ໃນວັນນທີ 11 – 13 ພະຈິກ 2018 ທ່ານ ປອ. ພວງປາຣີສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ລົງຊຸກຍູ້ ແລະ ຕິດຕາມວຽກງານກອງທຶນພັດທະນາຊີວິດການເປັນຢູ່ ແລະ ເຊື່ອມສານໂພສະນາການ ຢູ່ ບ້ານ ບວມຝາດ ເມືອງ ຊ່ອນ ແລະ ບ້ານຢອດອາດ,ບ້ານເຕົ່າຫີນ ,ບ້ານນົກແອ່ນ ແລະບ້ານລານຊຽງ ເມືອງຫົວເມືອງ ແຂວງຫົວພັນ ເປັນກຽດ ເຂົ້າຮ່ວມມີ ທ່ານ ເພີດ ມາປັນຍາ ກໍາມະການປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ຫົວພັນ, ການນຳທັງ 3 ເມືອງໆຮ້ຽມ ເມືອງຊ່ອນ ແລະ ເມືອງຫົວເມືອງ ທ່ານບຸນຄຳ ສີດາວົງ ຫົວໜ້າພະແນກກະສິກຳ ແລະ ປ່າໄມ້ແຂວງ ມີຜູ້ອຳນວຍການພ້ອມທີມງານຈາກ ກອງທຶນຫຼຸດຜ່ອນຄວາມທຸກຍາກຂັ້ນສູນກາງ, ຂັ້ນແຂວງ ແລະ ເມືອງ ພ້ອມດ້ວຍພໍ່-ແມ່ປະຊາຊົນ ພາຍໃນບ້ານເຂົ້າຮ່ວມຢ່າງພ້ອມພຽງ.
ຈຸດປະສົງການລົງຢ້ຽມຢາມຄັ້ງນີ້ເພື່ອເປັນການສະໜັບສະໜູນ ແລະ ຜັນຂະຫຍາຍການຈັດຕັ້ງ ປະຕິບັດແຜນພັດທະນາ ເສດະກິດ – ສັງຄົມ ແລະ ແຜນລຶບລ້າງຄວາມທຸກຍາກຂອງແຂວງ, ສ້າງຄວາມເຂັ້ມແຂງໃຫ້ແກ່ ບັນດາການຈັດຕັ້ງຂອງ ຊຸມຊົນ ໃນການພັດທະນາ ແລະ ແກ້ໄຂຊີວິດການເປັນຢູ່ຂອງປະຊາຊົນດ້ວຍຮູບແບບມີສ່ວນຮ່ວມ ແລະ ຂັບເຄື່ອນໂດຍຊຸມຊົນ, ຊ່ວຍພັດທະນາດ້ານຟື້ນຖານໂຄງລ່າງ ການປັບປຸງຊີວິດການເປັນຢູ່ທີ່ມີໂພສະນາການແນໃສ່ ເຮັດໃຫ້ການຊ່ວຍເຫຼືອຖືກຮອງຮັບ ແລະ ຕັດສິນໃຈດ້ວຍຊຸມຊົນ.
ກອງປະຊຸມ ທ່ານ ປາຊົງ ຫວ່າງ ປະທານກອງທຶນ ບ້ານບວມຟາດ ເມືອງຊ່ອນ ໄດ້ລາຍງານໃຫ້ຮູ້ວ່າ: ກອງທຶນດັ່ງກ່າວໄດ້ສ້າງຕັ້ງຂຶ້ນ ມາແຕ່ປີ 2010 ເບື້ອງຕົ້ນມີ ສະມາຊິກ 41 ຄອບຄົວ. ປັດຈຸບັນ ພາຍໃນບ້ານ ມີງົວ 562ໂຕ, ຄວາຍ 32 ໂຕ, ໝູ 255 ໂຕ, ແບ້ 11 ໂຕ ມີສັດປີກ 1 ພັນກວ່າໂຕ ແລະ ມີໜອງປາອີກ 12 ໜອງ. ໃນນີ້ກຸ່ມລ້ຽງສັດໃຫຍ່ມີ 32 ບັນຊີ, ມີຍອດສິນເຊື່ອ 184 ລ້ານກວ່າກີບ, ມີສະມາຊິກຝາກເງິນທັງໝົດ 32 ຄົນ, ມີສະມາຊິກທີ່ກູ້ຢືມເງິນ 23 ຄົນ, ມີຍອດເຫຼືອ 32 ລ້ານກວ່າກີບ. ປະທານກອງທຶນໃຫ້ຮູ້ຕື່ມອີກວ່າ ພາຍຫຼັງກອງທຶນດັ່ງກ່າວໄດ້ເຂົ້າມາຈັດຕັ້ງປະຕິບັດພາຍໃນບ້ານ ໄດ້ເຮັດໃຫ້ຊີວິດການເປັນຢູ່ມີການປ່ຽນແປງດີຂື້ນ, ມີຄອບຄົວທີ່ຫຼຸດພົ້ນອອກຈາກຄອບຄົວທຸກຍາກ 26 ຄອບຄົວ, ເຮັດໃຫ້ປະຊາຊົນຮູ້ຈັກການຝາກ-ການກູ້ຢືມ ເພີ່ມອີກ 43 ຄອບຄົວ. ນອກນັ້ນ ບ້ານຍັງໄດ້ຮັບເງິນຈາກກອງທຶນ 6 ລ້ານກວ່າກີບ ມີງົວ-ຄວາຍ ເພີ່ມຂຶ້ນ 437 ໂຕ,ແລະ ວັນທີ 12 – 13 ພະຈິກ ທີມງານໄດ້ເດີນທາງ ເບິ່ງບາງກິດຈະກໍາເປັນຕົ້ນ ການຈັດຕັ້ງປະຕິບັດໂຄງການກະສິກຳເພື່ອໂພສະນາການ,ໂຄງການລ້ຽງສັດເປັນສິນຄ້າ,ກິດຈະກຳ ທລຍ, ກິດຈະກຳປັບປຸງຊີວິດການເປັນຢູ່ເຊື່ອມສານໂພສະນາການຢູ່ເມືອງຫົວເມືອງ.
ໃນໂອກາດທ່ານລົງມາຢ້ຽມຢາມຄັ້ງນີ້ ທ່ານ ຮອງລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍ ຕໍ່ການນໍາຂອງແຂວງ, ເມືອງ ແລະ ປະຊາຊົນພາຍໃນບ້ານ ທີ່ໄດ້ເອົາໃຈໃສ່ເຮັດໃຫ້ກອງທຶນດັ່ງກ່າວມີບາດກ້າວຂະຫຍາຍຕົວ ແລະ ຍັງໄດ້ສະເໜີໃຫ້ ພະແນກກະສິກຳ ແລະ ປ່າໄມ້ ແຂວງ ກໍຄືຫ້ອງການກະສິກຳ-ປ່າໄມ້ເມືອງ ເອົາໃຈໃສ່ຕື່ມໃນການຊ່ວຍເຫຼືອ ດ້ານເຕັກນິກການປູກຝັງ -ລ້ຽງສັດ ປູກພືດຜັກຫຼາຍຊະນິດ ເພື່ອບໍລິໂພກໃນຄົວເຮືອນໃຫ້ທຸກຄົນໄດຮັບສານອາຫານທີ່ມີໂພສະນາການພຽງພໍ ແລະ ມີສຸຂະພາບທີ່ແຂງແຮງ, ລວມທັງເຕັກນິກການລ້ຽງສັດ, ການເບິ່ງແຍງສຸຂະພາບສັດ ການໝັກຫຍ້າໄວ້ ໃນຢາມຂາດແຄນ ເພື່ອໃຫ້ສັດລ້ຽງຂອງປະຊາຊົນ ມີສຸຂະພາບແຂງແຮງ ແລະ ມີອາຫານກິນພຽງພໍກຸ້ມກິນຕະຫຼອດປີ. ໂອກາດດຽວກັນນີ້ ທ່ານຍັງໄດ້ມອບອຸປະກອນການຮຽນ – ການສອນ ຈໍານວນໜຶ່ງເພື່ອປະກອບສ່ວນຊ່ວຍເຫຼືອໂຮງຮຽນພາຍໃນ 5 ບ້ານຂອງ 2 ເມືອງ ນໍາອີກ.
ຂ່າວໂດຍ
ນາງ ນິນ ແສງອໍາພອນ

ໃນວັນທີ 11 ພະຈິກ 2018ນີ້ ພະແນກກະສິກຳ ແລະ ປ່າໄມ້ແຂວງຫົວພັນ ຈັດພິທີສະເຫຼີມສະຫຼອງ 5 ວັນກະສິກຳ ໄດ້ແກ່ ວັນອາຫານໂລກ ຄົບຮອບ 38 ປີ, ວັນສັບປະດາເພື່ອລຶບລ້າງຄວາມທຸກຍາກ ຄົບຮອບ 26 ປີ, ວັນປ່ອຍນ້ຳຊົນລະປະທານ ວັນທີ 3 ພະຈິກ, ວັນສັກຢາປ້ອງກັນພະຍາດສັດແຫ່ງຊາດ ວັນທີ 11 ພະຈິກ ແລະ ວັນປູກພືດລະດູແລ້ງ 15 ພະຈິກ 2018, ພິທີໄດ້ຈັດຂື້ນທີ ບ້ານ ຊ່ອນເໜືອ ເມືອງຊ່ອນ ແຂວງຫົວພັນ ເປັນກຽດເຂົ້າຮ່ວມເປັນປະທານໂດຍ ທ່ານ ເພີດ ມາປັນຍາ ຄະນະປະຈຳພັກແຂວງ ຄະນະໂຄສະນາອົບຮົບ ແຂວງຫົວພັນ, ມີທ່ານ ສິງພອນ ເລືອງຄຳມາ ເລຂາພັກເມືອງເຈົ້າເມືອງເມືອງຊ່ອນ ແລະ ທ່ານ ບຸນຄຳ ສີດາວົງ ຫົວໜ້າພະແນກກະສິກຳ ແລະ ປ່າໄມ້ແຂວງ, ພ້ອມດ້ວຍພາກສ່ວນທີກ່ຽວຂ້ອງອອ້ມຂ້າງເມືອງ ແລະ ແຂວງ ຕະຫຼອດຮອດພໍ່ແມ່ປະຊາຊົນເຂົ້າຮ່ວມພິທີຢ່າງຟົດຟື້ນ
ໃນພິທີ ແມ່ນໄດ້ຮັບຟັງປະຫັວດຄວາມເປັນມາຂອງ 5 ວັນກະສິກຳ ໂດຍໄດ້ຍົກໃຫ້ເຫັນຄວາມໝາຍ-ຄວາມສຳຄັນຂອງວຽກງານກະສິກຳ ໃນການພັດທະນາ ເສດຖະກິດ-ສັງຄົມ ແຫ່ງຊາດ ເພື່ອເປັນການຊຸກຍູ້ສົ່ງເສີມການຜະລິດກະສິກຳ ໃຫ້ຊາວກະສິກອນປະຊາຊົນບັນດາເຜົ່າ ໄດ້ມີຊີວິດການເປັນຢູ່ທີ່ດີຂື້ນ ເພື່ອຫຼຸດພົ້ນອອກຈາກຄວາມທຸກຍາກເທື່ອລະກ້າວ, ເພື່ອປູກຈິດສຳນືກ ແລະ ປຸກລະດົມໃຫ້ປະຊາຊົນບັນດາເຜົ່າ ໃນຂອບເຂດທົ່ວປະເທດ ໄດ້ຮັບຮູ້ເຖິງຄວາມໝາຍ – ຄວາມສຳຄັນຂອງວຽກງານກະສິກໍາ ແລະ ປ່າໄມ້ ໃນການພັດທະນາເສດຖະກິດ ສັງຄົມ, ພັກ – ລັດ ຂອງພວກເຮົາ ຈີງໄດ້ກຳນົດເອົາວັນ 5 ວັນດັ່ງກ່າວນີ້ ເປັນວັນເປີດການຜະລິດກະສິກຳຕາມລະດູການ. ແລະ ເມືອງຊ່ອນກໍ່ເປັນເມືອງໜື່ງ ທີມີພື້ນຖານໂຄງລ່າງດ້ານການຜະລິດກະສິກຳ ເປັນສີ້ນຄ້າ ເປັນຕົ້ນແມ່ນ ການປູກຝັງ ແລະ ລ້ຽງສັດ, ໃນທົ່ວເມືອງຊ່ອນ ມີເນື້ອທີປູກຝັງ 970 ຮຕ, ໃນນັ້ນແມ່ນເລັ່ງໃສ່ ການເຮັດນາແຊງ ເປັນຕົ້ນຕໍໃຫ້ໄດ້ 50 ຮຕ, ປູກຖົ່ວເຫຼືອງໄດ້ 75 ຮຕ, ສາລີ ໄດ້ 97 ຮຕ, ແຕງໂມ ແຕງຊັ້ງໄດ້ 27 ຮຕ, ແລະ ພືດຜັກອື່ນໆ, ແລະ ເມືອງຊ່ອນ ມີສັດລ້ຽງທັງໝົດ, ງົວ 6,676ໂຕ,ຄວາຍ 4,061 ໂຕ, ແບ້ 3,384 ໂຕ, ໝູ 15,611 ໂຕ, ແລະ ສັດປີກ 136,882 ໂຕ, ນອກນີ້ຍັງໄດ້ ສົ່ງເສີມໃຫ້ປະຊາຊົນລ້ຽງສັດ ໃຫ້ຖືກຕາມເຕັກນີກ ແລະ ສັກຢາປ້ອງກັນພະຍາດຄື: ພະຍາດເຕົ້າໂຮມເລືອດງົວຄວາຍໄດ້ 6,192 ໂຕ, ທຽບໃສ່ແຜນການປີ ໄດ້ 85 %, ພະຍາດປາກເປື່ອຍລົງເລັບ ງົວຄວາຍ,ໝູແບ້ ໄດ້ 7,436 ໂຕ, ທຽບໃສ່ແຜນການປີ ໄດ້ 79 %, ພະຍາດອະຫິວາໝູ 3,960 ໂຕ, ທຽບໃສ່ແຜນການປີ ໄດ້ 100 %, ພະຍາດນີວຄາເຊີນ-ອະຫິວາສັດປີກ ໄດ້ 10,000 ໂຕ, ທຽບໃສ່ແຜນການປີ ໄດ້ 60 %, ພະຍາດແມ່ທ້ອງງົວ-ຄວາຍ ໝູ ແບ້ ໄດ້ 5,075 ໂຕ,ທຽບໃສ່ແຜນການປີ ໄດ້ 65 %, ແລະ ມີຊົນລະປະທານທັງໝົດ 57 ແຫ່ງ, ຝາຍຖາວອນມີ 21 ແຫ່ງ, ຝາຍໄມ້ 36 ແຫ່ງ, ສາມາດຫົດເນື້ອທີທຳການຜະລິດໄດ້ທັງໝົດ 705 ຮຕ; ເນື້ອທີອາໄສນ້ຳຝົນ 15 ຮຕ; ໃນນັ້ນຫົດສະເພາະພຶດລະດູແລ້ງໄດ້ 75 ຮຕ; ແລະ ມີກຸ່ມນຳໃຊ້ຊົນລະປະທານ 5 ກຸ່ມ, ນອກນີ້ ການພັດທະນາຊົນນະບົດ ແລະ ລືບລ້າງຄວາມທຸກຍາກ ຍັງໄດ້ສຸມໃສ່ການແກ້ໄຂຄວາມທຸກຍາກ ດ້ວຍການສຸມທືນຮອນ ໃນການພັດທະນາພື້ນຖານໂຄງລ່າງ ເພື່ອສົ່ງເສີມການປູກ, ການລ້ຽງໃຫ້ຫຼາຍຂື້ນ ໂດຍສະໜອງທືນຮອນກູ້ຢືມ ແລະ ປັດໃຈການຜະລິດ ສ້າງເສດຖະກິດຄອບຄົວ ເຮັດໃຫ້ປະຊາຊົນມີອາຊີບໝັ້ນຄົງ ພ້ອມກັນນັ້ນກໍ່ໄດ້ເອົາໃຈໃສ່ໃນການພັດທະນາຕາມທິດ 3 ສ້າງ ,ໄດ້ 5 ບ້ານ ແລະ ບ້ານຢຸດຕິ ການຖາງປ່າເຮັດໄຮ່ ແບບເລື່ອຍລອຍໄດ້ 13 ບ້ານ, ມາຮອດປັບຈຸບັນ ຊິວິດການເປັນຢູ່ຂອງປະຊາຊົນໄດ້ຮັບການພັດທະນາດີຂື້ນ ແລະ ອັດຕາຄວາມທຸກຍາກຂອງຄົວເຮືອນລຸດລົງຍັງເຫຼືອ 17,62%, ບ້ານທຸກຍາກຍັງເຫຼືອ 23,53 % ນອກຈາກຫ້ອງການກະສິກຳ ແລະ ປ່າໄມ້ເມືອງຊ່ອນ ທີເປັນຈຸດສຸມຂອງແຂວງແລ້ວ ຍັງມີບັນດາຫ້ອງການກະສິກຳ ແລະ ປ່າໄມ້ ທົ່ວແຂວງຫົວພັນ ກໍ່ພວມດຳເນີນການສະເຫຼີມສະຫຼອງ 5 ວັນກະສິກຳນີ້ ຢ່າງເປັນຂະບວນຟົດຟື້ນ.
ຜູ້ຂຽນຂ່າວ
ນາງ ສຸນິສາ ວິໄລສຸກ

ວັນທີ 13 ພະຈິກ 2018 ນີ້ ເມືອງກັວນ, ແຂວງຫົວພັນ ໄດ້ເປີດພິທີ ວັນສັກຢາປ້ອງກັນພະຍາດແຫ່ງຊາດ ວັນທີ 11 ພະຈິກ 2018 ຕາງໜ້າການນຳເມືອງ, ໃຫ້ກຽດເປັນປະທານ ທ່ານ ອຳພອນ ສອນວິໄລ ຄະນະປະຈຳພັກເມືອງ, ຫົວ
ໜ້າຫ້ອງການກວດກາພັກ – ລັດເມືອງ, ທ່ານ ສຸດວິໄສ ໄຊສົງຄາມ ຫົວໜ້າກອງກວດກາປ່າໄມ້ ຕາງໜ້າພະແນກກະສິ
ກຳ ແລະ ປ່າໄມ້ແຂວງ, ຫົວໜ້າຫ້ອງການກະສິກຳ ແລະ ປ່າໄມ້ເມືອງ, ມີໜ່ວຍງານທີ່ກ່ຽວຂ້ອງ ແລະ ພໍ່ແມ່ປະຊາຊົນຜູ້ລ້ຽງສັດເຂົ້າຮ່ວມຢ່າງຫຼວງຫຼາຍ.
ຈຸດປະສົງໃນການຈັດພິທີເປີດຂະບວນການສັກຢາປ້ອງກັນພະຍາດແຫ່ງຊາດຄັ້ງນີ້ ກໍ່ເພື່ອປຸກລະດົມໃຫ້ພໍ່ແມ່ພີ່ນ້ອງຊາວກະສິກອນຜູ້ລ້ຽງສັດ ໃນຂອບເຂດທົ່ວເມືອງ ເວົ້າລວມ, ເວົ້າສະເພາະແມ່ນຢູ່ໃນບ້ານ ນາໜັງ ຫັນມາຊົມໃຊ້ເຕັກ
ນິກການລ້ຽງສັດ ແລະ ຖືຄວາມສຳຄັນຂອງການສັກຢາປ້ອງກັນພະຍາດສັດລ້ຽງຂອງຕົນເພື່ອປ້ອງກັນການລະບາດຂອງພະຍາດສັດ ແລະ ແນໃສ່ການລົບລ້າງພະຍາດສັດໃນອະນາຄົດ, ໃນປະຈຸບັນທົ່ວເມືອງມີສັດລ້ຽງທັງໝົດ: ງົວມີ 13 ພັນ 229 ໂຕ, ຄວາຍ 3 ພັນ 462 ໂຕ, ແບ້ 2 ພັນ 388 ໂຕ, ໝູ 13 ພັນ 341 ໂຕ, ມ້າ 239 ໂຕ, ສັດປີກ 73 ພັນ 389 ໂຕ ແລະ ປາ 2 ແສນ 52 ພັນ 514 ໂຕ, ການສັກຢາປ້ອງກັນພະຍາດໃນຕົ້ນປີ 2018 ນີ້ສັກຢາປ້ອງກັນພະຍາດເຕົ້າໂຮມເລືອດງົວ 3 ພັນ 715 ໂຕ, ຄວາຍ 305 ໂຕ, ອະຫິວາໝູ 694 ໂຕ, ອະຫິວາສັດປີກ 1 ພັນ 453 ໂຕ. ສະເພາະບ້ານ ນາໜັງ ຄອບຄົວທີ່ມີສັດລ້ຽງ 165 ຄອບຄົວມີງົວ 750 ໂຕ, ໝູ 374 ໂຕ ແລະ ສັດປີກ 1 ພັນ 450 ໂຕ.
ໃນຕອນທ້າຍຂອງພິທີ ທ່ານ ອຳພອນ ສອນວິໄລ ກໍ່ໄດ້ໃຫ້ຄວາມຄິດເຫັນວ່າ: ເພື່ອເຮັດໃຫ້ວັນດັ່ງກ່າວນີ້ໄດ້ຮັບການ
ຈັດຕັ້ງປະຕິບັດຢ່າງມີປະສິດທິຜົນຢ່າງກ້ວາງຂວາງ, ເພື່ອເປັນການກຳນົດ ແລະ ກ້າວໄປສູ່ການລົບລ້າງພະຍາດທີ່ຕົ້ນຕໍຂອງສັດໃນອະນາຄົດ, ເພື່ອລົບລ້າງຄວາມທຸກຍາກເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົນດີຂື້ນ, ດັ່ງນັ້ນຂໍຮຽກ
ຮ້ອງມາຍັງຊາວກະສິກອນຜູ້ລ້ຽງສັດທັງຫຼາຍ, ພະນັກງານວິຊາການທີ່ກ່ຽວຂ້ອງ, ການຈັດຕັ້ງຂອງລັດໃນທົ່ວເມືອງ, ຈົ່ງເອົາໃຈໃສ່ການຈັດຕັ້ງປະຕິບັດຊີ້ນຳ ນຳພາຊາວກະສິກອນໃຫ້ຮັບຮູ້ ແລະ ຕື່ນຕົວສັກຢາປ້ອງກັນໃຫ້ແກ່ສັດລ້ຽງຂອງຕົນ
ຢ່າງທົ່ວເຖິງ ແລະ ຄົບຖ້ວນເພື່ອປ້ອງກັນຜົນປະໂຫຍດຂອງທ່ານ, ເຊື່ອແນ່ວ່າ: ຈະສາມາດພັດທະນາການລ້ຽງສັດໃຫ້ກາຍເປັນສິນຄ້າໄດ້ ແລະ ສາມາດບັນລຸຄາດໝາຍຕົວເລກຜະລິດຊີ້ນໃຫ້ພຽງພໍໃນການບໍລິໂພກພາຍໃນ ແລະ ສົ່ງອອກຕ່າງເມືອງ, ຕ່າງແຂວງ ແລະ ຕ່າງປະເທດ.

ບັນນາທິການ
ເພັດໄຊ ເພັດສົມແພງ
ຜູ້ຂຽນຂ່າວ
ຄຳພະແກ້ວ ອິນທະວົງ

ພະແນກກະສິກຳ ແລະ ປ່າໄມ້ ສຳເລັດຊຸດຝຶກອົບຮົມການເປັນຄູຝຶກ ຫຼັງຈາກປັບປຸງບົດຮຽນຂອງສູນຮຽນຮູ້ໂພສະນາການ.
ລະຫວ່າງວັນທີ 29 ເດືອນຕຸລາ – 4 ເດືອນພະຈິກ 2018 ພະແນກກະສິກໍາ ແລະ ປ່າໄມ້ແຂວງຫົວພັນ ໄດ້ຈັດຊຸດຝຶກອົບຮົມການເປັນຄູຝຶກ ບົດຮຽນໃໝ່ຂອງສູນຮຽນຮູ້ໂພສະນາການ ຂື້ນທີຫ້ອງປະຊຸມຖ້ຳງູເຫຼືອມ ເມືອງວຽງໄຊ ໂດຍການເປັນປະທານຂອງທ່ານ ບຸນຄຳ ສີດາວົງ ຫົວໜ້າພະແນກກະສິກຳ ແລະ ປ່າໄມ້ແຂວງຫົວພັນ ມີທີມງານຄູຝຶກມາຈາກສູນກາງ ,ຈາກພະແນກກະສິກຳ ແລະ ປ່າໄມ້ແຂວງຊຽງຂວາງມີ 2 ເມືອງເຂົ້າຮ່ວມ ໃນນີ້ມີເມືອງຄຳ ແລະ ເມືອງໜອງແຮດ ,ມີພາກສ່ວນກ່ຽວຂ້ອງທັງ 2 ແຂວງເຂົ້າຮ່ວມນຳ, ແຂວງຫົວພັນ 4 ເມືອງເປົ້າໝາຍໂຄງການ ມີເມືອງຫົວເມືອງ, ເມືອງຊຳໃຕ້,ເມືອງກວັນ ແລະ ເມືອງຊ່ອນ ເຂົ້າຮ່ວມທັງໝົດ 80 ກວ່າທ່ານ.
ຈຸດປະສົງຂອງການຝຶກອົບຮົມຄັ້ງນີ້ແມ່ນເພື່ອປ່ຽນແປງພຶດຕິກຳ ການປຸງແຕ່ງ ແລະ ການບໍລິໂພກ ເພື່ອຢາກໃຫ້ນັກສຳມະນາກອນໄດ້ຮຽນຮູ້ ແລະ ເຂົ້າໃຈ ໃນການຂະຫຍາຍຈຸດສຸມການຜະລິດ ແລະ ເພີ່ມການຜະລິດສະບຽງອາຫານທີ່ອຸດົມ ໄປດ້ວຍໂພສະນາການ ທີ່ສົ່ງເສີມການຜະລິດພືດ ແລະ ສັດທີ່ມີໂປຮຕິນສູງ ສຳລັບການບໍລິໂພກໃນຄົວເຮືອນ ຕ້ອງໄດ້ປັບປຸງ ຈັດການຫຼັງການເກັບກູ້,ການຫຸ້ມຫໍ່ ແລະ ການແປຮູບອາຫານເພື່ອຮັບປະກັນ ດ້ານສະບຽງອາຫານ ໃຫ້ໄວ້ກິນກຸ້ມດົນ ແລະ ຕະຫຼອດປີ ໂດຍເລັ່ງໃສ່ແມ່ຍິງຖືພາ ແລະ ເດັກນ້ອຍ ອາຍຸ 2 ປີລົງມາໃຫ້ ກິນອາຫານມີຄຸນປະໂຫຍດ ແລະ ມີຄວາມສະອາດປອດໄພ ເພື່ອໃຫ້ຮ່າງກາຍຈະເລີນເຕີບໂຕ,ມີຄວາມສົມດຸນ ແລະ ເຮັດໃຫ້ສະໝອງຂອງເດັກນ້ອຍມີການພັດທະນາຍ້ອນໄດ້ ກິນອາຫານຫຼາກຫຼາຍຊະນິດ ຄົບຖ້ວນຕາມຄວາມຕ້ອງການຂອງຮ່າງກາຍ.
ການຝຶກອົບຮົມຄັ້ງນີ້ສຳມະນາກອນໄດ້ຮຽນຮູ້ພາກທິດສະດີ ແລະ ໄດ້ເຮັດພາກປະຕິບັດຕົວຈິງໃນການປຸງແຕ່ງອາຫານ ເພື່ອເຮັດໃຫ້ຜູ້ຂົ້າຮ່ວມມີຄວາມເຂົ້າໃຈ ເພື່ອລົງໄປຝຶກຕໍ່ໃຫ້ຜູ້ອຳນວຍຄວາມສະດວກຂັ້ນບ້ານ, ໃນຕອນທ້າຍທັງສອງແຂວງ ຫົວພັນ – ຊຽງຂວາງໄດ້ພ້ອມກັນແລກປ່ຽນບົດຮຽນ ປະກອບຄຳຄິດຄຳເຫັນ ຢ່າງກົງໄປກົງມາມັນສະແດງໃຫ້ເຫັນດ້ານດີຜົນງານ ແລະດ້ານອ່ອນຄົງຄ້າງບາງດ້ານທີ່ຈະໄດ້ພ້ອມກັນປັບປຸງ ແລະ ຈັດຕັ້ງປະຕິບັດໃນຕໍ່ໜ້າໃຫ້ໄດ້ຮັບຜົນດີ.
ບັນນາທິການ
ເພັດໄຊ ເພັດສົມແພງ
ຜູ້ຂຽນຂ່າວ
ນາງ ນິນ

ວັນ​ທີ 23 ຕຸລາ 2018 ນີ້ ຄະນະ​ຫ້ອງການ, ​ໜ່ວຍ​ຊາວ​ໜຸ່ມຫ້ອງການ​ກອງ​ບັນຊາ​ການ​ທະຫານ ມາ​ອ່ວຍ​ພອນ​ວັນ​ສັບປະດາ​ເພື່ອ​ລຶບລ້າງ​ຄວາມທຸກ​ຍາກ ນຳ​ໂດຍ ສະຫາຍ ພັທ ​ແອ​ງພອນ​ ສີວັນ​ໄຊ ຮອງ​ຫ້ອງການ ກອງ​ບັນຊາ​ການ​ທະ

ຫານ​ແຂວງ, ສະຫາຍ ​ໄມ​ພຽງ ມາດາ​ຈິດ ຫົວໜ້າ​ຂະ​ແໜງ ພັດທະນາ​ຊົນນະບົດ ​ແລະ ສະຫະກອນ ມີ​ຄະນະ​ໜ່ວຍ​ຊາວ​ໜຸ່ມ​ຈາກ​ຫ້ອງການ ກອງ​ບັນຊາ​ການ​ທະຫານ ​ແລະ ໜ່ວຍ​ຊາວ​ໜຸ່ມ​ຈາກ​ ຂະ​ແໜງ​ພັດ​ທະ​ນາ​ຊົນນະບົດ ​ແລະ ສະຫະ

ກອນ​ເຂົ້າ​ຮ່ວມ 30 ຄົນ.

​ໃນ​ວາລະ​ດັ່ງ​ກ່າວ ສະຫາຍ ​ໄມ​ພຽງ ມາດາ​ຈິດ ​ໄດ້​ລາຍ​ງາຍ​ຫຍໍ້ ການຈັດ​ຕັ້ງ​ປະຕິບັດ​ວຽກ​ງານ​ຂະ​ແໜງ​ພັດທະນາ​ຊົນນະ

ບົດ ​ແລະ ສະຫະກອນ​ໃນ​ໄລຍະ​ຜ່ານ​ມາ ​ເຫັນ​ວ່າ​ທຸກ​ພະ​ແນ​ກການ, ບັນດາ​ເມືອງ​ຕ່າງໆ ທົ່ວ​ແຂວງ ​ໄດ້​ຖື​ເປັນ​ວຽກ​ງານ​ທີ່​ສຳຄັນ​ໂດຍ​ສະ​ເພາະ​ການ​ພັດທະນາ​ເສດຖະກິດ ​ແລະ ​ແກ້​ໄຂ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂື້ນ, ​ເຊີ່ງ​ມັນສະ​ແດງ​ໃຫ້​ເຫັນ​ເຖິງ​ຂະ​ບວນການ​ແກ້​ໄຂ​ຄວາມທຸກ​ຍາກ​ມີ​ການ​ເພີ່ມ​ການ​ລົງທຶນ​ເຂົ້າ​ໃສ່​ການ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ​ຢ່າງ​ມີ​ຈຸດ​ສຸມ​ເປັນ​ຕົ້ນ​ໄດ້​ສຸມ​ໃສ່ 16 ຈຸດ​ສຸມ​ທີ່​ນອນ​ຢູ່​ໃນ​ຂໍ້​ຕົກລົງ​ລັດຖະມົນຕີ ສະບັບ​ເລກທີ 65/ນຍ, ລົງ​ວັນ​ທີ 19/08/2016 ​ແລະ ບັນດາ​ເຂດ​ຫ່າງ​ໄກ​ສອກຫຼີກ ​ເຂດ​ທີ່​ໝັ້ນ​ຂອງ​ການ​ປະຕິວັດ ​ແລະ ບ້ານ​ວິລະ​ຊົນ, ການຈັດ​ຕັ້ງ​ປະຕິບັດ ​ແມ່ນ​ໄດ້​ສຸມ​ໃສ່​ບູລະນະ​ສ້ອມ​ແປງ​ພື້ນຖານ​ໂຄງ​ລ່າງ​ເຊັ່ນ: ​ເສັ້ນທາງ, ​ໂຮງຮຽນ, ຊົນລະປະທານ, ນ້ຳ​ລິນ, ສຸກສາລາ ​ແລະ ອື່ນໆ​ນອກ​ນີ້​ຍັງ​ເປັນ​ໃຈກາງ​ສົມທົບ ​ແລະ ຊຸກຍູ້​ພາກສ່ວນ​ທີ່​ກ່ຽວຂ້ອງ​ຈັດ​ສັນພູ​ມລຳ​ເນົາ, ​ເຕົ້າ​ໂຮມ​ເອົາ​ບ້ານ​ນ້ອຍ ​ເປັນ​ບ້ານ​ໃຫ່ຍ, ຊຸກຍູ້​ປະຊາຊົນ​ຍົກຍ້າຍ​ອອກ​ມາ​ຕັ້ງ​ຖິ່ນ​ຖານ​ລຽບ​ຕາມ​ແຄມ​ທາງ ​ແລະ ບໍລິ​ເວນ​ທີ່​ມີ​ໂຄງ​ລ່າງ​ພື້ນຖານຮັບ​ໃຊ້​ການ​ຜະລິດ ​ແລະ ການ​ບໍລິການ, ນອກຈາກ​ນີ້​ຍັງ​ໄດ້​ເລົ່າປະ​ຫັວດຄວາມ​ເປັນ​ມາ, ຄວາມ​ສຳຄັນ​ຂອງ​ວັນ​ສັບປະດາ​ແຫ່ງ​ຊາດ ​ເພື່ອ​ລຶບລ້າງ​ຄວາມທຸກ​ຍາກ, ​ໃນ​ປີ 1992 ກອງ​ປະຊຸມ​ສະມັດຊາ​ໃຫ່ຍຂອງ​ອົງການ​ສະຫະ​ປະຊາ​ຊາດ ​ໄດ້​ປະກາດ​ເອົາ ວັນ​ທີ່ 17 ຕຸລາ​ຂອງ​ທຸກໆ​ ປີ ​ເປັນ​ວັນ​ສາກົນ​ເພື່ອ​ລຶບລ້າງ​ຄວາມທຸກ​ຍາກ ​ໂດຍ​ມອບ​ໃຫ້​ບັນດາ​ປະ​ເທດ​ສະມາ​ຊິກ ​ເຕົ້າ​ໂຮມ​ບັນດາ​ອົງການ​ຈັດ​ຕັ້ງ – ສັງຄົມ ຈັດ​ກິດຈະກຳ​ຕ່າງໆ ​ເພື່ອ​ປຸກລະດົມ​ຂະ​ບວນການ ​ແລະ ລະດົມ​ທຶນ​ຮອນ​ເຂົ້າ​ໃສ່​ວຽກ​ງານ​ລຶບລ້າງ​ຄວາມທຸກ​ຍາກ, ປະຈຸ​ບັນ​ຄົບຮອບ 26 ປີ.

ຈາກ​ນັ້ນ ສະຫາຍ ​ແອ​ງພອນ ສີ​ວັນ​ໄຊ ກໍ່​ໄດ້​ກ່າວ​ຄຳ​ອ່ວຍ​ພອນ​ມາ​ຍັງ ຄະນະໜ່ວຍ​ຊາວ​ໜຸ່ມ ຂະ​ແໜງພັດທະນາ​ຊົນນະບົດ ​ແລະ ສະຫະກອນ ຈາກ​ຜົນງານ​ທີ່​ສ້າງ​ມາ​ໄດ້​ໃນ​ໄລຍະ​ຜ່ານ​ມາ ​ແລະ ສືບ​ຕໍ່​ປະຕິບັດ​ວຽກ​ງານ, ສ້າງ​ຜົນງານ​ໃຫ້​ໄດ້​ຕາມ​ເປົ້າ​ໝາຍ​ທີ່​ວາງ​ໄວ້​ໃນ​ຂັ້ນ​ຕໍ່​ໄປ ​ແລະ ມອບ​ກະຕ່າ​ຂອງ​ຂັວນ​ໃຫ້​ຢ່າງ​ເປັນ​ທາງ​ການ.

ເພື່ອເປັນການຂຳ່ນັບຮັບຕ້ອນ ວັນບຸນອອກພັນສາ ພສ 2561 ແລະ ທັງເປັນການຊຸກຍູ້ອຸປະຖຳເຂົ້າໃນ ກິດຈະກຳ ບຸນຊ່ວງເຮືອປະຈຳປີ 2018 ທີ່ອ່າງຂັງນ້ຳຫ້ວຍແໝນ ໂດຍໄດ້ຮັບການຮ່ວມມື ແລະ ສະໜັບສະໜູນຈາກຫຼາຍພາກສ່ວນ, ສະນັ້ນໃນເວລາ 9 ໂມງ ຂອງວັນທີ 17 ຕຸລາ 2018 ນີ້ ຢູ່ຫ້ອງປະຊຸມ ພະແນກ ກະສິກຳ ແລະ ປ່າໄມ້ແຂວງ, ຈິ່ງໄດ້ຈັດພິທີມອບຮັບເຄື່ອງກິລາຈາກ, ໂຄງການ ສ້າງຄວາມເຂັ້ມແຂງໃນການບັງຄັບໃຊ້ກົດໝາຍສັດນ້ຳ – ສັດປ່າ, ຈຳນວນ 18 ຊຸດ, ມູນຄ່າ 3 ແສນຫ້າສິບພັນກີບ, ໂຄງການຫຼຸດຜ່ອນອາຍຜິດ ຈາກການທຳລາຍປ່າໄມ້ ແລະ ການເຮັດໃຫ້ປ່າໄມ້ເຊື່ອມໂຊມ, ຈຳນວນ 16 ຊຸດ, ມູນຄ່າ 7 ແສນຫ້າສິບພັນກີບ, ທ່ານ ແອັງ ແກ້ວວັນທາ ຮ້ານອາຫານສາລາເບຍພູເມືອງ, ຈຳນວນ 20 ຊຸດ, ມູນຄ່າ 9 ແສນກີບ. ໂດຍຕາງໜ້າກ່າວມອບໂດຍແມ່ນທ່ານ ວາສະນູນ ສໍອິນໄຊ ຫົວໜ້າ ຂະແໜງປ່າໄມ້, ຕາງໜ້າກ່າວຮັບໂດຍແມ່ນທ່ານ ສໍສະຫັວນ ບານຄຳມີ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ, ມີນັກກິລາເຮືອຊ່ວງຍິງ – ຊາຍ, ເຂົ້າຮ່ວມເປັນສັກຂີພິຍານນຳ.
ໃນໂອກາດດັ່ງກ່າວ ທ່ານ ສໍສະຫັວນ ບານຄຳມີ ກ່າວສະແດງຄວາມຄອບອົກ ຄອບໃຈຢ່າງສູງຕໍ່ບັນ
ດາທ່ານ, ບັນດາໂຄງການ ແລະ ຫ້າງຮ້ານ ທີ່ໄດ້ນຳເອົາເຄື່ອງມາມອບໃຫ້ຂະບວນນັກກິລາເຮືອຊ່ວງໃນຄັ້ງນີ້ ແລະ ໃຫ້ຄຳໝັ້ນສັນຍາວ່າ: ຈະນຳເອົາເຄື່ອງຈຳນວນດັ່ງກ່າວ. ໄປນຳໃຊ້ເຂົ້າໃນວຽກງານກິດຈະ
ກຳ ເຮືອຊ່ວງທີ່ອ່າງຂັງນ້ຳຫ້ວຍແໝນ, ຍິງ ແລະ ຊາຍ ເພື່ອເປັນການປະກອບສ່ວນສ້າງຂະບວນການ
ໃນວັນບຸນອອກພັນສາປະຈຳປີ 2018 ໃຫ້ມີບັນຍາກາດຕາມຮິດຄອງປະເພນີຂອງລາວ ໃຫ້ມີຄວາມເບີກບານມ່ວນຊື່ນ.

ບັນນາທິການ ຜູ້ຂຽນຂ່າວ
ເພັດໄຊ ເພັດສົມແພງ ຄຳພະແກ້ວ ອິນທະວົງ