ​ການ ແມ່ນ​ສົ່ງ​ເສີມ​ການ​ລົງ​ທືນໃສ່ ວຽກ​ງານ​ດ້ານ​ໂພ​ສະ​ນາ​ການ​ເຮັດ​ໃຫ້​ອັດ​ຕາ​ການ​ຂາດ​ໂພ​ສະ​ນາ​ການ​ຂອງ​ແມ່​ຍີງ ແລະ ເດັກ​ນ້ອຍ​ໃນ​ເຂດ​ຊົນ​ນະ​ບົດ​ຫຼຸດ​ລົງ​ເທື່ອ​ລະ​ກ້າວ , ໂດຍ​ມີ 3 ອົງ​ປະ​ກອບ​ຄື: ພັດ​ທະ​ນາ​ອົງ​ປະ​ກອບ​ພື້ນ​ຖານ​ຂອງ​ລະ​ບົບ​ປົກ​ປ້ອງ​ທາງ​ສັງ​ຄົມ, ອົງ​ປະ​ກອບ​ແຜນ​ງານ​ການ​ໂອນ​ເງີນ​ໃຫ້​ແມ່​ມານ ແລະ ແມ່​ລູກ​ອ່ອນ​ອາ​ຍຸ 2 ປີ​ລົງ​ມາ, ອົງ​ປະ​ກອບ​ການ​ຄອງ​ຄອງ​ໂຄງ​ການ, ປະ​ສານ​ງານ ແລະ ຕິດ​ຕາມ​ປະ​ເມີນ​ຜົນ, ໄດ້​ຈັດ​ຕັ້ງ​ປະ​ຕິ​ບັດ​ຢູ່ 4 ເມືອງ ຄື: ເມືອງ ຫົວ​ເມືອງ, ເມືອງ ຊ່ອນ, ເມືອງ ຮ້ຽມ ແລະ ເມືອງ ກັວນ ກວມ​ເອົາ 276 ບ້ານ, ການ​ຈັດ​ຕັ້ງ​ປະ​ຕິ​ບັດ​ໃນ​ໄລ​ຍະ​ຜ່ານ​ມາ​ແມ່ນ​ໄດ້​ສຳ​ເລັດ​ໃນ​ຫຍາຍ​ໜ້າ​ວຽກ​ເປັນ​ຕົ້ນ​ແມ່ນ ການ​ຈັດ​ຝຶກ​ອົບ​ຮົມ​ໂຄ​ສະ​ນາ​ເຜີຍ​ແຜ່​ໂຄງ​ການ ຂະ​ຫຍາຍ​ນ້ຳ​ປະ​ປາ​ສຸ​ຂະ​ພິ​ບານ ແລະ ອະ​ນາ​ໄມ​ໃນ​ແຜນ​ງານ​ໜື່ງ​ດຽວ​ຫລາຍ​ຂະ​ແໜງ​ການ​ທີ​ມີ​ສ່ວນ​ຮ່ວມ​ປັບ​ປຸງ​ໂພ​ສະ​ນາ​ການ, ຝືກ​ອົບ​ຮົມ​ວຽກ​ງານ​ການ​ບັນ​ຊີ, ການ​ຈັດ​ຊື້​ໃຫ້​ຜູ້​ປະ​ສານ​ງານ​ຂັ້ນ​ແຂວງ ແລະ ເມືອງ, ຄິດ​ໄລ​ອອກ​ແບບ ແລະ ປະ​ມູນ​ການ​ກໍ​ສ້າງ ຫ້ອງ​ການ​ປະ​ສ້າງ​ງານ​ຂັ້ນ​ແຂວງ ໄດ້ 1 ຫຼັງ, ຂັ້ນ​ເມືອງ ໄດ້ 4 ຫຼັງ​ແລະ ສຳ​ເລັດ​ການ​ວາງ​ແຜນ​ດຳ​ເນີນ​ກິດ​ຈະ​ກຳ ແລະ ງົບ​ປະ​ມານ​ປະ​ຈຳ​ປີ 2020.

ແຜນ​ການ​ໃນ​ຕໍ່​ໜ້າ​ແມ່ນ​ຈະ​ໄດ້​ສືບ​ຕໍ່​ບັນ​ດາ​ອົງ​ປະ​ກອບ ການ​ຈັດ​ຕັ້ງ​ກິດ​ຈະ​ກຳ​ຂອງ​ໂຄງ​ການ ໂດຍ​ການ​ລົງ​ຊຸກ​ຍູ້​ການ​ໂຄ​ສະ​ນາ​ເຜີຍ​ແຜ່​ສຸ​ຂະ​ອະ​ນາ​ໄມ້ ການ​ຮັກ​ສາ​ສຸ​ຂະ​ພາບເພື່ອ​ໂພ​ສະ​ນາ​ການ ໂດຍ​ເລັ່ງ​ໃສ່​ແມ່​ຍີງ​ຖື​ພາ ແລະ ເດັກ​ນ້ອຍ 2 ປີ​ລົງ​ມາ​ໂດຍ​ການ​ຂື້ນ​ທະ​ບຽນ​ໂອ​ເງີນ​ສົດ​ໃຫ້​ແມ່​ຍີງ​ຖື​ພາ, ແມ່​ລູກ​ອ່ອນ ແລະ ເດັກ​ນ້ອຍ​ຕ່ຳ​ກ່​ວາ 2 ປີ ໂດຍ​ມີ​ເງືອນ​ໄຂ​ເພື​່ອ​ບຳ​ລຸງ​ໃຫ້​ອາ​ຫານ​ແມ່​ລູກ​ອ່ອນ ແລະ ນ້ອຍ​ເພື່ອ​ເລືອກ​ອາ​ຫານ​ທີ່​ມີ​ໂພ​ສະ​ນາ​ການ​ທີ່​ດີ.

ພະແນກກະສິກຳ ແລະ ປ່າໄມ້ແຂວງ ສຳເລັດພິທີປ່ອຍປາຄືນສູ່ທຳມະຊາດໃນວັນອະນຸລັກສັດນ້ຳ – ສັດປ່າແຫ່ງຊາດ ວັນທີ 13 ກໍລະກົດ 2020.

ວັນທີ 10 ກໍລະກົດ 2020 ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ໂຄງ​ການ​ປ້ອງ​ກັນ​ດິນ​ຟ້າ​ອາ​ກາດ ສົມ​ທົບ​ກັບ ຫ້ອງການກະສິກຳ ແລະ ປ່າໄມ້ ເມືອງຊຳເໜືອ ຈັດພິທີປ່ອຍປາຄືນສູ່ທຳມະຊາດ, ໃນວັນອະນຸລັກສັດນ້ຳ – ສັດປ່າແຫ່ງ​ຊາດ, ທີ່ສວນແກ້ວຫຼັກ​ເມືອງ, ເປັນກຽດເຂົ້າຮ່ວມທ່ານ ວັນໄຊ ແພງຊຸມມາ ເລຂາພັກແຂວງ, ເຈົ້າແຂວງໆ ຫົວພັນ, ມີຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ຫົວໜ້າ, ຮອງຫົວໜ້າພະແນກການ, ອົງການທຽບເທົ່າ, ທະນາຄານ, ໂຮງຮຽນ, ໂຮງໝໍໍ, ການນຳເມືອງ​ຊຳເໜືອ ແລະ ອຳນາດການປົກຄອງບ້ານ 11 ໝູ່ບ້ານອ້ອມຂ້າງເທດສະບານຕົວເມືອງຊຳເໜືອເຂົ້າຮ່ວມ.

ເພື່ອປະຕິບັດຕາມກົດໝາຍວ່າດ້ວຍສັດນໍ້າ – ສັດປ່າສະບັບເລກທີ 07/​ສ​ພ​ຊ ລົງ​ວັນ​ທີ 27 ທັນ​ວາ 2007 ແລະ ລັດ​ທະ​ບານ​ລາວ​ໄດ້​ກຳ​ນົດ​ເອົາ ວັນ​ທີ 13 ກໍ​ລະ​ກົດ ຂອງ​ທຸກໆ​ປີ ເປັນ​ວັນ​ປ່ອຍ​ປາ​ແຫ່ງ​ຊາດ, ສະ​ນັ້ນ​ເມືອງ​ຊຳ​ເໜືອ​ຈິ່ງ​ໄດ້​ຈັດ​ພິ​ທີ​ປ່ອຍ​ປາ​ຂື້ນ​ທີ່​ສວນແກ້ວຫຼັກ​ເມືອງ, ລວມ​ມີ 11 ບ້ານ​ຄື: ບ້ານ ພັນ​ໄຊ, ທາດ​ເມືອງ, ນາ​ໜ​ອງ​ບົວ, ນາ​ທົ່ງ​ຈອງ, ມີ​ສຸກ, ນາ​ສະ​ກາງ, ນາ​ອ່າງ, ຊຳ​ເໜືອ, ໂພ​ໄຊ, ນາ​ວຽງ ແລະ ບ້ານ​ນາ​ລິວ. ຈຳ​ນວນ​ປາ​ທີ່​ປ່ອຍ​ຄັ້ງ​ນີ້​ມີ​ປາ​ທຳ​ມະ​ຊາດ​ຈຳ​ນວນ 10 ພັນ 200 ໂຕ ມີ​ປາ​ນິນ ແລະ ປາ​ໄນ. ໂດຍ​ໄດ້​ຮັບ​ທຶນ​ສະ​ໜັບ​ສະ​ໜູນ​ຈາກ: ໂຄງ​ການ​ປ້ອງ​ກັນ​ດິນ​ຟ້າ​ອາ​ກາດ, ທັງ​ນີ້ກໍ່​ເພື່ອ​ເປັນ​ການ​ອະ​ນຸ​ລັກ​ສັດ​ນ້ຳ​ໃຫ້​ແພ່​ພັນ​ນັບ​ມື້​ນັບຫຼາຍ​ຂື້ນ​ເລື້ອຍໆ. ການ​ປ່ອຍ​ປາ​ໃນ​ຄັ້ງ​ນີ້​ແມ່ນ​ໄດ້​ແບ່ງ​ໃຫ້ການ​ນຳ​ແຂວງ, ການ​ນຳ​ເມືອງ, ​ທຸກ​ພາກ​ສ່ວນ ແລະ 11 ໝູ່​ບ້ານ​ຈົ່ງນຳ​ເອົາ​ປາ​ໄປ​ປ່ອຍ​ຢູ່​ວັງ​ສະ​ຫງວນ ແລະ ວັງ​ຫວງ​ຫ້າມ​ຂອງ​ຕົນ.

ຕອນ​ທ້າຍ​ພິ​ທີ ທ່ານ ພຸດ​ພັນ ແກ້ວ​ວົງ​ໄຊ ເລ​ຂາ​ພັກ​ເມືອງ, ເຈົ້າ​ເມືອງໆ ຊຳ​ເໜືອ, ມີ​ຄຳ​ເຫັນ​ວ່າ, ຈິ່ງ​ຮຽກ​ຮ້ອງ​ໃຫ້​​ບັນ​ດາ​ພໍ່ – ແມ່​ປະ​ຊາ​ຊົນ ແລະ ການ​ຈັດ​ຕັ້ງທຸກ​ພາກ​ສ່ວນ​ຕ້ອງ​ເປັນ​ເຈົ້າ​ການ ໃນ​ການ​ປົກ​ປັກ​ຮັກ​ສາ​ວັງ​ສະ​ຫງວນ ແລະ ວັງ​ຫວງ​ຫ້າມ​ໃນ​ຂອບ​ເຂດ​ຄວາມ​ຮັບ​ຜິດ​ຊອບ​ຂອງ​ບ້ານ, ເພື່ອ​ໃຫ້​ເປັນ​ບ່ອນ​ເພາະ​ພັນ ແລະ ແພ່​ພັນ​ປາ​ໃນ​ທຳ​ມະ​ຊາດ​ໃຫ້​ນັບ​ມື້​ນັບຫຼາຍ​ຂື້ນ​ເລື້ອຍໆ.

 

ພາບ-ຂ່າວ, ຄຳພະແກ້ວ ອິນທະວົງ

ພະແນກກະສິກຳ ແລະ ປ່າໄມ້ແຂວງ ຫົວພັນ ຈັດກອງປະຊຸມລິເລີ່ມແຜນງານ ການຈັດຕັ້ງປະຕິບັດສ້າງຄວາມເຂັ້ມແຂງໃນວຽກງານປ່າໄມ້ ໂຄງການຄຸ້ມຄອງປ່າໄມ້ແບບພູມີທັດ ແລະ ສົ່ງເສີມຊີວິດການເປັນຢູ່.

 

ກອງປະຊຸມໄດ້ຈັດຂື້ນໃນວັນທີ 9 ກໍລະກົດ 2020 ທີ່ຫໍວັດທະນາທຳ ແຂວງ ຫົວພັນ ໂດຍການເປັນປະທານຂອງທ່ານ ພັນທອງ ເພັດໄຊສົມພັນ ເລຂາພັກແຂວງ ຮອງເຈົ້າແຂວງ ແຂວງ ຫົວພັນ, ໃຫ້ກຽດເຂົ້າຮ່ວມໂດຍມີທ່ານ ສົມໃຈ ຊານົນຕີ ຮອງຫົວໜ້າກົມປ່າໄມ້ ກະຊວງກະສິກຳ ແລະ ປ່າໄມ້, ມີທ່ານ ພູວົງ ສີສົມຮັກ ຫົວໜ້າພະແນກກະສິກຳ ແລະ ປ່າໄມ້ແຂວງ, ມີຫ້ອງການກະສິກຳ ແລະ ປ່າໄມ້ເມືອງ 7 ເມືອງ ເປົ້າໝາຍໂຄງການພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມທັງໝົດ 70 ກ່ວາຄົນ.

ໃນກອງປະຊຸມທ່ານ ພັນທອງ ເພັດໄຊສົມພັນ ໄດ້ມີຄຳເຫັນສະເໜີຈຸດປະສົງ ແລະ ກ່າວເປີດກອງປະຊຸມຢ່າງເປັນທາງການ, ໂຄງການຄຸ້ມຄອງປ່າໄມ້ແບບພູມີທັດ ແລະ ສົ່ງເສີມຊີວິດການເປັນຢູ່ ແມ່ນໄດ້ຮັບທືນຈາກກອງທືນ ດິນຟ້າອາກາດສີຂຽວ ແລະ ກະຊວງການຮ່ວມມືທາງດ້ານເສດຖະກິດ ແລະ ການພັດທະນາ ຂອງສະຫະພັນເຢຍລະມັນ ໂດຍໄດ້ຮັບທືນຈັດຕັ້ງປະຕິບັດຢູ່ 6 ແຂວງ ພາກເໜືອ ຄື: ແຂວງ ໄຊຍະບູລີ, ແຂວງ ຫຼວງພະບາງ , ແຂວງ ຫົວພັນ, ຫຼວງນໍ້າທາ, ບໍ່ແກ້ວ ແລະ ອຸດົມໄຊ,  ເຊີ່ງວ່າແຂວງ ຫົວພັນໄດ້ຮັບທືນມີ 7 ເມືອງ ຄື: ເມືອງ ຊຳເໜືອ, ເມືອງ ຮ້ຽມ, ເມືອງ ຊ່ອນ, ເມືອງ ວຽງໄຊ, ເມືອງ ຊຳໃຕ້, ເມືອງ ຫົວເມືອງ ແລະ ເມືອງ ສົບເບົາ, ໂດຍໄດ້ສະນັບສະໜູນການສ້າງ ສະພາບແວດລ້ອມທີ່ເອື້ອອຳນວຍເຊີ່ງລວມມີ ການຄຸ້ມຄອງບໍລິຫານທີ່ດິນ ແລະ ປ່າໄມ້, ການປະຕິບັດກົດໝາຍ, ການປູກຈິດສຳນືກ ແລະ ການສະໜອງທືນໃຫ້ແກ່ຂະແໜງການແບບຢືນຍົງໂດຍໄດ້ເລັ່ງໃສ່ການປົກປັກຮັກສາປ່າໄມ້, ຫຼຸດຜ່ອນການປ່ອຍທາດອາຍຜິດຂື້ນສູ່ຊັ້ນບັນຍາກາດອັນເປັນສາເຫດເຮັດໃຫ້ສະພາບອາກາດມີການປ່ຽນແປງ ກໍໃຫ້ເກີດມີໄພພິບັດທຳມະຊາດຕ່າງໆ,  ເຊີ່ງໄດ້ຮັບຜົນກະທົບມາຈາກການທໍາລາຍປ່າໄມ້ ການຈູດປ່າເພື່ອຖ່າງປ່າເຮັດໄຮ່, ການປ່ວຍທາດອາຍຜິດຈາກໂຮງງານອຸດສາຫະກຳຕ່າງໆ, ເພື່ອຫຼຸດຜ່ອນຜົນກະທົບນີ້ ໂຄງການໄດ້ສົ່ງເສີມໃຫ້ປະຊາຊົນໄດ້ມີສ່ວນຮ່ວມ, ໃນ ການປັບປຸງການຄຸ້ມຄອງອານຸລັກປ່າໄມ້ ແລະ ການປະຕິບັດກົດໝາຍ, ການວາງແຜນນຳໃຊ້ທີ່ດິນ, ການຄຸ້ມຄອງພູມີທັດປ່າໄມ້ແບບຢືນຍົງ, ສ້າງຕົວແບບທີ່ເປັນທາງເລືອກສຳລັບວຽກງານປ່າໄມ້, ນຳຜົນປະໂຫຍດໂດຍກົງເຖີງປະຊາຊົນໃນຂົງເຂດຊົນນະບົດ , ປະຊາຊົນບັນດາເຜົ່າທີ່ດຳລົງຊີວິດຢູ່ໃນຂອບເຂດປ່າສະຫງວນ, ປ່າປ້ອງກັນ, ໂດຍໄດ້ວາງແຜນການ ການຈັດຕັ້ງປະຕິບັດໂຄງການ, ໃນການຊຸກຍູ້ສົ່ງເສີມການປູກປ່າຄືນໃຫ່ມໃນ 14 ພັນ 500 ເຮັກຕາ, ຟື້ນຟູປ່າໄມ້ 57 ພັນເຮັກຕາ ຫຼີກລ້ຽງການທຳລາຍປ່າໄມ້ຫຼາຍກ່ວາ 34 ພັນ 800 ເຮັກຕາ ແລະ ຫຼຸດຜ່ອນການເຊື້ອມໂຊມຂອງປ່າໄມ້ຫຼາຍກ່ວາ 20 ພັນກ່ວາເຮັກຕາໃນທຸກໆປີ ຈະຫຼຸດຜ່ອນທາດອາຍກາກບອນ 58 ລ້ານໂຕນ ໃຫ້ບັນລຸຕາມແຜນການ ເພື່ອການປົກປັກຮັກສາຊັບພະຍາກອນປ່າໄມ້ໃຫ້ມີຄວາມຢືນຍົງ.

 

 

ຮາກຖານພັກພະແນກກະສິກຳ ແລະ ປ່າໄມ້ແຂວງຫົວພັນ ສຳເລັດພິທີມອບຮັບໃບຢັງຢືນ ໜ່ວຍພັກປອດໃສ ເຂັ້ມແຂງ, ໜັກແໜ້ນໃຫ້ 5 ໜ່ວຍພັກ ປະຈຳປີ 2019.

ໃນວັນທີ 6 ກໍລະກົດ 2020 ນີ້  ຮາກຖານພັກພະແນກກະສິກຳ ແລະ ປ່າໄມ້ແຂວງ ສຳເລັດພິທີມອບຮັບໃບຢັ້ງຢືນ ໜ່ວຍພັກປອດໃສ ເຂັ້ມແຂງ, ໜັກແໜ້ນປະຈຳປີ 2019 ໂດຍການເປັນປະທານ ຂອງ ສະຫາຍ ຄໍາສອນ ເທບວົງຊໍາ ຄະນະປະຈຳພັກແຂງ ປະທານກວດກາ ພັກ -ລັດແຂວງ, ມີສະຫາຍພູວົງ ສີສົມຮັກ ເລຂາພັກຮາກຖານພະແນກກະສິກຳ ແລະ ປ່າໄມ້ ຫົວໜ້າພະແນກກະສິກຳ ແລະ ປ່າໄມ້ ມີຜູ້ຕ່າງໝ້າຈາກໂຄສະນາອົບຮົມ ຄະນະຈັດຕັ້ງແຂວງ ,ກວດກາພັກລັດແຂວງ  ອົງການຈັດຕັ້ງມະຫາຊົນ ແລະ ເລຂາໜ່ວຍພັກ ພ້ອມດ້ວຍສະມະຊິກພັກສຳຮອງ ແລະ ສົມບຸນເຂົ້າຮ່ວທັງໝົດ 90 ກ່ວາສະຫາຍ.

ຮາກຖານພັກພະແນກກະສິກຳ ແລະ ປ່າໄມ້ແຂວງ ເປັນຮາກຖານໜື່ງທີ່ຂືນກັບການຊີ້ນຳ ໂດຍກົງຈາກອົງຄະນະພັກ

ແຂວງ ປະກອບມີ 6 ໜ່ວຍຄື: ໜ່ວຍພັກຫ້ອງການບໍລິຫານ, ໜ່ວຍພັກປ່າໄມ້-ກອງກວດກາ, ໜ່ວຍພັກປູກຝັງລ້ຽງສັດ, ໜ່ວຍພັກທີ່ດິນ ແລະ ສູນສົ່ງເສີມກະສິກຳ, ໜ່ວຍພັກພັດທະນາຊົນນະບົດ –  ສະຫະກອນ ແລະ ໜ່ວຍພັກຊົນລະປະ

ທານ  –  ກວດກາລັດ,  ມີຄະນະພັກຮາກຖານ  7  ສະຫາຍ,  ມີສະມະຊີກພັກທັງໝົດ  135 ສະຫາຍ, ຍີງ 37 ສະຫາຍ, ສະມະຊີກພັກສົມບູນ 123 ສະຫາຍ, ສະມະຊີກພັກສຳຮອງ 12 ສະຫາຍ ໃນໄລຍະຜ່ານມາຄະນະໜ່ວຍໄດ້ເອົາໃຈໃສ່  ນໍາພາ ຊີ້ນຳ ສະມະຊິກພັກພາຍໃນໜ່ວຍຂອງຕົນ ເຄື່ອນໄຫວຈັດຕັ້ງປະຕິບັດແຜນການກໍ່ສ້າງສະມະຊີກພັກ ໜ່ວຍພັກປອດໃສ,  ເຂັ້ມແຂງ, ໜັກແໜ້ນ,  ຕິດພັນກັບການຈັດຕັ້ງປະຕິບັດວຽກງານວິຊາສະເພາະໃນໄລຍະ 1 ປີຜ່ານມາ ຜ່ານການຕີລາຄາປະເມີນສະມະຊີກພັກປອດໃສ, ເຂັ້ມແຂງ, ໜັກແໜ້ນ,  ກວມເອົາ 95 ເປີເຊັນ,ສາມາດເປັນໜ່ວຍພັກປອບໃສເຂັ້ມແຂງ ໜັກແໜ້ນໄດ້ຈຳນວນ 5 ໜ່ວຍພັກຄື:  ໜ່ວຍພັກປ່າໄມ້ – ກອງກວດກາ, ໜ່ວຍພັກປູກຝັງ – ລ້ຽງສັດ,  ໜ່ວຍພັກທີ່ດິນ  ແລະ  ສູນສົ່ງເສີມກະສິກຳ,  ໜ່ວຍພັກພັດທະນາຊົນນະບົດ –  ສະຫະກອນ ແລະ ໜ່ວຍພັກຊົນລະປະທານ – ກວດກາລັດ,

ຕາມມະຕິຕົກລົງຂອງຄະນະປະຈຳພັກແຂວງ ສະບັບເລກທີ 189, 191, 197, 199 ແລະ ສະບັບເລກທີ່ 201  ລົງວັນທີ່ 17 ມີຖຸນາ ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ເປັນກຽດມອບໃບຍັງຢືນໂດຍແມ່ນ ສະຫາຍ ຄໍາສອນ ເທບວົງຊໍາ ຄະນະປະຈຳພັກແຂງ ປະທານກວດກາ ພັກ -ລັດແຂວງ,ແລະ ກ່າວຮັບໂດຍຕ່າງໜ້າເລຂາໜ່ວຍພັກ 5 ໜ່ວຍ.

ກອງປະຊຸມຍັງໄດ້ຮັບຟັງຄຳໂອ້ລົມຂອງ ສະຫາຍ ຄໍາສອນ ເທບວົງຊໍາ ໂດຍສະຫາຍໄດ້ເໜັ້ນໜັກໃຫ້ສະມະຊີກພັກທຸກສະຫາຍໃຫ້ມີຄິດເຊື້ອໜັ້ນຕໍ່ການນໍາພາ – ຊີ້ນໍາຂອງພັກ ຄົ້ນຄວາໃຫ້ເລີກເຊີ່ງໃນການກໍສ້າງພັກເໜັ້ນໃສ່ຄຸນະພາບ ແລະ ມາດຖານ ມີສະຕິຕໍ່ປະກົດການຫໍ້ຍທໍ້ຂອງສັງຄົມ, ການສໍລາດວັງຫຼວງ, ຝືກຜົນຫຼໍລອມຕົນເອງໃນການຮັບໃຊ້ຊາດຮັບໃຊ້ປະຊາຊົນ ສືບຕໍ່ຮັກສາມູນເສື້ອໃນການກໍສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃນປີຕໍ່ໄປ.

 

 

 

ຫ້ອງການກະສິກຳ ແລະ ປ່າໄມ້ເມືອງ ຊຳເໜືອ ລົງສີດຢາຄວບຄຸມການລະບາດ(ຕັກກະແຕນຝຸງໄມ້ປ່ອງ )@@@

ໃນວັນທີ່ 26 ມີຖຸນາ 2020 ນີ້ ຫ້ອງການກະສິກຳ ແລະ ປ່າໄມ້ເມືອງ ຊຳເໜືອ ລົງສີດຢາປາບສັດຕູພືດ ຄວບຄຸມການລະບາດ(ຕັກກະແຕນຝຸງໄມ້ປ່ອງ ) ຢູ່ 2 ບ້ານຄື: ບ້ານ ພຽງຄັງ – ຫ້ວຍສຽ້ງ ແລະ ບ້ານ ເຮົ້າເໜືອ ທີ່ຂື້ນກັບເມືອງ ຊໍາເໜືອຈາກການລາຍງານຂອງອຳນາດການປົກຄອງທັງສອງບ້ານໄດ້ໃຫ້ຮູ້ວ່າ:  ໄດ້ມີການລະບາດຕັກກະແຕນຝຸງ ໄມ້ປ່ອງເຂົ້າທໍາລາຍຜົນຜະລິດປະຊາຊົນເປັນຕົ້ນແມ່ນທຳລາຍເຂົ້າໄຮ່ ແລະ ນາ,  ອັນໄດ້ເຮັດໃຫ້ເກີດຜົນເສຍຫາຍຫຼາຍພໍສົມຄວນ, ສະນັ້ນພະແນກກະສິກຳ ແລະ ປ່າໄມ້ແຂວງຈື່ງໄດ້ສົມທົບກັບຫ້ອງການກະສິກຳ ແລະ ປ່າໄມ້ເມືອງ ຊຳເໜືອ ປະສານຫາບ້ານ ທີ່ໄດ້ຮັບຜົນກະທົບ ໄດ້ນຳເອົາຢາໄປທຳລາຍຕັກກະແຕນເພື່ອຄວບຄຸມການລະບາດຢູ່ເນື້ອທີ່ໄຮ່ , ນາ ແລະ ເຂດທຳການຜະລິດຂອງປະຊາຊົນ, ບ້ານ ຫ້ວຍຄັງ ລວມມີ 38 ຄອບຄົວ, ມີເນື້ອທີ່ ທຳການຜະລິດ 25 ເຮັກຕາ, ໄດ້ຖືກຕັກກະແຕນຝຸງທຳລາຍ 20 ເຮັກຕາເນື້ອທີ່ທີ່ເສຍຫາຍມີ 10 ເຮັກຕາ, ບ້ານເຮົ້າໃຕ້ ມີ 29 ຄອບຄົວ ມີເນື້ອທີ່ ທຳການຜະລິດທັງໝົດ 21 ກ່ວາ ເຮັກຕາ ໄດ້ຮັບຜົນກະທົບຕັກກະແຕນທໍາລາຍ 5 ກ່ວາເຮັກຕາ

ໃນນີ້ທີມງານວິຊາການໄດ້ປຸກລະດົມໃຫ້ພໍ່ແມ່ປະຊາຊົນພ້ອມກັນຄວບຄຸ່ມບໍ່ໃຫ້ຂະຫຍາຍໄປບ່ອນໃຫ່ມ ໂດຍໄດ້ຝືກອົບຮົມວິທີ ການສີດຢາການນຳໃຊ້ຢາຂ້າຕັກກະແຕນ ແລະ ວິທີການປ້ອງກັນຕົວເອງໃນເວລາໃຊ້ຢາ, ມອບໃຫ້ທຸກຄອບຄົວເປັນເຈົ້າການໃນການປາບຕັກກະແຕນຝຸງໄມ້ປ່ອງ ແລະ ຮຽກຮ້ອງໃຫ້ພໍ່ແມ່ປະຊາຊົນເຜົ້າລະວັງບໍໃຫ້ແຜ່ລາບໄປເຂດອື່ນ ຖ້າຫາກມີການແຜ່ລາມໃຫ້ລາຍງານພາກສ່ວນກ່ຽວຂ້ອງຢ່າງຮີບດ່ວນ ເພື່ອແກ້ໄຂໃຫ້ທັນການ.

 

ແຫຼ່ງຂໍ້ມູນ: ຫ້ອງການກະສິກຳ ແລະ ປ່າໄມ້ເມືອງ ຊຳເໜືອ

ບັນນາທິການ: ທ່ານ ນາງ ພວງວັນ ມີວົງສາ ຮອງຫົວໜ້າຫ້ອງການບໍລິຫານ ແລະ ຈັດຕັ້ງ

ຂຽນຂ່າວໂດຍ: ນາງ ພອນທິບ ພັນທະວົງ    ໜ່ວຍງານຂ່າວສານພະແນກກະສິກຳ ແລະ ປ່າໄມ້ແຂວງ

 ສູນບໍລິການເຕັກນິກຮ່ວມມືລາວ – ຫວຽດ ບ້ານ ອົ້ງ ສໍາເລັດການຝືກອົບຮົມແລກປ່ຽນບົດຮຽນກ່ຽວກັບວິທີການສ້າງຝຸ່ນບົ້ມວິວະພາບ ເຂົ້າໃນການຜະລິດກະສິກຳ.ໃຫ້ ຊາວກະສິກອນ 8 ບ້ານກຸ້ມຫົວຊຽງ

 

ໃນວັນທີ່ 26 ມີຖຸນາ 2020 ນີ້ບໍລິການເຕັກນິກກະສິກຳຮ່ວມມືລາວ – ຫວຽດ ບ້ານ ອົ້ງ ໄດ້ຈັດການຝືກອົບຮົມແລກປ່ຽນບົດຮຽນກ່ຽວກັບວິທີການສ້າງຝຸ່ນບົ້ມວິວະພາບ ເຂົ້າໃນການຜະລິດກະສິກຳ ໂດຍການເປັນປະທານຂອງທ່ານ ແອຊຳ ວິໄລຈິດ ຫົວໜ້າສູນ ບໍລິການເຕັກນິກຮ່ວມມືລາວ – ຫວຽດ ບ້ານ ອົ້ງ , ມີ ວິຊາການຂະແໜງປູກຝັງ, ຫ້ອງການກະສິກຳ ແລະ ປ່າໄມ້ເມືອງ ຊຳເໜືອແລະ ພະນັກງານວີຊາການພາຍໃນສູນ ພ້ອມຊາວກະສິກອນໃນ 8 ບ້ານ ກຸ້ມຫົວຊຽງເມືອງ ຊຳເໜືອ ຄື: ບ້ານ ອົ້ງ, ບ້ານ ກາງ ຫົວຊຽງ, ບ້ານ ມ່ວນ – ນາເຮືອງ, ບ້ານ ຖໍ້າ, ບ້ານ ບວມ, ບ້ານ ຫ້ວຍຖຸ່ມ ແລະ ບ້ານ ຄັ້ງທີ່ ເຂົ້າຮ່ວມທັງໝົດ 40 ກ່ວາທ່ານ.

ເພື່ອເຮັດໃຫ້ສູນບໍລິການເຕັກນິກກະສິກຳ ໃຫ້ເປັນບ່ອນສຶກສາເຕັກນິກກະສິກຳຕ່າງໆ ເປັນແຫຼ່ງຂໍ້ມູນດ້ານການປູກການລ້ຽງໃຫ້ປະຊາຊົນໄດ້ມີເຕັກນິກທີ່ທັນສະໄຫມເຂົ້າໃນການຜະລິດເພື່ອຍົກສູງສະມັດຕະພາບໃນການຜະລິດໃຫ້ຫຼາຍຂື້ນ ນຳໃຊ້ຝຸ່ນສະກັດທຳມະຊາດ ເຂົ້າໃນການຜະລິດປະສະຈາກການນຳໃຊ້ຝຸ່ນທີ່ມີສານເຄມີໃນການປູກພືດຕ່າງໆ, ຊຸດອົບຮົມຄັ້ງນີ້ແມ່ນໄດ້ເລັ່ງໃສ່ການຜະລິດຝຸ່ນບົ້ມຊີວະພາບ, ການເຮັດນໍ້າຈຸລິນຊີໜໍ່ກ້ວຍໄມ້ ແລະ ຜະລິດນໍ້າຢາໄລ່ແມງໄມ້ ການຝຶກອົບຮົມແມ່ນໄດ້ໃຫ້ນັກສຳມະນາກອນໄດ້ຮຽນພາກທິດສະດີ ແລະ ປະຕິບັດຕົວຈີງໄປພ້ອມ ແລກປ່ຽນບົດຮຽນລະຫ່ວາງເຊີ່ງກັນແລະ ກັນລະຫ່ວາງຄູຝຶກກັບຊາວກະສິກອນ, ເຫັນວ່ານັກສຳມະນາກອນໄດ້ມີຄວາມເອົາໃຈໃສ່ ແລະ ສົນໃຈຕໍ່ບົດຮຽນເພື່ອຈະໄດ້ນຳບົດຮຽນດັ່ງກ່າວໄປປັບປຸງນຳໃຊ້ໃຫ້ຂັ້ນທ້ອງຖື່ນຂອງຕົນ, ແຜນໃນຕໍ່ໜ້ານີ້ສູນບໍລິການເຕັກນິກກະສິກຳຮ່ວມມືລາວ – ຫວຽດ ບ້ານ ອົ້ງຈະໄດ້ສືບຕໍ່ ຝືກອົບຮົມໃຫ້ປະຊາຊົນຊາວກະສິກອນໃນດ້ານເຕັກນິກ ການລ້ຽງສັດ, ເຕັກນິກການຕັດຕໍ່, ສຽບຍອດໄມ້ໃຫ້ໝາກ ແລະ ເຕັກນິກໃນການປະສົມພັນປາ ແລະ ອື່ນໆອີກ ເພື່ອຈະໃຫ້ເປັນບ່ອນສະໜອງຂໍ້ມູນຕ່າງໆ ໃຫ້ຊາວກະສິກອນໄດ້ນຳເອົາບົດຮຽນໄປຈັດຕັ້ງປະຕິບັດເຮັດໃຫ້ຊາວກະສິກອນໄດ້ມີລາຍຮັບຈາກການຜະລິດກະສິກຳເພື່ອມາພັດທະນາຄອບຄົວໃຫ້ດີຂື້ນ.

ແຫຼ່ງຂໍ້ມູນ: ສູນບໍລິການເຕັກນິກກະສິກຳຮ່ວມມືລາວ – ຫວຽດ ບ້ານ ອົ້ງ

ບັນນາທິການ: ນາງ ພວງວັນ ມີວົງສາ ຮອງຫົວໜ້າບໍລິຫານ ແລະ ຈັດຕັ້ງ

ຂຽນຂ່າວໂດຍ: ນາງ ພອນທິບ ພັນທະວົງ     ( ໜ່ວຍງານຂ່າວສານ ພະແນກກກະສິກຳ ແລະ ປ່າໄມ້)