ໃນວັນທີ 6 ກໍລະກົດ 2020 ນີ້  ຮາກຖານພັກພະແນກກະສິກຳ ແລະ ປ່າໄມ້ແຂວງ ສຳເລັດພິທີມອບຮັບໃບຢັ້ງຢືນ ໜ່ວຍພັກປອດໃສ ເຂັ້ມແຂງ, ໜັກແໜ້ນປະຈຳປີ 2019 ໂດຍການເປັນປະທານ ຂອງ ສະຫາຍ ຄໍາສອນ ເທບວົງຊໍາ ຄະນະປະຈຳພັກແຂງ ປະທານກວດກາ ພັກ -ລັດແຂວງ, ມີສະຫາຍພູວົງ ສີສົມຮັກ ເລຂາພັກຮາກຖານພະແນກກະສິກຳ ແລະ ປ່າໄມ້ ຫົວໜ້າພະແນກກະສິກຳ ແລະ ປ່າໄມ້ ມີຜູ້ຕ່າງໝ້າຈາກໂຄສະນາອົບຮົມ ຄະນະຈັດຕັ້ງແຂວງ ,ກວດກາພັກລັດແຂວງ  ອົງການຈັດຕັ້ງມະຫາຊົນ ແລະ ເລຂາໜ່ວຍພັກ ພ້ອມດ້ວຍສະມະຊິກພັກສຳຮອງ ແລະ ສົມບຸນເຂົ້າຮ່ວທັງໝົດ 90 ກ່ວາສະຫາຍ.

ຮາກຖານພັກພະແນກກະສິກຳ ແລະ ປ່າໄມ້ແຂວງ ເປັນຮາກຖານໜື່ງທີ່ຂືນກັບການຊີ້ນຳ ໂດຍກົງຈາກອົງຄະນະພັກ

ແຂວງ ປະກອບມີ 6 ໜ່ວຍຄື: ໜ່ວຍພັກຫ້ອງການບໍລິຫານ, ໜ່ວຍພັກປ່າໄມ້-ກອງກວດກາ, ໜ່ວຍພັກປູກຝັງລ້ຽງສັດ, ໜ່ວຍພັກທີ່ດິນ ແລະ ສູນສົ່ງເສີມກະສິກຳ, ໜ່ວຍພັກພັດທະນາຊົນນະບົດ –  ສະຫະກອນ ແລະ ໜ່ວຍພັກຊົນລະປະ

ທານ  –  ກວດກາລັດ,  ມີຄະນະພັກຮາກຖານ  7  ສະຫາຍ,  ມີສະມະຊີກພັກທັງໝົດ  135 ສະຫາຍ, ຍີງ 37 ສະຫາຍ, ສະມະຊີກພັກສົມບູນ 123 ສະຫາຍ, ສະມະຊີກພັກສຳຮອງ 12 ສະຫາຍ ໃນໄລຍະຜ່ານມາຄະນະໜ່ວຍໄດ້ເອົາໃຈໃສ່  ນໍາພາ ຊີ້ນຳ ສະມະຊິກພັກພາຍໃນໜ່ວຍຂອງຕົນ ເຄື່ອນໄຫວຈັດຕັ້ງປະຕິບັດແຜນການກໍ່ສ້າງສະມະຊີກພັກ ໜ່ວຍພັກປອດໃສ,  ເຂັ້ມແຂງ, ໜັກແໜ້ນ,  ຕິດພັນກັບການຈັດຕັ້ງປະຕິບັດວຽກງານວິຊາສະເພາະໃນໄລຍະ 1 ປີຜ່ານມາ ຜ່ານການຕີລາຄາປະເມີນສະມະຊີກພັກປອດໃສ, ເຂັ້ມແຂງ, ໜັກແໜ້ນ,  ກວມເອົາ 95 ເປີເຊັນ,ສາມາດເປັນໜ່ວຍພັກປອບໃສເຂັ້ມແຂງ ໜັກແໜ້ນໄດ້ຈຳນວນ 5 ໜ່ວຍພັກຄື:  ໜ່ວຍພັກປ່າໄມ້ – ກອງກວດກາ, ໜ່ວຍພັກປູກຝັງ – ລ້ຽງສັດ,  ໜ່ວຍພັກທີ່ດິນ  ແລະ  ສູນສົ່ງເສີມກະສິກຳ,  ໜ່ວຍພັກພັດທະນາຊົນນະບົດ –  ສະຫະກອນ ແລະ ໜ່ວຍພັກຊົນລະປະທານ – ກວດກາລັດ,

ຕາມມະຕິຕົກລົງຂອງຄະນະປະຈຳພັກແຂວງ ສະບັບເລກທີ 189, 191, 197, 199 ແລະ ສະບັບເລກທີ່ 201  ລົງວັນທີ່ 17 ມີຖຸນາ ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ເປັນກຽດມອບໃບຍັງຢືນໂດຍແມ່ນ ສະຫາຍ ຄໍາສອນ ເທບວົງຊໍາ ຄະນະປະຈຳພັກແຂງ ປະທານກວດກາ ພັກ -ລັດແຂວງ,ແລະ ກ່າວຮັບໂດຍຕ່າງໜ້າເລຂາໜ່ວຍພັກ 5 ໜ່ວຍ.

ກອງປະຊຸມຍັງໄດ້ຮັບຟັງຄຳໂອ້ລົມຂອງ ສະຫາຍ ຄໍາສອນ ເທບວົງຊໍາ ໂດຍສະຫາຍໄດ້ເໜັ້ນໜັກໃຫ້ສະມະຊີກພັກທຸກສະຫາຍໃຫ້ມີຄິດເຊື້ອໜັ້ນຕໍ່ການນໍາພາ – ຊີ້ນໍາຂອງພັກ ຄົ້ນຄວາໃຫ້ເລີກເຊີ່ງໃນການກໍສ້າງພັກເໜັ້ນໃສ່ຄຸນະພາບ ແລະ ມາດຖານ ມີສະຕິຕໍ່ປະກົດການຫໍ້ຍທໍ້ຂອງສັງຄົມ, ການສໍລາດວັງຫຼວງ, ຝືກຜົນຫຼໍລອມຕົນເອງໃນການຮັບໃຊ້ຊາດຮັບໃຊ້ປະຊາຊົນ ສືບຕໍ່ຮັກສາມູນເສື້ອໃນການກໍສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃນປີຕໍ່ໄປ.

ໃນວັນທີ່ 26 ມີຖຸນາ 2020 ນີ້ ຫ້ອງການກະສິກຳ ແລະ ປ່າໄມ້ເມືອງ ຊຳເໜືອ ລົງສີດຢາປາບສັດຕູພືດ ຄວບຄຸມການລະບາດ(ຕັກກະແຕນຝຸງໄມ້ປ່ອງ ) ຢູ່ 2 ບ້ານຄື: ບ້ານ ພຽງຄັງ – ຫ້ວຍສຽ້ງ ແລະ ບ້ານ ເຮົ້າເໜືອ ທີ່ຂື້ນກັບເມືອງ ຊໍາເໜືອຈາກການລາຍງານຂອງອຳນາດການປົກຄອງທັງສອງບ້ານໄດ້ໃຫ້ຮູ້ວ່າ:  ໄດ້ມີການລະບາດຕັກກະແຕນຝຸງ ໄມ້ປ່ອງເຂົ້າທໍາລາຍຜົນຜະລິດປະຊາຊົນເປັນຕົ້ນແມ່ນທຳລາຍເຂົ້າໄຮ່ ແລະ ນາ,  ອັນໄດ້ເຮັດໃຫ້ເກີດຜົນເສຍຫາຍຫຼາຍພໍສົມຄວນ, ສະນັ້ນພະແນກກະສິກຳ ແລະ ປ່າໄມ້ແຂວງຈື່ງໄດ້ສົມທົບກັບຫ້ອງການກະສິກຳ ແລະ ປ່າໄມ້ເມືອງ ຊຳເໜືອ ປະສານຫາບ້ານ ທີ່ໄດ້ຮັບຜົນກະທົບ ໄດ້ນຳເອົາຢາໄປທຳລາຍຕັກກະແຕນເພື່ອຄວບຄຸມການລະບາດຢູ່ເນື້ອທີ່ໄຮ່ , ນາ ແລະ ເຂດທຳການຜະລິດຂອງປະຊາຊົນ, ບ້ານ ຫ້ວຍຄັງ ລວມມີ 38 ຄອບຄົວ, ມີເນື້ອທີ່ ທຳການຜະລິດ 25 ເຮັກຕາ, ໄດ້ຖືກຕັກກະແຕນຝຸງທຳລາຍ 20 ເຮັກຕາເນື້ອທີ່ທີ່ເສຍຫາຍມີ 10 ເຮັກຕາ, ບ້ານເຮົ້າໃຕ້ ມີ 29 ຄອບຄົວ ມີເນື້ອທີ່ ທຳການຜະລິດທັງໝົດ 21 ກ່ວາ ເຮັກຕາ ໄດ້ຮັບຜົນກະທົບຕັກກະແຕນທໍາລາຍ 5 ກ່ວາເຮັກຕາ

ໃນນີ້ທີມງານວິຊາການໄດ້ປຸກລະດົມໃຫ້ພໍ່ແມ່ປະຊາຊົນພ້ອມກັນຄວບຄຸ່ມບໍ່ໃຫ້ຂະຫຍາຍໄປບ່ອນໃຫ່ມ ໂດຍໄດ້ຝືກອົບຮົມວິທີ ການສີດຢາການນຳໃຊ້ຢາຂ້າຕັກກະແຕນ ແລະ ວິທີການປ້ອງກັນຕົວເອງໃນເວລາໃຊ້ຢາ, ມອບໃຫ້ທຸກຄອບຄົວເປັນເຈົ້າການໃນການປາບຕັກກະແຕນຝຸງໄມ້ປ່ອງ ແລະ ຮຽກຮ້ອງໃຫ້ພໍ່ແມ່ປະຊາຊົນເຜົ້າລະວັງບໍໃຫ້ແຜ່ລາບໄປເຂດອື່ນ ຖ້າຫາກມີການແຜ່ລາມໃຫ້ລາຍງານພາກສ່ວນກ່ຽວຂ້ອງຢ່າງຮີບດ່ວນ ເພື່ອແກ້ໄຂໃຫ້ທັນການ.

ແຫຼ່ງຂໍ້ມູນ: ຫ້ອງການກະສິກຳ ແລະ ປ່າໄມ້ເມືອງ ຊຳເໜືອ

ບັນນາທິການ: ທ່ານ ນາງ ພວງວັນ ມີວົງສາ ຮອງຫົວໜ້າຫ້ອງການບໍລິຫານ ແລະ ຈັດຕັ້ງ

ຂຽນຂ່າວໂດຍ: ນາງ ພອນທິບ ພັນທະວົງ    ໜ່ວຍງານຂ່າວສານພະແນກກະສິກຳ ແລະ ປ່າໄມ້ແຂວງ

ໃນວັນທີ່ 26 ມີຖຸນາ 2020 ນີ້ບໍລິການເຕັກນິກກະສິກຳຮ່ວມມືລາວ – ຫວຽດ ບ້ານ ອົ້ງ ໄດ້ຈັດການຝືກອົບຮົມແລກປ່ຽນບົດຮຽນກ່ຽວກັບວິທີການສ້າງຝຸ່ນບົ້ມວິວະພາບ ເຂົ້າໃນການຜະລິດກະສິກຳ ໂດຍການເປັນປະທານຂອງທ່ານ ແອຊຳ ວິໄລຈິດ ຫົວໜ້າສູນ ບໍລິການເຕັກນິກຮ່ວມມືລາວ – ຫວຽດ ບ້ານ ອົ້ງ , ມີ ວິຊາການຂະແໜງປູກຝັງ, ຫ້ອງການກະສິກຳ ແລະ ປ່າໄມ້ເມືອງ ຊຳເໜືອແລະ ພະນັກງານວີຊາການພາຍໃນສູນ ພ້ອມຊາວກະສິກອນໃນ 8 ບ້ານ ກຸ້ມຫົວຊຽງເມືອງ ຊຳເໜືອ ຄື: ບ້ານ ອົ້ງ, ບ້ານ ກາງ ຫົວຊຽງ, ບ້ານ ມ່ວນ – ນາເຮືອງ, ບ້ານ ຖໍ້າ, ບ້ານ ບວມ, ບ້ານ ຫ້ວຍຖຸ່ມ ແລະ ບ້ານ ຄັ້ງທີ່ ເຂົ້າຮ່ວມທັງໝົດ 40 ກ່ວາທ່ານ.

ເພື່ອເຮັດໃຫ້ສູນບໍລິການເຕັກນິກກະສິກຳ ໃຫ້ເປັນບ່ອນສຶກສາເຕັກນິກກະສິກຳຕ່າງໆ ເປັນແຫຼ່ງຂໍ້ມູນດ້ານການປູກການລ້ຽງໃຫ້ປະຊາຊົນໄດ້ມີເຕັກນິກທີ່ທັນສະໄຫມເຂົ້າໃນການຜະລິດເພື່ອຍົກສູງສະມັດຕະພາບໃນການຜະລິດໃຫ້ຫຼາຍຂື້ນ ນຳໃຊ້ຝຸ່ນສະກັດທຳມະຊາດ ເຂົ້າໃນການຜະລິດປະສະຈາກການນຳໃຊ້ຝຸ່ນທີ່ມີສານເຄມີໃນການປູກພືດຕ່າງໆ, ຊຸດອົບຮົມຄັ້ງນີ້ແມ່ນໄດ້ເລັ່ງໃສ່ການຜະລິດຝຸ່ນບົ້ມຊີວະພາບ, ການເຮັດນໍ້າຈຸລິນຊີໜໍ່ກ້ວຍໄມ້ ແລະ ຜະລິດນໍ້າຢາໄລ່ແມງໄມ້ ການຝຶກອົບຮົມແມ່ນໄດ້ໃຫ້ນັກສຳມະນາກອນໄດ້ຮຽນພາກທິດສະດີ ແລະ ປະຕິບັດຕົວຈີງໄປພ້ອມ ແລກປ່ຽນບົດຮຽນລະຫ່ວາງເຊີ່ງກັນແລະ ກັນລະຫ່ວາງຄູຝຶກກັບຊາວກະສິກອນ, ເຫັນວ່ານັກສຳມະນາກອນໄດ້ມີຄວາມເອົາໃຈໃສ່ ແລະ ສົນໃຈຕໍ່ບົດຮຽນເພື່ອຈະໄດ້ນຳບົດຮຽນດັ່ງກ່າວໄປປັບປຸງນຳໃຊ້ໃຫ້ຂັ້ນທ້ອງຖື່ນຂອງຕົນ, ແຜນໃນຕໍ່ໜ້ານີ້ສູນບໍລິການເຕັກນິກກະສິກຳຮ່ວມມືລາວ – ຫວຽດ ບ້ານ ອົ້ງຈະໄດ້ສືບຕໍ່ ຝືກອົບຮົມໃຫ້ປະຊາຊົນຊາວກະສິກອນໃນດ້ານເຕັກນິກ ການລ້ຽງສັດ, ເຕັກນິກການຕັດຕໍ່, ສຽບຍອດໄມ້ໃຫ້ໝາກ ແລະ ເຕັກນິກໃນການປະສົມພັນປາ ແລະ ອື່ນໆອີກ ເພື່ອຈະໃຫ້ເປັນບ່ອນສະໜອງຂໍ້ມູນຕ່າງໆ ໃຫ້ຊາວກະສິກອນໄດ້ນຳເອົາບົດຮຽນໄປຈັດຕັ້ງປະຕິບັດເຮັດໃຫ້ຊາວກະສິກອນໄດ້ມີລາຍຮັບຈາກການຜະລິດກະສິກຳເພື່ອມາພັດທະນາຄອບຄົວໃຫ້ດີຂື້ນ.

ແຫຼ່ງຂໍ້ມູນ: ສູນບໍລິການເຕັກນິກກະສິກຳຮ່ວມມືລາວ – ຫວຽດ ບ້ານ ອົ້ງ

ບັນນາທິການ: ນາງ ພວງວັນ ມີວົງສາ ຮອງຫົວໜ້າບໍລິຫານ ແລະ ຈັດຕັ້ງ

ຂຽນຂ່າວໂດຍ: ນາງ ພອນທິບ ພັນທະວົງ     ( ໜ່ວຍງານຂ່າວສານ ພະແນກກກະສິກຳ ແລະ ປ່າໄມ້)

ວັນ​ທີ 21 ມີ​ຖຸ​ນາ 2020 ເມືອງຊ່ອນໄດ້ສຳເລັດພິທີມອບ-ຮັບໂຄງການຊົນລະປະທານ ນ້ຳຕີ້ວ3, ບ້ານເມືອງເປີ້, ເມືອງຊ່ອນ, ແຂວງຫົວພັນ.ໂດຍການເປັນປະທານຂອງ​ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້, ມີທ່ານ ພູວົງ ສີສົມຮັກ ກຳມະການພັກແຂວງ, ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ, ມີ​ບັນ​ດາພາກສ່ວນທີ່ກ່ຽວຂອງ​ຂັ້ນ​ແຂວງ, ​​ເມືອງ, ພ້ອມດ້ວຍອຳ​ນາດ​ການ​ປົກ​ຄອງ​ບ້ານ ແລະ ຕົວ​ແທນ​ຈາກ​ບໍ​ລິ​ສັດ​ຮັບ​ເໝົາ​ກໍ່​ສ້າງ​ເຂົ້າ​ຮ່ວມ​ນຳ.     

    ໂຄງການຊົນລະປະທານ, ນ້ຳຕີ້ວ3, ບ້ານເມືອງເປີ້, ໄດ້ເລີ່ມລົງມືຈັດຕັ້ງປະຕິບັດແຕ່ວັນທີ 31 ມີນາ 2020 ເຖີງວັນທີ 19 ມີຖຸນາ 2020 ແມ່ນໄດ້ກໍ່ສ້າງສຳເລັດຂອງໜ້າວຽກທັງໝົດ, ເປັນຕົ້ນ​ການກໍ່​ສ້າງລະ​ບົບ​ຫົວ​ງານ​ມີ: ດິນ​ຂຸດ, ດິນ​ຖົມ, ອະ​ນາ​ໄມ​ພື້ນ​ທີ່, ກໍ່​ຫີນ​ຟູ, ຫີນ​ລຽງ, ເບ​ຕົງ​ເສີມ​ເຫຼັກ, ເບ​ຕົງ​ກັນ​ເປື້ອນ, ຕິດ​ຕັ້ງ​ປະ​ຕູ​ລະ​ບາຍນ້ຳ​ຊາຍ, ປະ​ຕູ​ເອົາ​ນ້ຳ​ເຂົ້າ​ຄອງ​ຄົບ​ຊຸດ, ມີ​ຄວາມ​ກ້​ວາງ 36 ແມັດ, ລວງ​ສູງ​ສັນ​ຝາຍ 1 ແມັດ​ຫົກ, ຄວາມ​ສູງ​ຂອບ​ຝາຍ​ຄອງເໝືອງ 4 ແມັດ, ລວມ​ມູນ​ຄ່າ​ການກໍ່​ສ້າງ​ທັງ​ໝົດ 1 ຕື້ 3 ຮ້ອຍ​ກ່​ວາ​ລ້ານ​ກີບ.

ໂຄງການຊົນລະປະທານນ້ຳຕີ້ວ ສາມາດຫົດເນື້ອທີ່ນາ 40 ກ່ວາເຮັກຕາໂດຍສະເພາະແມ່ນພື້ນພູ​ເນື້ອ​ທີ່​ນາ​ເກົ່າ ແລະ ເນື້ອ​ທີ່​ນາ​ຊັບ​ຊ່າວ​ໃໝ່, ເພື່ອ​ແນ​ໃສ່ຫຼຸດ​ຜ່ອນ​ການ​ຖາງ​ປ່າ​ເຮັດ​ໄຮ່, ເພື່ອ​ເປັນ​ການ​ຈັດ​ສັນ​ອາ​ຊີບ​ຄົງ​ທີ່​ໃຫ້​ແກ່​ປະ​ຊາ​ຊົນ​ແນ​ໃສ່​ພັດ​ທະ​ນາ​ດ້ານ​ກະ​ສິ​ກຳ​ໃຫ້​ດີ​ຂື້ນ, ​ການ​ຜະ​ລິດ​ສະ​ບຽງ​ອາ​ຫານ​ໃຫ້​ສາ​ມາດ​ກຸ້ມ​ຕົນ​ເອງ, ເຮັດ​ໃຫ້​ປະ​ຊາ​ຊົນ​ມີ​ລາຍ​ຮັບ​ເພື່ມ​ຂື້ນ, ປັບປຸງ​ຊີ​ວິດ​ການ​ເປັນ​ຢູ່​ຂອງ​ປະຊາຊົນ​ນັບ​ມື້​ດີ​ຂື້ນ​ເທື່ອ​ລະ​ກ້າວ, ກ່າວມອບ​ໂຄງ​ການ​ໂດຍ: ບໍ​ລິ​ສັດ ​ວົງ​ສຸກ​ທະ​ວີ​ຊັບ​ກໍ່​ສ້າງ, ກ່າວ​ຮັບ​ໂດຍ​ຫ້ອງ​ການ​ກະ​ສິ​ກຳ ແລະ ປ່າ​ໄມ້​ເມືອງ​ໃນ​ນາມ​ເຈົ້າ​ຂອງ​ໂຄງ​ການ, ຈາກນັ້ນມອບ​ຕໍ່​ໃຫ້​ປະ​ຊາ​ຊົນ​ບ້ານ​ເມືອງ​ເປີ້ ເຊັນສັນຍາມອບ-ຮັບ ​ນຳໃຊ້​ຊົນ​ລະ​ປະ​ທານ​ຢ່າງ​ເປັນ​ທາງ​ການ.

ຕອນ​ທ້າຍໃຫ້​ກຽດ​ໂອ້​ລົມ ທ່ານ​ ທອງ​ພັດ ​ວົງ​ມະ​ນີ ຮອງ​ລັດ​ຖະ​ມົນ​ຕີ ກະ​ຊວງ​ກະ​ສິ​ກຳ ແລະ ປ່າ​ໄມ້, ມີ​ຄຳ​ຄິດ, ຄຳ​ເຫັນ​ໃນ​ການ​ນຳ​ໃຊ້​ຊົນ​ລະ​ປະ​ທານ​ແຫ່ງນີ້​ເພື່ອ​ເຮັດ​ໃຫ້​ເກີດ​ປະ​ໂຫຍດ​ສູງ​ສຸດ​ວ່າ: .

ພາບ-​ຂ່າວ ຄຳພະແກ້ວ ອິນທະວົງ

ໜ່ວຍງານຂ່າວສານ ພະແນກກະສິກຳ ແລະ ປ່າໄມ້ແຂວງຫົວພັນ.

ວັນ​ທີ 15 ມີ​ຖຸ​ນາ 2020 ​ພະ​ແນກ​ກະ​ສິ​ກຳ ແລະ ປ່າ​ໄມ້ ແຂວງ​ ໃນ​ນາມ​ເຈົ້າ​ຂອງ​ໂຄງ​ການ​ໄດ້ເປີດ​ປະ​ຊຸມ​ກວດ​ກາ​ຜົນ​ສຳ​ເລັດ​ໂຄງ​ການກໍ່​ສ້າງ​ຮົ້ວ​ເຫຼັກ​ໜາມ​ໝາກ​ຈັບ ອ້ອມ​ພື້ນ​ທີ່​ສູນ​ເຕັກ​ນິກ​ກະ​ສິ​ກຳ​ຮ່ວມ​ມື​ລາວ-​ຫວຽດ (ບ້ານອົ້ງ) ທີ່​ຫ້ອງ​ປະ​ຊຸມດັ່ງ​ກ່າວ, ນຳ​ພາ​ໂດຍ ທ່ານ ກອນ​ໄທ ແກ້ວ​ນະ​ຄອນ ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ ມີທ່ານ ລຽນ​ພອນ​ໄຊ ບໍ​ລິ​ສັດ ກໍ່​ສ້າງ​ສ້ອມ​ແປງ​ເຄ​ຫາ​ສະ​ຖານ ແລະ ຂົວ​ທາງ ​ມີ​​ຂະ​ແໜງ​ການ​ທີ່​ກ່ຽວ​ຂ້ອງ ແລະ ຄະ​ນະ​ຄຸ້ມ​ຄອງ​ໂຄງ​ການ​ເຂົ້າ​ຮ່ວມ​ນຳ.

ໃນພິທີ​ທ່ານ ລຽນ​ພອນ​ໄຊ ໄດ້​ສະຫຼຸບ​ຜົນ​ສຳ​ເລັດ ແລະ ໄດ້ມີການມອບ – ຮັບຮົ້ວ​ເຫຼັກ​ໜາມ​ໝາກ​ຈັບ ອ້ອມ​ພື້ນ​ທີ່ສູນ​ເຕັກ​ນິກ​ກະ​ສິ​ກຳ​ຮ່ວມ​ມື​ລາວ-​ຫວຽດ ປະກອບມີໜ້າ​ວຽກ: ຂຸດ​ດິນ​ຕີນ​ເສົາ​ພ້ອມ​ອັດ​ແໜ້ນ, ເທ​ເບ​ຕົງ​ຕີນ​ເສົາ​ຮົ້ວ, ຕິດ​ຕັ້ງ​ເສົາ​ເບ​ຕົງ​ສຳ​ເລັດ​ຮູບ 9 ຮ້ອຍຊາວ​ຫົກ​ຕົ້ນ, ໜາມ​ໝາກ​ຈັບ 2 ຮ້ອຍ 6 ກໍ້, ຄວາມ​ຍາວ​ຮົ້ວ 2 ພັນ 8 ຮ້ອຍ​ຫ້າ​ສິບ​ແມັດ, ​ລວມ​ມູນ​ຄ່າ​ການກໍ່​ສ້າງ 4 ຮ້ອຍ 4 ສິບ​ລ້ານ​ກ່​ວາ​ກີບ, ​ທັງ​ໝົດ​ນີ້ເພື່ອນໍາໃຊ້ເຮັດ​ໃຫ້​ຫ້ອງ​ການ​ສູນ ມີ​ຄວາມ​ສະ​ອາດ, ບໍ່​ໃຫ້​ສັດ ເຂົ້າ​ທຳ​ລາຍ​ຜົນ​ລະ​ປູກ​ພາຍ​ໃນ​ພື້ນ​ທີ່​ຂອງ​ສູນ.

ເພື່ອເຮັດໃຫ້ພິທີດັ່ງກ່າວ ມີຄວາມໝາຍຄວາມສຳຄັນນັ້ນ ທ່ານ ກອນ​ໄທ ແກ້ວ​ນະ​ຄອນ ໄດ້ມີຄຳເຫັນໂອ້ລົມ ພະນັກງານ ພາຍໃນສູນ​ສົ່ງ​ເສີມ ກ່ອນອື່ນທ່ານໄດ້ຍ້ອງຍໍຕໍ່ຜົນງານທີ່ຍາດມາໄດ້ ໃນໄລຍະຜ່ານມາ ເປັນຕົ້ນເພິ່ນໄດ້ຊີ້ທິດ ເ​ຍືອງທາງໃຫ້ອ້າຍນ້ອງພະນັກງານປະຈຳ​ສູນໃຫ້ພ້ອມກັນປົກປັກຮັກສາ ຮົ້ວໃຫ້ໄດ້ຮັບຜົນປະໂຫຍດ ແລະ ມີຄວາມຍືນຍົງຕະຫຼອດໄປ.

ພາບ-ຂ່າວ, ຄຳ​ພະ​ແກ້ວ ອິນ​ທະ​ວົງ

ໃນລະຫວ່າງວັນທີ 10-11  ມີ​ຖຸ​ນາ 2020  ທ່ານ ຄຳ​ບຸນ​ນັດ ໄຊ​ຍະ​ນົນ ຮອງລັດຖະມົນຕີກະຊວງກະສິ​ກຳ ແລະ ປ່າໄມ້ ພ້ອມດ້ວຍຄະນະໄດ້ລົງ​ມາເຄື່ອນໄຫວວຽກງານ​ກະ​ສິ​ກຳ ແລະ ຊຸກຍູ້ການຜະລິດ ທີ່​ເມືອງ​ຊ່ອນ, ​ ເປັນ​ກຽດ​ຕ້ອນ​ຮັບ​ໂດຍ ທ່ານ ສີ​ວິ​ໄລ ພີມ​ມະ​ວົງ ເຈົ້າ​ເມືອງໆ​ຊ່ອນ, ທ່ານ ສໍ​ສະ​ຫັວນ ບານ​ຄຳ​ມີ ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ​ ຈາກນັ້ນວັນ​ທີ 11 ມີ​ຖຸ​ນາ 2020 ​ເພີ່ນ​ຍັງ​ໄດ້​ໂອ້​ລົມ​ພະ​ນັກ​ງານ ລັດ​ຖະ​ກອນ​ພາຍ​ໃນ​ພະ​ແນກ​ກະ​ສິ​ກຳ ແລະ ປ່າ​ໄມ້​​ແຂວງ ທີ່​ຫ້ອງ​ປະ​ຊຸມ​ພະ​ແນກ ໂດຍ ທ່ານ ສໍ​ສະ​ຫັວນ ບານ​ຄຳ​ມີ ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງໄດ້ລາຍ​ງານ​ໂດຍຫຍໍ້ສະ​ພາບ​ການ​ຈັດ​ຕັ້ງ​ປະ​ຕິ​ບັດ​ການ​ນຳ​ພາ​-ຊີ້​ນຳວຽກ​ງານ​ກະ​ສິ​ກຳ ແລະ ປ່າ​ໄມ້ ໃນ​ໄລ​ຍະ 6 ເດືອນ​ຜ່ານ​ມາ, ຕີ​ລາ​ຄາ​ການ​ຊີ້​ນຳ-ນຳ​ພາ​ຂອງ​ຄະ​ນະ​ພັກ​ຕໍ່​ດ້ານ​ການ​ເມືອງ​ແນວ​ຄິດ, ຕໍ່​ວຽກ​ງານ​ວິ​ຊາ​ສະ​ເພາະ​ຂອງ​ພະ​ນັກ​ງານ-ລັດ​ຖະ​ກອນ ແລະ ທິດ​ທາງ​ແຜນ​ການ​ໃນ​ຕໍ່​ໜ້າ, ສືບ​ຕໍ່​ສູ້​ຊົນ​ບັນ​ດາ​ຕົວ​ເລກ ຄາດ​ໝາຍ​ທີ່​ວາງ​ໄວ້​ໃນ​ແຕ່​ລະ​ແຜນ​ດຳ​ເນີນ​ງານ ເປັນ​ຕົ້ນ​ແມ່ນ​ສູ້​ຊົນ​ຕາມ​ມະ​ຕິ​ສະ​ພາ​ປະ​ຊາ​ຊົນ​ແຂວງ​ຫົວ​ພັນ​ໄດ້​ກຳ​ນົດ​ເຊັ່ນ: ການ​ຜະ​ລິດ​ເຂົ້າ, ການ​ຜະ​ລິດ​ພຶດ​ສະ​ບຽງອາ​ຫານ ແລະ ການ​ຂະ​ຫຍາຍ​ຝູງ​ສັດ​ໃຫ້​ໄດ້​ຕາມ​ຈຸດ​ປະ​ສົງ ແລະ ຄາດ​ໝາຍ​ທີ່​ວາງ​ໄວ້.

ໃນໂອກາດນີ້, ທ່ານຮອງລັດຖະມົນຕີ ໄດ້ເນັ້ນໜັກໃຫ້​ພະ​ແນກກະສິກຳ ແລະ ປ່າໄມ້ແຂວງ, ​ຕ້ອງສືບ​ຕໍ່​ຄົ້ນ​ຄ້​ວາ​ບັນ​ດາ​ໜ້າ​ວຽກ, ວິ​ຊາ​ສະ​ເພາະ​ທີ່​ຕິດ​ພັນ​ກັບຂະ​ແໜງ​ກະ​ສິ​ກຳໃຫ້​ເລິກ​ເຊີ່ງ, ກ້​ວາງ​ຂວາງ, ເປັນ​ຕົ້ນ​ແມ່ນ​ຂະ​ແໜງ​ການ​ຄ້າ, ສາ​ທາ, ເອົາ​ໃຈ​ໃສ່​ລົງ​ຊຸກ​ຍູ້​ສົ່ງ​ເສີມ​ປະ​ຊາ​ຊົນ​ທຳ​ການ​ຜະ​ລິດຫຼາຍ​ຂື້ນ ເພື່ອ​ຮັບ​ປະ​ກັນ​ຄວາມ​ໝັ້ນ​ຄົງ​ທາງ​ດ້ານ​ສະ​ບຽງ​ອາ​ຫານ, ຕິດ​ພັນ​ກັບ​ການ​ຜະ​ລິດ​ທີ່​ສະ​ອາດ, ຈຳ​ກັດ​ການ​ໃຊ້​ສານ​ເຄ​ມີ​ທີ່​ຕ້ອງ​ຫ້າມ, ມອບ​ໃຫ້​ສູນ​ສົ່ງ​ເສີມ​ເຕັກ​ນິກ​ກະ​ສິ​ກຳທົດ​ລອງ​ນຳ​ໃຊ້​ເຕັກ​ນິກ​ກະ​ສິ​ກຳ​ອັ່ນ​ໃໝ່​ເຂົ້າ​ໃນ​ການ​ປູກ-​ການ​ລ້ຽງ, ເປັນ​ຕົວ​ແບບ ເປັນ​ບ່ອນ​ຖ່າຍ​ທອດ​ເຕັກ​ນິກ​ໃຫ້​ແກ່​ປະ​ຊາ​ຊົນ ໂດຍ​ໃຫ້​ໄດ້​ທັງ​ປະ​ລິ​ມານ ແລະ ຄຸນ​ນະ​ພາບ, ຈັດ​ຕັ້ງ​ກຸ່ມ​ຜະ​ລິດ​ສະ​ຫະ​ກອນ​ຜະ​ລິດ​ເປັນ​ສິນ​ຄ້າ​ທີ່​ຕະຫຼາດ​ຕ້ອງ​ການ​ຕາມ​ຄວາມ​ເໝາະ​ສົມ, ການ​ຄຸ້ມ​ຄອງ​ຊັບ​ພະ​ຍາ​ກອນ​ປ່າ​ໄມ້​ຕ້ອງ​ໄດ້​ກຳ​ນົດ​ລະ​ອຽດ ເຂດ​ປ່າ​ຜະ​ລິດ, ປ່າ​ຊົມ​ໃຊ້ ແລະ ປ່າ​ປ້ອງ​ກັນ, ປູກ​ໄມ້, ຟື້​ຟູ​ປ່າ​ໄມ້, ປົກ​ປັກ​ຮັກ​ສາ​ປ່າ​ໄມ້​ໃຫ້ຫຼາຍ​ຂື້ນ​ຕື່ມ, ມອບ​ໃຫ້​ຂະ​ແໜງ​ພັດ​ທະ​ນາ​ຊົນ​ນະ​ບົດ ແລະ ສະ​ຫະ​ກອນ, ເອົາ​ໃຈ​ໃສ່​ປະ​ຕິ​ບັດ​ຕາມ​ແຜນ​ນະ​ໂຍ​ບາຍ​ຂອງ​ພັກ ໃນ​ການ​ພັດ​ທະ​ນາ​ຊົນ​ນະ​ບົດ​ແບບ​ໃໝ່, ສ້າງ​ບ້ານ​ໃຫ້​ເປັນ​ບ້ານ​ພັດ​ທະ​ນາ, ສ້າງ​ບ້ານ​ໃຫ່​ຍ​ໃຫ້​ເປັນ​ບ້ານ​ສີ​ສັນ​ຕົວ​ເມືອງ​ນ້ອຍ, ຈັດ​ສັນ​ພູມ​ລຳ​ເນົາ ແລະ ອາ​ຊີບ​ຄົງ​ທີ່​ກຳ​ນົດ​ທີ່​ຢູ່​ອາ​ໄສ​ໃນ​ການ​ທຳ​ມາ​ຫາ​ກີນ​ຂອງ​ປະ​ຊາ​ຊົນ​ໃຫ້​ດີ​ຂື້ນ​ກ່​ວາ​ເກົ່າ.

ບັນ​ນາ​ທິ​ການ ປອ ສົມສັກ ຈັນມາລີ                                                                                                 

ພາບ-​ຂ່າວ     ຄຳພະແກ້ວ ອິນທະວົງ

ເພື່ອເປັນການປະກອບສ່ວນໃນການຈັດຕັ້ງປະຕິບັດຍຸດທະສາດປ່າໄມ້ ແຕ່ນີ້ ຮອດປີ 2020 ຂອງກະຊວງກະສິກຳແລະ ປ່າໄມ້ ກໍ່ຄືຂອງລັດຖະບານ ໃນການເພີ່ມຄວາມປົກຫຸ້ມຂອງເນື້ອທີ່ປ່າໄມ້ໃຫ້ໄດ້ 70 % ແລະ ປູກໄມ້ໃຫ້ໄດ້ 500,000 ເຮັກຕາ ຮອດປີ 2020 ໃຫ້ປະກົດຜົນເປັນຈິງ ລັດຖະບານໄດ້ກຳນົດເອົາວັນທີ 1 ມິຖຸນາ ຂອງທຸກໆປີເປັນວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ, ພ້ອມທັງເປັນການສະເຫຼີມສະຫຼອງວັນສິ່ງ ແວດລ້ອມໂລກ ວັນທີ 5 ມິຖຸນາ ທີ່ຈະມາເຖີງນີ້. ດັງນັ້ນ ພະແນກກະສິກຳ ແລະ ປ່າໄມ້ແຂວງ ສົມທົບກັບ ເມືອງຊຳເໜືອ, ໂຄງການປ້ອງກັນດິນຟ້າອາກາດ, ເຫັນໄດ້ຄວາມສຳຄັນຂອງສອງວັນດັ່ງກ່າວ ຈິ່ງໄດ້ຈັດພິທີປູກຕົ້ນໄມ້ ທີ່ ສວນສາທາ ຮ່ວມມືຫົວພັນ-ກວາງມິງ ໃຫ້ກຽດເຂົ້າຮ່ວມພິທີປູກຕົ້ນໄມ້ໃນຄັ້ງນີ້ມີ ທ່ານ ວັນໄຊ ແພງຊຸມມາ ກຳ​ມະ​ການ​ສູນ​ກາງ​ພັກ ເລຂາພັກແຂວງ ເຈົ້າແຂວງໆ ຫົວພັນ, ທ່ານ ພຸດພັນ ແກ້ວມີໄຊ, ກຳ​ມະ​ການ​ພັກ​ແຂວງ ເລ​ຂາ​ພັກ​ເມືອງ ເຈົ້າເມືອງໆຊຳເໜືອ, ທ່ານ ພູວົງ ສີສົມຮັກ ກຳມະການພັກແຂວງ ຫົວໜ້າພະແນກກະສິກຳ ແລະ ປ່າໄມ້ແຂວງ ນອກ ນັ້ນ ຍັງມີຜູ້ຕາງໜ້າຈາກບັນດາພະແນກການ, ຫ້ອງການ, ອົງການຈັດຕັ້ງມະຫາຊົນ, ບັນ ດາບໍລິສັດ, ນັກຮຽນ-ນັກສຶກສາ ລວມທັງອົງການປົກຄອງທ້ອງຖິ່ນເຂົ້າຮ່ວມຢ່າງເປັນຂະບວນຟົດຟື້ນ.

ຈຸດປະສົງໃນການປູກຕົ້ນໄມ້ໃນຄັ້ງນີ້ກໍ່ເພື່ອປູກຈິດສຳນືກໃຫ້ທຸກຄົນມີສ່ວນຮ່ວມໃນການປົກປັກຮັກສາປ່າໄມ້ ແລະ ຮັກສາສະພາບແວດລ້ອມໃຫ້ສວຍງາມ ເຫັນໄດ້ຄຸນປະໂຫຍດຂອງປ່າໄມ້ທີ່ມີຕໍ່ຄົນ ແລະ ສິ່ງທີ່ມີຊິວິດ ທັງເປັນການໂຄສະນາເຜີຍແຜ່ໃຫ້ມວນຊົນ ໃນການປົກປັກຮັກສາສິ່ງແວດລ້ອມ. ຕົ້ນໄມ້ທີ່ນໍາມາປູກໃນຄັ້ງນີ້ມີ 3 ຈຸດຄື: ບ້ານຫຼັກ 20, ວັດອົງຕື້ ແລະ ຈຸດຊົມວິວ, ມີຈໍານວນ ທັງໝົດ 2 ພັນ 4 ຮ້ອຍກວ່າຕົ້ນ ໃນນັ້ນມີ: ເບ້ຍໄມ້ໂລງເລງ, ໄມ້ດູ່ລາຍ, ໄມ້ດູ່ທຳມະດາ, ໄມ້ຄະຍຸງ, ໄມ້ຈວງ, ຝາງແດງ ແລະ ເບ້ຍໄມ້ຄາຍປ່າ. ເພື່ອໃຫ້ຕົ້ນໄມ້ທຸກຕົ້ນທີ່ນຳມາປູກໃນຄັ້ງນີ້ໄດ້ເຕີບໃຫຍ່, ເປັນປ່າໄມ້ສີຂຽວ ແລະ ມີຄວາມຍືນຍົງພະແນກກະສິກຳ ແລະ ປ່າໄມ້ແຂວງ, ຫ້ອງ​ການ​ກະ​ສິ​ກຳ ແລະ ປ່າ​ໄມ້​ເມືອງ ໃນນາມເປັນຂະແໜງ ການທີ່ຮັບຜິດຊອບໂດຍກົງ ຮຽກຮ້ອງມາຍັງບັນດາທ່ານຈົ່ງພ້ອມກັນປະກອບສ່ວນເຂົ້າໃນການບົວລະບັດຮັກສາຕົ້ນໄມ້, ປ້ອງກັນບໍ່ໃຫ້ໄຟໄໝ້ລາມປ່າ,ອານະໄມຕົວເມືອງ, ບໍ່ຖີ້ມ ແລະ ບໍ່ຈູດຂີ້ເຫຍື້ອຊະຊາຍ ທັງໝົດນີ້ ກໍ່ເພື່ອປະກອບສວ່ນໃນການອະນຸລັກຊັບພະຍາກອນທໍາມະຊາດ ແລະ ການປົກປັກຮັກສາສິ່ງແວດລ້ອມ ຕາມທິດສີຂຽວ ແລະ ຍືນຍົງ (ທ່ານ ພຸດພັນ ແກ້ວມີໄຊ ເຈົ້າເມືອງ, ເມືອງຊຳເໜືອ) ໃຫ້ລາຍລະອຽດວ່າ:……….

ບັນ​ນາ​ທິ​ການ. ປອ ສົມ​ສັກ ຈັນ​ມາ​ລີ

ພາບ-ຂ່າວ ຄຳ​ພະ​ແກ້ວ ອິນ​ທະ​ວົງ